wrapper

Maxsus imkoniyatlar
Payshanba, 06 Iyul 2017 00:00

Sud raislarining axborotlari tinglandi

Avtor

Xalq deputatlari viloyat Kengashining navbatdagi sessiyasi bo'lib o'tdi. Uni viloyat hokimi Zafar Ro'ziev boshqarib bordi.
O'zbekiston Respublikasi Oliy Majlisi Senati a'zolari, deputatlar, davlat hokimiyati va boshqaruvi, huquqni muhofaza qiluvchi organlar, keng jamoatchilik vakillari ishtirokida o'tgan tadbirda jinoyat, fuqarolik, iqtisodiy hamda ma'muriy ishlar bo'yicha viloyat sudlari raislarining axborotlari tinglandi.
Ma'lumki, joriy yil 13 iyun kuni O'zbekiston Respublikasi Prezidenti Shavkat Mirziyoev rahbarligida sud organlari tizimida odil sudlovni ta'minlash borasidagi ishlarning ahvoli, muammolar va kelgusidagi vazifalar muhokamasiga bag'ishlangan selektor yig'ilishi bo'lib o'tgan edi.
Yig'ilishda Prezidentimiz tomonidan o'tgan davr mobaynida sud hokimiyati nufuzini oshirish, uni o'tmishdagi jazolovchi organdan inson huquq va erkinliklarini ishonchli himoya qiluvchi chinakam mustaqil institutga aylantirish borasidagi keng qamrovli ishlar amalga oshirilgani alohida ta'kidlab o'tilishi bilan bir qatorda, sud tizimida mavjud muammo va kamchiliklar, ayrim hollarda adolatsiz qarorlar qabul qilish, suiiste'molchiliklar, fuqarolarning murojaatlarini ko'rib chiqishda sansalorlik va befarq munosabatda bo'lish kabi noxush holatlar hamon davom etayotganligi keng ko'lamli islohotlar samarasiga salbiy ta'sir ko'rsatayotgani qattiq tanqid qilindi.
Sudyalar faoliyatiga haqiqiy baho berish maqsadida ularning o'z faoliyati yuzasidan xalq deputatlari mahalliy Kengashlarida axborot berishi bilan bog'liq amaliyotni yo'lga qo'yish tizimda yangi bosqichni boshlab berishi shubhasiz.
Shunga muvofiq sessiyada jinoyat ishlari bo'yicha viloyat sudi raisi Abduqayum Mahkamov, fuqarolik ishlari bo'yicha viloyat sudi raisi Olimjon Meliev, iqtisodiy ishlar bo'yicha viloyat sudi raisi G'ayrat Igamov, ma'muriy ishlar bo'yicha viloyat sudi raisi vazifasini bajaruvchi Baxtiyor Qilichovning amalga oshirilgan ishlar to'g'risidagi axborotlari tinglandi.
Mazkur axborotlardan kelib chiqqan holda, sessiyada, xalq bilan yaqindan muloqot qilish, aholining huquqiy savodxonligini yuksaltirishda ommaviy axborot vositalari imkoniyatlaridan unumli foydalanish, sayyor qabullar orqali fuqarolarni qiynayotgan turli muammo va ko'ngilsizliklarning oldini olish, joylarda o'tkazilayotgan qabullar va sayyor sudlar faoliyatini yanada takomillashtirish zarurligi ta'kidlandi. Bunda, albatta, deputatlar va keng jamoatchilik faolligi birlamchi ahamiyat kasb etadi.
Sessiya ishida O'zbekiston Respublikasi Sudyalar oliy kengashi raisi Ma'rufjon Usmonov ishtirok etdi va o'z fikr-mulohazalarini bayon qildi.
Kun tartibidagi masalalar yuzasidan tegishli qaror qabul qilindi.




Inson dunyoga baxtli yashash uchun keladi. Bu saodatga tinch, xotirjam, osoyishta hayot orqali erishish mumkin. Zero, inson baxti va iqboli uchun zarur moddiy va ma'naviy ne'matlarning asosi tinchlikdir. Yurti tinch, ko'ngli  xotirjam xalqqa to'y  va tantanalar  yarashadi. Xalqimiz bu oliy ne'matni ulug'lab kelishining, duoga qo'l ochganda, avvalo, Yaratgandan el-yurtga tinchlik va osoyishtalik, farovonlik va obodlik tilashining sababi ham shunda.

