Ўзбекистон Республикаси Вазирлар Маҳкамасининг 2020 йил 25 мартдаги 182-сонли қарори билан тасдиқланган “Уй-жой сотиб олиш учун фуқароларга субсидия тўлаш тартиби тўғрисида”ги Низомга мувофиқ уй-жойга муҳтож оилаларга уй сотиб олиш учун субсидиялар тўлаш тартиби белгиланган.

Субсидиялар – даромади юқори бўлмаган шахсларга ипотека кредитлари асосида уй-жой сотиб олишлари учун бошланғич бадал ёки кредит фоиз тўловларининг бир қисмини қоплаб бериш мақсадида давлат бюджетидан тўланадиган ва қайтариб берилмайдиган маблағ бўлиб, у уй-жойга муҳтож бўлган оилалар, мамлакат ижтимоий ҳаётида фаол иштирок этаётган ёшлар ва шу тоифадаги бошқа Ўзбекистон фуқароларига ажратилади.

Қарши шаҳар давлат хизматлари марказида ташкил этилган тадбирда шаҳар ҳокимлиги томонидан уй-жойга муҳтож 17 нафар фуқарога уй-жой сотиб олиш учун субсидия тақдим этиш тўғрисидаги сертификатлар топширилди.

Қарши шаҳар ҳокимлиги Ахборот хизмати