25 may kuni mamlakatimizdagi barcha maktablarda "Mening maktabim - mening uyim" shiori ostida 2018-2019 о‘quv yilini yakunlash va "Sо‘nggi qо‘ng‘iroq" tadbirlari о‘tkaziladi.

Soha xodimlarining xabar berishicha, bu yilgi "Sо‘nggi qо‘ng‘iroq" tadbirlarida faqat 1- va 11-sinf о‘quvchilari ishtirok etishadi.

Xabarga kо‘ra, "Sо‘nggi qо‘ng‘iroq" tadbirlari maktab hovlisi, bog‘ida yoki soya-salqin ochiq maydonlarda о‘tkaziladi. Maktab hududiga texnika vositalari va begona shaxslarning kiritilmasligi ta’minlanadi. Ushbu tadbirlar joylardagi mahalla faollari, ota-onalar va huquqni muhofaza qilish idoralari vakillari bilan hamkorlikda tashkil etilib, о‘quv muassasalariga faxriy о‘qituvchilar, ota-onalar, maktabning sobiq bitiruvchilari taklif etiladi. Bitiruvchi о‘quvchilarning turli liboslar hamda lentalar taqishi taqiqlanishi kо‘pchilik ota-onalarni ham xursand qildi. Shuningdek, maktab ma’muriyati tomonidan yil davomida namunali xulq va a’lo baholarga о‘qib, eng yuqori reyting kо‘rsatkichlariga erishgan iqtidorli bitiruvchilar taqdirlanadi.

- Uch nafar farzandim maktabda о‘qiydi, - deydi Qarshi shahrilik Nargiza Primova. - Yangi tartib haqida eshitib, juda xursand bо‘ldim. Chunki bitiruv oqshomlarini xonadonlar, restoran,  qahvaxonalarda banket yoki boshqa marosimlar shaklida о‘tkazishga yо‘l qо‘yilmasligi turli ortiqcha xarajatlarning oldini oladi.

  S.ALLAYOROVA

Qashqadaryogz.uz ma’lumotlari asosida