Istiqlol haqida gapirganimizda, beixtiyor har birimizning ko'z o'ngimizda yaqin 26 yil ichida bosib o'tgan shonli yo'limiz gavdalanadi. Tarixan qisqa, ammo, o'ziga xos murakkabliklar bilan kechgan bu davrga baho berayotganimizda dilimizda, ulug', ya'ni, mustaqilligimizdan faxrlanish tuyg'usi jo'sh uradi.
Shuni yaxshi bilamizki, mustaqillik hech qaysi bir xalq, hech qaysi millat tarixida osonlik bilan qo'lga kiritilmagan. Buning uchun insonlar qanchadan-qancha to'siqlar, g'ovlar, qarama-qarshiliklarni engib o'tishmagan deysiz.
Birinchi Prezidentimiz 1991 yilning 31 avgustida respublikamizning, Vatanimiz mustaqilligini e'lon qilganlarida barchamizning hayajon va quvonchdan qalbimiz jo'sh urgandi.
Bugun o'sha tahlikali istiqlolning ilk yillari haqida O'zbekiston xalqi uchun o'ta tahlikali yillar haqida gap ketganda, keksa avlod vakillari mamlakatimizda oziq-ovqat mahsulotlari etishmasligi oqibatida yuzaga kelgan murakkab vaziyatni ko'p bora eslashadi. «Go'sht, yog'ni-ku qo'ya turaylik, dasturxonimizdan xatto non ham tortilib qolgandi. Ertaga hayotimiz nima bo'ladi, yana ocharchilik azoblarini boshimizdan kechiramizmi» deya xavotir-langanliklarini aytishadi.
Sobiq mustabid tuzumning butun bir davlatlar, xalqlar, millatlarni qaramlikda, tobe'likda ushlab turish uchun olib borgan siyosati respub-likamiz iqtisodiyotini umuman izdan chiqargandi. Bir yilda o'rtacha 5 million tonnadan oshirib paxta etish-tiradigan xalqimizning qora qozoni zo'rg'a qaynar, topgani arang ro'zg'or tebratishga etardi. Mamlakat aholisi ehtiyoji uchun o'ta zarur bo'lgan barcha sanoat, oziq-ovqat mahsulotlari, gugurtdan tortib hatto tuzgacha chetdan keltirilardi.  25 millionga yaqin aholisiyu, er osti, er usti boyligi zahiralari mo'l bo'lgan mamlakatda oziq-ovqat taqchilligining yuzaga kelishini qanday izohlash mumkin?
Serhosil erlarimiz, suvimiz bo'la turib, donga zoriqqanimizni bugun yoshlarimizga aytsang, rosti ishonishmaydi.
Yana uyalmay-netmay, sobiq markaz mamlakatimizni mo'telikda, qaramlikda ayblab kelishganiga, «bu xalq o'zini o'zi boqa olmaydi, o'zini o'zi idora etolmaydi» deyishganiga nima deysiz?
Mana shunday murakkab, qolaversa, tahlikali bir davrda O'zbekiston Respublikasining   Birinchi Prezidenti mamlakatimizdagi vaziyatni chuqur tahlil etib, har qanday xavf-xataru, tashqaridan bo'ladigan salbiy ta'sirlarni e'tiborga olib, respublikamizni ijtimoiy-iqtisodiy jihatdan rivojlantirish borasida muhim dasturlar qabul qildi. Bu islohotlarni amalga oshirishda birovlarning chetdan ko'rsatadigan yordamigsha emas, balki xalqimizning kuchi va irodasiga tayandi. Keyinchalik bu rivojlantirish yo'li «o'zbek modeli» deb nomlanib, uni dunyo tan oldi.
O'zbekiston qisqa davr ichida oziq-ovqat havsizligi dasturi asosida mamlakatda muhim islohotlarni amalga oshirdi. O'tgan 26 yil ichida respublikamizda oziq-ovqat mahsulotini ishlab chiarish hajmi 2 barobardan ortib, mamlakatimiz bu mahsulotlarni eksport qiluvchi davlatlar qatoridan joy oldik. Bugun birgina g'alla mustaqilligiga erishish yo'lida olib borilgan islohotlarning salmog'ini hech narsa bilan qiyoslab bo'lmaydi.
Mamlakatimizda og'ir sanoat, mashinasozlik, engil sanoat tarmoqlari jadal rivojlandi. Ayniqsa, gaz, neftni qayta ishlash, tizimda bunyod etilgan zamonaviy sanoat korxonalarimiz respublika iqtisodiyotining yuksalishiga olib keldi. Birgina Qashqadaryo viloyatidagi «Muborakgaz», «Sho'rnan gaz» konlari hamda «Sho'rtangazkimyo» majmualariga eng so'nggi texnologiyalari kiritilib, bu korxonalarda mahsulot ishlab chiqarish hajmi va sifati keskin oshdi. Yoki bo'lmasa, Dehqonoboddagi «Kaliy o'g'itlari» zavodida ishlab chiqarilayotgan qishloq xo'jaligi uchun g'oyatda muhim bo'lgan mineral o'g'itlarning asosiy qismi eksportga yo'naltirilayapti.
O'zbekiston Respublikasi Prezidentining 2017 yil 7 fevralda “O'zbe-kiston Respubli-kasini yanada rivojlantirish bo'yicha Harakatlar strate-giyasi to'g'risida”gi Farmoni qabul qilinib, unga ko'ra 2017-2021 yillarda O'zbekiston Respublikasini rivojlantirishning 5 stuvor yo'nalishi bo'yicha Harakatlar strategiyasi Dasturi tasdiqlandi. Bu esa jahonda tahlikali vaziyat hukm surayotgan bir davrda respublikamizni ijtimoiy-iqtisodiy jihatdan rivojlantirish bo'yicha yangi davrni boshlab berdi.
Xalqimizda maslahatli to'y tarqamas degan yaxshi bir ibora bor. Prezidentimiz har bir masalani xalq bilan kelishgan holda belgilash, amalga oshirish vazifasini oldimizga ko'ndalang qilib qo'ydi. Bugun respublikamizda qabul qilinayotgan har bir qaror, farmon, muhim xujjatlar zamirida aholining xohish-irodasi va manfaati yotganligi hech birimizga sir emas. Ayniqsa, 2017 – Xalq bilan muloqot va inson manfaatlari yilida aholi bilan muloqotlar ko'lami shu qadar o'sayaptiki, bu fuqarolarimizning jamiyat hayotidagi ishtiroki va tashabbuskorligi oshishiga olib kelayapti. 
Mustaqillikning dastlabki yillaridan yoshlarga oid Davlat siyosati to'g'risidagi qonun qabul qilingan edi. 2017 yilda respublikamiz Prezidentining tashabbusi bilan ushbu qonun batamom yangi tahrirda qabul qilindi. Unda yoshlarimizni ijtimoiy-iqtisodiy jihatdan qo'llab-quvatlash, barcha sohalardagi iqtidor va qobiliyatlarini yuzaga chiqarish, ularni yod g'oyalardan asrash, yoshlardagi tashabbuslarni qo'llab-quvatlash masalalariga katta e'tibor qaratildi.
Joriy yilning fevral oyida Prezidentimiz Shavkat Mirziyoevning Qashqadaryo viloyatiga qilgan tashriflari chog'ida vohamizni ijtimoiy-iqtisodiy jihatdan rivojlantirish borasida 2017-2021 yillarga mo'ljallangan muhim ustuvor vazifalarni belgilab berdilar. Bunda esa aynan biz yuqorida keltirib o'tgan yirik ishlab chiqarish korxonalarimiz faoliyatiga yanada zamonaviy texnologiyalarni olib kirish, vohada qishloq xo'jaligi, chorvachilik, meva-uzumchilik mahsulotlarini qayta ishlash korxo-nalarini tashkil etish nazarda tutilgan. Bunga misol tariqasida Prezidentimizning shaxsan takliflariga asosan, Shahrisabzda quri-lishi jadal olib borilayotgan «Shahrisabz logistika markazi»ni aytib o'tishimiz mumkin. 2017 yilda ishga tushirilishi mo'ljallanayotgan ushbu logistika markazida 5 ming 350 tonna sig'imli sovutadigan va muzlatadigan omborxona, 1 ming tonna meva sabsavotlarni quritish, 2 ming tonna dukkakli (mosh, loviya, no'xat, eryong'oq) mahsulotlarini saralash lineyasi Turkiyadan olib kelib o'rnatiladi. Natijada ushbu Logistika markazi ishga tushgach, tumanimizdagi bir ming nafardan ziyod  fuqarolarning bandligi ta'minlanadi.
Yana shuningdek, ushbu korxona kuchi bilan tumanimizda 88 gektar maydonda tomchilatib sug'orish tizimi asosida intensiv bog' barpo etiladi. Za-monaviy uskunalar bilan jixozlangan issiqxonalarda esa yiliga 6 ming tonna mahsulot etishtiriladi.
Logistika markazida bir yilda 26 ming tonnadan ziyod meva-uzum, olxo'ri, urik, sabzavod poliz mahsulotlari qurutilib, qayta ishlanib, maxsus qutilarda qadoqlanib, YEvropa, MDH mamlakatlari, Xitoy, Hindiston va Janubiy Korea kabi davlatlarga eksport qilinadi. Buning hisobiga esa yilida Shahrisabzda 80 milliard so'm atrofida daromad olish imkoniyati yaratiladi.    
2014-2016 yillar Qashqadaryo viloyatining Qarshi va Shahrisabz shaharlari tarixida o'ziga xos bunyodkorlik davri bo'ldi desak, bunga hech kim e'tiroz bildirolmaydi. Mana shu qisqa davr ichida Qarshi va Shahrisabz shahri markazlari tanib bo'lmas darajada o'zgardi. Qarshida Sohibqiron Amir Temur ko'prigi atrofida zamonaviy suv havzasi qurildi, katta yo'l atrofida esa ko'p qavatli ko'rkam binolar bunyod etildi.
Bugun Shahrisabzni mamlakatimizdagi «shaharlarning kelinchagi» desak to'g'riroq bo'ladi. Shahar markazidagi Amir Temur hiyoboni qadimiylik va zamonaviylik asosida qayta rekonstruksiya qilindi. Bu erda o'nlab fusunkor favvoralar yaratildi. Hiyobon va uning atrofiga Gollandiyadan juda katta valyuta hisobiga iqlim sharoitiga mos bo'lgan noyob daraxt, gul ko'chatlari olib kelinib, o'tkazildi. Eski va yangi shahar hududida esa ko'rkam ko'p qavatli turar-joy, ma'muriy binolar, zamonaviy savdo, umumiy ovqatlanish, xizmat ko'rsatish shahobchalari bunyod etildi. Bu erda Sohibqiron Amir Temur va temuriylar davrida qo'rilgan «Oqsaroy», «Dorus-saodat», «Dorut tilovat» majmualari, «Chubin», «Koba» madrasalari, «Chorsu» me'moriy obidalariga usta hunarmandlarimizning mahoratlari ila ikkinchi hayot ato etildi. Mana shu ishlarga davlat byudjetidan 1 trilion so'mdan ko'proq mablag' sarflandi. Hozirda ham Shahrisabzda qurilish va obodonchilik ishlari Bosh reja asosida davom ettirilmoqda.
Shuni yaxshi bilamizki, turizm dunyoda eng ko'p daromad keltiruvchi, biroq raqobati o'ta kuchli soha sanaladi. Bu borada Shahrisabzda muhim infratuzilmalar bunyod etildi. Yaqin-yaqingacha bu qadimiy shaharning turizm sohasidagi imkoniyatlari to'liq yuzaga chiqmay kelayotgandi. Yuqorida aytganimizdek, Shahrisabzda amalga oshirilgan qayta qurish, rekonstruksiya qilish ishlari jarayonida turizm sohasida muhim infratuzilmalar bunyod etildi. Natijada birgina o'tgan 2016 yilda 11 ming 130 dan ziyod xorijiy sayyohlar qadim Keshga tashrif buyurgan bo'lsa, joriy yilning 6 oyida bu ko'rsatkich 8 mingdan oshgan. Mahalliy sayyohlar soni esa 2,5 barobarga ko'paygan.
Prezidentimizning tashabbusi bilan 2017 yilda respublikamizda kam ta'minlangan yosh oilalarni arzon va qulay namunaviy uy-joylar bilan ta'minlash bo'yicha alohida Davlat dasturi qabul qilindi. Shahrisabz tumanining Keldihayot qishlog'i hududida ko'rkam bir shaharcha 150 oilaga mo'ljallangan namunaviy turar joylar jadal sur'atlar bilan qad rostlayapti. Barcha qulayliklarga ega bo'lgan uy-joylar mustaqilligimiz-ning yigirma olti yillik to'yi arafasida foydalanishga topshiriladi. 
Hozir dunyo tez sur'atlar bilan o'zgarib borayapti. Jahon bozorlarida noaniqlik, beqarorlik va inqiroz davom etayapti. Mana shunday murak-kab bir davrda oddiy fuqa-rodan tortib, barcha bo'g'indagi rahbarlar yurtimiz taqdiri va taraqqiyoti uchun o'zini mas'ul deb bilib, ishda eskicha qarashlar, yondashuvlardan voz kechishlari talab etilayapti.
Mustaqillik – bu bizning erkimiz, ozodligimiz, tinch va farovon hayotimiz-ning asosi sanaladi. Bu ne'matni asrab-vaylash esa har birimizning shu Vatan oldidagi muqaddas burchimizdir.
Istiqlol yillarida har sohada erishgan yutuqlarimizni sanaydigan bo'lsak, bu tom-tom asarlarga mavzu bo'la oladi. Biroq, ularning eng ulug'i esa mustaqilligimizdir.


