Ўзбекистон Республикаси Президентининг 2021 йил 9 июндаги "Ҳудудларнинг саноат салоҳиятини оширишга доир қўшимча чора-тадбирлар тўғрисида"ги ПФ-6244-сон Фармонига асосан бугунги кунда вилоят маркази бўлган Қарши шаҳрида 17.9 гектар майдонда 4 та кичик саноат зонаси ташкил этилмоқда.

 

  

Шу боисдан, ҳозирда 10.0 гектар майдонда ташкил этилаётган “Буюк турон” маҳалласидаги кичик саноат зонаси 8 лотга бўлинган бўлиб, бу ерда умумий қиймати 203,5 млрд.сўмлик 8 та лойиҳа амалга оширилмоқда. Вилоят ҳокими Муротжон Азимов мазкур саноат зонасида амалга оширилаётган ишлар билан яқиндан танишиб, ҳудуддаги “Алоқа юксак текстил" МЧЖ томонидан амалга оширилаётган мато тўқиш ва ишлаб чиқариш лойиҳасини кўздан кечирди.

 

 

Мазкур лойиҳа орқали 200 та иш ўрни яратилиб, йилига ип калавадан 78840 тонна тўқима мато ишлаб чиқариш қувватига эга ҳисобланади. Шунингдек, вилоят раҳбари “Қавали” ва “Хонтепа” маҳаллаларида ташкил этилган кичик саноат зоналарида ҳам бўлиб, бу ерда олиб борилаётган ишлар ва амалга оширилаётган лойиҳалар билан танишди ва масъул раҳбарларга қўшимча равишда ўз таклиф ҳамда топшириқларини берди.