Деҳқонободлик тадбиркор Тўлқин Расулов туманда лимон етиштириб, хорижга чиқариш ниятида иш бошлади. Тадбиркор шу мақсадда 1 гектар ерга лимон экяпти. Иссиқхона ташкил қилди. Бу ҳақда туман ҳокимлиги Ахборот хизмати хабар бермоқда.
- “Ойдин Охуновна” хусусий корхонаси раҳбари Тўлқин Расулов иссиқхона ташкил этиш учун 130 минг доллар кредит олиб, иш бошлади, - дейди туман ҳокими ўринбосари Абдумажид Эшатов. — Тадбиркор нафақат маҳаллий бозорни таъминламоқчи. Маҳсулотларини ҳатто хорижга ҳам экспорт қилиш ниятида.
Айтилишича, тадбиркор амалга ошираётган ишдан ўрнак олган бошқа тадбиркор ҳам 1 гектар ер-майдонда иссиқхона ташкил этиш ишларини бошлаб юборган.
- Тадбиркор Тўлқин Расуловнинг 1 гектарлик иссиқхонасидан ташқари яна бир гектар ер майдонида иссиқхона ташкил этилаяпти, - дейди Абдумажид Эшатов. — Биз эса тадбиркорларни қўллаб-қувватлашда давом этамиз.