Bugun mamlakatimizning barcha shaharu qishloqlarida  xalqimiz asrlar davomida orziqib kutgan, hayotimizning ma'no-mazmuni, ongu shuurimizni tubdan o'zgartirgan Mustaqillik kunining yigirma olti  yilligi baland ruh va shodu xurramlik bilan nishonlamoqda.
Darhaqiqat, mustaqil yurtimiz ham mana shunday shiddatidan sher hayiqadigan  navqiron yoshga to'ldi. Yigirma olti yillik mustaqil taraqqiyot yillarida biz o'z taqdirimizni qo'limizga olib, qanday ulug' tarix, madaniyat va ma'naviyatga ega ekanimizni, o'zligimizni chuqur anglab, beqiyos salohiyatimizni ishga solish, qadriyatlarimizni, dinu diyonatimizni tiklash kabi buyuk va muqaddas burchimizni anglab etdik. O'z kelajagimizni o'z qo'limiz bilan yaratmoqdamiz, chegaralarimiz daxlsizligiga,  professional armiya va uning xalq bilan birdamligiga, g'alla mustaqilligiga, yonilg'i-energetika mustaqilligiga to'la erishdik. Iqtisodiyotimizda chuqur tarkibiy o'zgarishlar amalga oshirildi. O'zbekiston sobiq tuzum davrida asosan   xomashyo etkazib berishga ixtisoslashgan va iqtisodiyoti bir yoqlama rivojlangan o'lkadan sanoati yil sayin yuksalib, har tomonlama taraqqiyotga erishayotgan qudratli davlatga aylandi.

