Вилоят ҳокими мактабда мадҳия куйлади ва илк мустақиллик дарси ўтди

Вилоят ҳокими мактабда мадҳия куйлади ва илк мустақиллик дарси ўтди

Аввал хабар берилганидек, вилоят ҳокими Зафар Рўзиев мактаблардаги “Биринчи қўнғироқ” байрам дастурларида иштирок этди.

Косон туманидаги 62-мактабда ўтказилган тадбирда вилоят ҳокими сўзга чиқиб, ўқувчиларни янги ўқув йили билан табриклади ва мактаб таълимининг инсон ҳаёти давомидаги ўрни ҳақида ҳам ўз кечинмаларини сўзлаб берди.

Шунингдек, вилоят ҳокими ўқувчиларга мустақиллик дарси ҳам ўтди. Унда мустақилликнинг миллий тараққиётимиз, бугунги ва келгуси авлодлар тақдири, келажаги учун беқиёс аҳамияти йиллар ўтиши билан тобора ортиб бораётгани, Ўзбекистоннинг давлат мустақиллиги халқимизнинг миллий манфаатларини, тинч ва осуда ҳаётини таъминлаш, мамлакатимизнинг халқаро миқёсдаги обрў-эътиборини юксалтиришнинг мустаҳкам пойдевори бўлиб келаётганини алоҳида таъкидлади.

Ўқувчилар билан учрашув давомида мактаб остонасига илк қадам қўйган болажонларга Президент совғалари, мактаб кутубхонасига вилоят ҳокимининг бадиий китоблар тўплами  топширилди.

 

Аҳрор СОДИҚОВ, Қашқадарё вилоят ҳокимлиги ахборот хизмати раҳбари.

Фото: Муроджон Комилов.

 

  • Телефон: (71) 200-55-05, (75) 221-07-60

  • Почта индекси: 180100

  • Факс: (75) 221-13-40

  • Электрон почта: info@qashqadaryo.uz

  • Манзил: Қашқадарё вилояти,
    Қарши шаҳри, Мустақиллик майдони,1

  • Яқин жамоат транспорт тўхташ жойлари Миллий банк ва Мустақиллик майдони бекати автомашрут: 1,4,5,7,10,18,20,22,23,27,37,44,462,11,21,37,33