Хусусан, “UzShoes” корхонаси беларуслик ишбилармонлар билан ҳамкорликда 6 миллион доллар эвазига ташкил этилган ва корхонага Германия, Италия ҳамда Австриядан ускуна ва жиҳозлар келтириб ўрнатилди. Натижада эса 350 та иш ўринлари яратилган.

Корхона йилига 500 минг жуфт пойабзал ишлаб чиқариш қувватига эга бўлиб, ҳозирда эркаклар, аёллар ва болалар учун 10 турдаги чарм пойабзаллар тайёрланмоқда. 

Президент пойабзалларни тайёрлаш жараёнини кўздан кечирди ва шу ерда ишлаётган хотин-қизлар билан суҳбатлашди.

Шунингдек, юртбошимиз Қарши шаҳрида спорт таълими бўйича тақдимот билан танишиб, спортни ривожлантириш вазири ёшлар ўртасида оммавий спортни ривожлантириш чора-тадбирлари бўйича 1 апрель куни ўтказилган йиғилишдаги вазифалар ижроси тўғрисида ҳисобот берди.

Шу билан Президент Шавкат Мирзиёев Қашқадарё вилоятидаги ташрифини якунлаб, Тошкентга қайтиб кетди.