Juma, 11 Avgust 2017 00:00

Fidoiylik - qalb da'vatimiz bo'lsin

Avtor

O'zbekiston Respublikasi Oliy Majlisi Qonunchilik pala-tasida 2017 yil 12 iyul kuni bo'lib o'tgan Parlament palata-lari, siyosiy partiyalar, O'zbekiston ekologik Harakati, Xalq de-putatlari viloyat, tuman va shahar Kengashlari faoliyatining tah-lili hamda istiqboldagi vazifalariga bag'ishlangan videose-lektor yig'ilishida Yurtboshimiz Shavkat Mirziyoevning  aytgan fikrlari, mamlakatimizda kechayotgan barcha sohadagi islohot-larning tahlili va shu o'rinda xalq ishonib saylagan deputat-larning  fidoiyligi va jonbozligi haqidagi hayotiy tahlillari yig'ilish ishtirokchilarini va umuman jamiyatimizdagi barcha fuqarolarni,  ular qaysi sohada ishlamasin, o'z faoliyatiga teran tahliliy va tanqidiy qarash uchun da'vat bo'ldi, desam aslo adashmayman.

Har yilgidek barcha abiturientlar hayajon bilan kutgan kun - 1 avgust sanasida butun respublikamizdagi oliygohlarda bo'lgani kabi viloyatimizdagi 3 oliy o'quv yurtida ham test sinovlari o'tkazildi.
Hisob-kitoblarga qaraganda, joriy yilda viloyatimizdagi oliy o'quv yurtlariga jami 54 ming 600 nafardan ortiq yigit-qiz hujjat topshirgan. Qabul kvotasi esa 3 ming 470 o'ringa mo'ljallangan: davlat granti asosida 1045 kishi, to'lov-kontrakt asosida esa 2 ming 425 kishi o'qishga qabul qilinadi.
- Bu yil Qarshi davlat universitetiga jami 29 ming 529 nafar abiturient hujjat topshirdi, - deydi mazkur dargoh qabul komissiyasi mas'ul kotibi Shahobiddin Nuriddinov. - Shulardan faqat 1400 nafar abiturientgagina universitetimiz talabasi bo'lish nasib etadi. Har bir o'rin uchun o'rtacha 21 kishi kurashishiga to'g'ri keldi.
Qarshi muhandislik-iqtisodiyot institutiga 22 ming 330 kishi hujjat topshirgan. Qabul kvotasi esa 1800 tani tashkil etadi. Ushbu o'quv muassasasida bir o'ringa o'rtacha 12 nafardan ortiq abiturient da'vogarlik qildi.
Muhammad al-Xorazmiy nomidagi Toshkent axborot texnologiyalari universiteti Qarshi filialida bu yilgi qabul kvotasi 270 o'rindan iborat qilib belgilangan bo'lib, mazkur o'rinlarni band qilish istagida bo'lganlar soni 2 ming 758 nafarni ko'rsatdi. Bir o'rin uchun 10 nafardan ziyod abiturient kurash olib bordi.
Kim talabalar safiga qo'shiladi, kim oliy o'quv yurtiga kirish uchun yana bir muddat tayyorlanishi kerakligi tez orada test natijalari e'lon qilingach ma'lum bo'ladi.

Suratda: oliy o'quv yurtlarida o'tkazilgan test sinovidan lavha (O'zA).

Shahrisabzda mamlakatimizda amalga oshirilayotgan keng ko'lamli islohotlarda yoshlarning faol ishtirokini ta`minlash, yuksak ma`naviyatli, mustaqil va erkin fikrlaydigan, zamonaviy ilm-fan yutuqlarini puxta o'zlashtirgan, har tomonlama sog'lom va barkamol avlodni voyaga yetkazish maqsadida «Hokim va yoshlar» uchrashuvi bo'lib o'tdi, deb xabar beradi Kun.uzga O'zbekiston yoshlar ittifoqi Qashqadaryo viloyat Kengashi matbuot xizmati.

Unda Prezidentning yoshlar siyosati bo'yicha Davlat maslahatchisi — O'zbekiston yoshlar ittifoqi Markaziy Kengashi raisi Qahramon Quranboyev, tuman hokimligi vakillari, tashkilot rahbarlari, Shahrisabz shahri va tumani yoshlari ishtirok etdi.

Tadbirda viloyat hokimi Zafar Ro'ziyev yoshlarga oid davlat siyosati doirasida mamlakatimizda olib borilayotgan ishlar, o'tkazilayotgan tadbirlar haqida so'z yuritib, yoshlar jamiyatning eng ilg'or qatlami sifatida hamisha qo'llab-quvvatlanishi, ularning har jihatdan barkamol shaxs bo'lib voyaga yetishlarini ta`minlash hukumat e`tiboridagi eng asosiy vazifa ekanini ta`kidladi.

— «Kamolot» yoshlar ijtimoiy harakatining IV qurultoyida prezidentimiz harakat negizida mutlaqo boshqacha prinsip va yondashuvlar asosida ishlaydigan, yoshlarning huquq hamda manfaatlarini himoya qila oladigan, har qanday rasmiyatchilik va kampaniyavozliklardan xoli, haqiqiy demokratik tashkilot — O'zbekiston yoshlar ittifoqini tuzish va 30 iyunni mamlakatimizda «Yoshlar kuni» sifatida nishonlashni taklif etganliklarini o'zi ham yoshlarga bo'lgan katta e`tibor namunasidir, — dedi Qashqadaryo viloyat hokimi Z.Ro'ziyev. 

Shuningdek, viloyatning iqtidorli va faol yoshlari so'zga chiqib, yurtimizda yoshlarga Yurtboshimiz tomonlaridan ko'rsatilayotgan g'amxo'rlikdan mamnun holda o'z fikrlarini bildirdilar.

Shundan so'ng yoshlarning kelgusidagi rejalari, ularni tashvishlantirayotgan muammolar hamda taklif va mulohazalari tinglandi. Shahrisabzda turizm va xizmat ko'rsatish sohasini rivojlantirish, yosh tadbirkorlarni qo'llab-quvvatlash, yoshlarda Internetdan foydalanish madaniyatini oshirish, ayniqsa, uyushmagan yoshlar bilan ishlash tizimini ishlab chiqish bo'yicha berilgan takliflar yuzasidan istiqbolli rejalar ishlab chiqildi.

Xalq bilan muloqot va inson manfaatlari yili munosabati bilan Kun.uz tahririyatining ijodiy jamoasi Qashqadaryo viloyatiga safar uyushtirdi. Mazkur safar davomida viloyatda yuz bergan o'zgarishlar, olib borilayotgan ishlar bilan birga mavjud muammo va kamchiliklar ham o'rganildi.

Ana shu yutuq va kamchiliklar, fuqarolar murojaati tahlili va istiqboldagi rejalar yuzasidan viloyat hokimi Zafar Ro'ziyev bilan suhbat bo'lib o'tdi. Jumladan, viloyat hokimi Prezident qabulxonasiga murojaat yo'llash bo'yicha Qashqadaryoning yetakchi o'rinlarda qayd etilayotgani borasida to'xtalar ekan shunday fikrlarni bildirdi:

 

“Mustaqillikning 25 yili davomida viloyatda muayyan ishlar amalga oshirildi. Ammo muhtaram prezidentimiz tashabbusi bilan tashkil etilgan virtual qabulxona hayotimizda o'z yechimini kutayotgan juda ko'plab muammolar borligini, aytish mumkinki, odamlarning turmush tarzi jar yoqasiga kelib qolganini ko'rsatib qo'ydi. Tan olib aytish lozim-ki, shu paytga qadar oddiy insonlar hayotiga befarq qarab kelingan. Bu holatni viloyat hokimidan tortib, mahalla oqsoqoligacha bo'lgan rahbarlar ish jarayonida uchratish mumkin edi. Virtual qabulxonaning tashkil etilishi tom ma`noda barcha rahbarlar uchun kelajak rejasini tuzishda ham as qotmoqda.

Ana shunday muammolar uy-joy, yer, sud-huquq masalalarida o'rtaga chiqmoqda va ularning aksari o'z yechimini topayapdi. Murojaatlarning aksarida Respublika idoralari bilan bog'liq kamchiliklar ham chiqib qolyapti. Biz nafaqat mazkur murojaatlar asosida, balki o'zimizning chekka tumanlarga safarlarimiz chog'ida ham aholi o'rtasida mavjud muammolarni o'z o'rnida va tezkorlik bilan ijobiy hal etyapmiz. Bu esa odamlar ruhiyatida prezidentimiz tomonidan olib borilayotgan siyosatga nisbatan ijobiy munosabatning paydo bo'lishiga sabab bo'lmoqda”.

 

Viloyat hokimi joriy yilning fevral oyida O'zbekiston Respublikasi Prezidenti Shavkat Mirziyoyevning viloyatga safari borasida to'xtalar ekan, bu tashrif Qashqadaryo viloyati uchun yangi sahifa ochganini ta`kidladi.

“Viloyatdagi juda ko'plab muammoli masalalar mazkur tashrif davomida o'z yechimini topayapti. Umumiy qiymati uch trln so'm bo'lgan to'rt mingga yaqin loyiha dasturi ishlab chiqildi. 2017-2018 yil davomida viloyatda jami 50 mingga yaqin muqim ish o'rni yaratish rejalashtirildi. Bu viloyatning ochilmagan imkoniyatlaridan unumli foydalanish va fuqarolarning ayrim muammolariga yechim topishda turtki bo'ladi. 

Bundan tashqari, viloyat sog'liqni saqlash tizimidagi o'tkir muammolar ham mazkur tashrif davomida o'z yechimini topdi. Masalan, Qashqadaryo viloyatida qandli diabet bilan kasallanish ko'rsatkichi ancha yuqori. Raqamlar har yili 30 foizgacha ko'tarilib boryapti. Viloyatda esa endokrinologiya shifoxonasi mavjud emas. Qurbi yetganlar poytaxtga yoki xorijga chiqib davolanishyapti, ammo imkoni yo'qlar esa davolanmay, qiynalib yurishgan edi. Prezidentimiz viloyatga tashrifi davomida mazkur yirik muammoni ijobiy hal etib berdi. Bu kabi ishlarga misol qilib yuqumli kasalliklar shifoxonasining yuz foiz ta`mirdan o'tkazilishi ham keltirish mumkin. Chunki bu ta`mir hech qanday investitsiya dasturlariga kiritilmagan holda, mana shu viloyat uchun alohida g'amxo'rlik sifatida amalga oshiriladigan bo'ldi”.

Viloyat rahbarining ta`kidlashicha, Qashqadaryoda kichik va o'rta biznesni rivojlantirish vaqti kelgan. Buning uchun aholi ichiga kirib, ularning nima bilan bandligini o'rganib, ixtisosligi bo'yicha tijorat banklarining kreditlarini yo'naltirish, bu orqali aholi turmush farovonligiga erishish mumkinligini aytib o'tdi.

Aytish mumkinki, elektr energiyasi va toza ichimlik suvi bilan bog'liq muammolar bugun nafaqat Qashqadaryo viloyati, balki respublikaning aksari hududlarida og'riqli muammolardan biri sanaladi. Qashqadaryoda bu holat qanday? Shu haqda viloyat hokimi o'z fikrlarini izhor etdi:

“Aynan mana shu sohalar bo'yicha hukumat tomonidan juda katta qadam tashlanmoqda. Elektr energiyasining yetishmasligi aslida birinchi muammo emas, eng katta muammo shundaki, iste`molchi o'zi ishlatgan elektr haqini o'z vaqtida to'lamayotganidadir. Shu bu yil viloyatimizdagi Tolimarjon issiqlik ishlab chiqarish korxonasida 1 mlrd dollarlik loyiha amalga oshirildi. U yerda ayni paytda 900 mgVatt elektr energiyasi ishlab chiqarildi. Bu viloyatni yuz foiz elektr energiyasi bilan ta`minlash deganidir. So'nggi oylarda elektr energiyasi sohasi doirasida juda katta ishlar amalga oshirildi. Jumladan, viloyatda 2 ta podstansiya qurib bitkazildi, bundan tashqari, 200 ga yaqin qo'shimcha transformatorlar ham o'rnatildi. 

Toza ichimlik suvi muammosi ham Qashqadaryo viloyatiga begona bo'lmagan kamchiliklardan biri. Bu, ayniqsa, viloyatning cho'l tumanlarida juda o'tkir muammo hisoblanadi. Ochig'ini aytganda, olib borilayotgan ishlar umumiy hisobda viloyat aholisining toza ichimlik suviga bo'lgan talabini qondirish uchun yetarli bo'lmayapti. Prezidentimiz viloyatga tashrifi davomida mazkur muammoga alohida to'xtalib o'tdi. Davlatimiz tomonidan joriy yilning aprel oyida qabul qilingan “Qarshi shahri va Qarshi shahri atrofidagi tumanlarni toza ichimlik suvi bilan ta`minlash to'g'risida”gi qarori o'rganib chiqildi. Turli vazirliklar bilan kelishgan holda qonun ijrosini amalga oshirish maqsadida ishchi guruh ham tuzildi. Kelajakda viloyat aholisini toza ichimlik suvi bilan ta`minlash borasida juda katta o'zgarish bo'lishi kutilmoqda. Jumladan, 2017 yilda Qarshi shahri va shahar atrofidagi tumanlarni toza ichimlik suvi bilan ta`minlash holati sezilarli ravishda o'zgaradi.

Ayni damda toza ichimlik suvini noqonuniy ravishda qiymatini oshirib sotayotgan insonlarga nisbatan ham alohida choralar ko'riladi. Nega deganda viloyatda bir tonna suvning narxi 1550 so'm. Bu yilning istalgan mavsumida o'zgarmaydigan narxdir”. 

 

Viloyat rahbari Zafar Ro'ziyev suhbat davomida Qashqadaryo sog'liqni saqlash tizimi faoliyati haqida ham to'xtalib o'tdi:

“Viloyatdagi qishloq vrachlik punktlarida akusher-ginekologlarning yo'qligi juda katta muammolarni keltirib chiqarmoqda. Nega deganda o'smir qizlar o'zlarini shifokorga ko'rsatishdan uyalishadi. Bu albatta, mintaletitga xos bo'lgan jihat. Bu esa so'nggi paytlarda qishloq qizlarida bepushtlik kasalligining keng yoyilishiga sabab bo'lmoqda. Ana shu muammolarning oldini olish maqsadida qishloqlardagi oilaviy poliklinikalar zamonaviy va ehtiyojga zarur bo'lgan tibbiy uskunalar bilan jihozlanmoqda va odamlar orasida tibbiy madaniyatni oshirish bilan bog'liq ishlar muntazam ravishda olib borilmoqda”.

Qashqadaryo viloyat hokimi Zafar Ro'ziyev bilan bo'lib o'tgan suhbat samimiy ruhda kechdi. Intervyu davomida juda ko'plab masalalarga to'xtab o'tildi. Kelajakdagi rejalar va viloyat istiqbolida kutilayotgan ishlar to'g'risida fikr almashildi. Aytish mumkinki, yaqin vaqtlar ichida viloyatning har bir sohasida ko'zga ko'rinarli ishlar amalga oshirish belgilab qo'yilgan va bu aholi turmush tarziga ijobiy ta`sir ko'rsatishi tabiiy.

Mazkur intervyuning to'liq ko'rinishini Kun.uz’nin YouTube tarmog'idagi sahifasi orqali tomosha qilish mumkin.

Sarvarjon 10 yoshda. Darsdan so‘ng bolalar musiqa va san’at maktabiga qatnaydi. Zarbli cholg‘ular sinfida milliy soz – doira chalishni o‘rganayapti. Uydagi bayram,    ziyofatlar, albatta uning doiradagi ijrosisiz o‘tmaydi. Zarifaxon bu yil 5 yoshga to‘ldi. Hozirdan momosi, bobosiga ko‘makchi. Bog‘chadan keldi deguncha, ularning yoniga yuguradi. Hali maktabga borishiga biroz vaqt bo‘lsa ham allaqachon o‘ziga papka, kitob-daftaru ruchka hozirlatgan. O‘zining aytishicha, maktabga borsa, hammadan yaxshi o‘qir ekan. Abdumalik esa endigina 10 oylik bo‘ldi. Ammo u Oymomoni biladi, momosining:

     - Oymomojon hulla,

    Qanotlari tilla, deya xirgoyi qilishiga monand nimalarnidir chug‘urlab, osmondagi yoritqichni izlaydi, ko‘rganida dimog‘i chog‘ bo‘lib, qiyqiradi...

Bular – bizning bolalar. Tinch-osuda yurt bag‘rida o‘sib-ulg‘ayayotgan, ilk yutug‘ini chet tilida burro so‘zlash, sportning biror turida chempion bo‘lish bilan boshlayotgan baxtiyor avlod...

Bugun dunyoning qay bir burchagida ochlik, tashnalikdan azob chekayotgan, yana qaysidir hududida notinchlik sabab ota-onasi, yaqinlaridan bevaqt judo bo‘layotgan, yana qayerdadir allaqanday qarashlar, mutaassiblikning qurboniga aylanayotgan tengdoshlari borligini ham nazarda tutsak, bizning bolalar bekamu ko‘st yashayotgani, ularga eng baxtli bolalik nasib etayotganiga behisob   shukurlar qilamiz. Har yili 1-iyun – Xalqaro bolalarni himoya qilish kuni esa bizda eng tantanavor sana sanaladi, shodlik va quvonch, baxtiyorlik bayrami sifatida nishonlanadi.

Bir bizdagina emas, ushbu bayram yana ko‘plab davlatlarda ham har yili alohida bayram qilinadi. Ilk marotaba 1925-yilda Jenevada bolalar manfaatlari masalalariga bag‘ishlab o‘tkazilgan Butunjahon konferensiyasida bayram sifatida nishonlash qabul qilingan mazkur sana “Xalqaro bolalar kuni” (International Children’s Day) deb nomlangan. Va ushbu sana eng “eski” xalqaro bayramlardan biri sanaladi. Bayram uchun nega aynan 1-iyun sanasi tanlangani ma’lum emas, taxminlardan biriga ko‘ra, 1925-yilda Xitoy Bosh konsuli AQSHning San-Fransisko shahrida xitoylik yetim bolalarning bir guruhini to‘plagan va ular uchun Duan-u sze, ya’ni Ajdarholar festivalini uyushtirgan. Bu bayram aynan 1-iyunda o‘tkazilgan va baxtli tasodif tufayli shu kuni Jenevada konferensiya ham bo‘lib o‘tayotgan edi.

Ikkinchi jahon urushidan keyin bolalar salomatligi va manfaatlarini himoyalash eng muhim masala darajasiga ko‘tarildi va 1949-yilda Parij shahrida bo‘lib o‘tgan ayollar kongressida bolalar baxt-saodatining yagona kafolati bo‘lmish tinchlikni asrash uchun doimiy kurashga bag‘ishlangan ahd yangradi. Xuddi shu yili Moskvada bo‘lib o‘tgan Xalqaro ayollar demokratik federatsiyasi kengashining sessiyasida bu bayram yuqoridagi kongress qaroriga uyg‘un holda Xalqaro bolalarni himoya qilish kuni sifatida ta’sis etildi. Bir yildan so‘ng – 1950-yilning 1-iyunida birinchi marta Xalqaro bolalarni himoya qilish kuni keng bayram qilindi.

Xalqaro bolalar kuni o‘z bayrog‘iga ega. Yuksalish, uyg‘unlik, musaffolik va unumdorlik timsoli bo‘lgan yashil rang fonida chizilgan Yer shari atrofida qizil, sariq, ko‘k, oq va qora odamchalar shakllari tasvirlangan. Bu odamchalar rang-baranglik va bag‘rikenglikni anglatadi. Tasvir markazidagi Yer shakli esa insoniyatning umumiy uyidir.

BMT tomonidan ham bu xayrli tashabbus qo‘llab-quvvatlangan holda bolalarning sog‘lig‘i, baxt-saodati, haq-huquqlarini himoyalash kabi masalalar tashkilot dasturiga kiritildi. Jumladan, 1959-yilda Bola huquqlari deklaratsiyasi qabul qilindi. Keyinroq – 1989-yilning 20-noyabrida esa Bola huquqlari Konvensiyasi qabul qilinib, 61 davlat tomonidan imzolandi.

Bolalar bayrami esa har yili mamlakatlarda o‘ziga xos tarzda, har bir xalqning o‘ziga monand qadriyat va an’analariga uyg‘un holda nishonlanadi. Shu kuni bog‘lar, park va xiyobonlarda, bolalar muassasalarida kichkina insonlarning katta olamiga monand ravishda turli tomoshalar tashkil qilinadi, yetim bolalar holidan xabar olinadi, xayr-saxovat tadbirlari uyushtiriladi.

Bularning bari ezgulikka xizmat qiladi, albatta. Ammo botinda bosh ko‘taradigan bir savol-so‘roq ham bor: bugun biz kattalar bolalarni nimadan yoki kimdan himoya qilmog‘imiz kerak? Bu savolga javob izlab, ijtimoiy tarmoqda turli kasb egalari, jamoatchilik vakillarining qarashlarini o‘rganish natijasida asosan quyidagilar ma’lum bo‘ldi:

1.“Bolalarni bugungi kunda tarqalayotgan turli yuqumli xastaliklardan asrashimiz shart!” Bu – tibbiyot xodimlarining xulosasi. Zero, bolalar kelajak egalari. Ularning   sog‘lig‘i bashariyat hayotining davom etishiga kafil bo‘ladi.

2. “Bolalarimizni bechoralik, faqirlikdan himoyalashimiz kerak!” Bu esa oddiy qo‘l kuchi bilan kun kechiradigan kishilarning fikri. Har bir bolaning bepul ta’lim olishi bizning yurtda kafolatlab qo‘yilgan, ammo uning kelajakda mustahkam moddiy tayanchga ega bo‘lishi, o‘zi va oilasini ta’minlay olishi uchun jon kuydirish, to‘g‘ri yo‘naltirish ota-onaning eng muhim vazifasi.

3. “Farzandlarimizni bugungi kunda turli salbiy axborotlar xurujidan himoya qilishimiz lozim!” Bu – o‘qituvchilar, ziyolilarning qarashi. Darhaqiqat, bugun radio-televidenie, kompyuter o‘yinlari, internet va hatto o‘yinchoqlar orqali bolalar ongiga hujum qilayotgan, ularni o‘z ta’siriga olishga urinayotgan yot g‘oyalar ko‘pdan ko‘p. Goh zararsiz o‘yinchoq, gohida ertak-she’r ko‘rinishida ham xuruj qilayotgan yot, begona g‘oyalar bolalarimiz ongi-tafakkuriga soya solmasligi uchun, eng avvalo, ota-onalar, ustoz-murabbiylarning o‘zlari bu xurujlarni to‘g‘ri anglamog‘i shart. Shundagina murg‘ak qalbning tuganmas savollariga to‘g‘ri javob berish, nima yaxshiyu nima yomonligini anglatish mumkin.

4. Savolimizga hazil tariqasida shunday javob berganlar ham bo‘ldi: “Biz hozirgi bolalardan o‘zimizni himoya qilishimiz kerak, ular bilmaydigan narsaning o‘zi yo‘q, hisobi!”

Nachora, bu ham to‘g‘ri. Chindan, bugunning bolalari ko‘p narsani bilishadi. Garchi hali yozishni bilmaydiganlari ham momo-buvalari ocholmagan telefon kodini bir zumda ochib berishadi, kompyuterni mustaqil yoqib, o‘zlari yaxshi ko‘radigan multfilmni qo‘yib ko‘ra olishadi. Biroq ming bilimdon, ming aqlli bo‘lmasin, bola – baribir bola. Uning tiyrak nigohlari atrofidan ideal izlashini, yuragida muhabbati, tuganmas shijoati qaynab turishini, ongi esa yozilmagan qog‘oz singari top-toza va pok ekanligini unutib bo‘lmaydi. Demak, shunga monand yo‘l tutish, bolalardan ilg‘orroq, ularga o‘rnak bo‘lishga munosib bo‘lishimiz shart. Qadim allomalarimiz aytgani kabi, bolaga odamiylik sabog‘ini singdirish, avvalo o‘zi ibrat ko‘rsatish – eng yaxshi himoyadir.

Qarshi temir yo‘l vokzalida Jizzax shahrida bo‘lib o‘tgan "Barkamol avlod - 2017" sport o‘yinlarida ishtirok etgan viloyatimiz delegatsiyasi a’zolari tantanali kutib olindi. Marosimda viloyat hokimligi, davlat va jamoat tashkilotlari vakillari, sportchi yoshlarning ota-onalari ishtirok etdi.
Ta’kidlab o‘tish joiz, yosh avlodni sog‘lom va barkamol qilib voyaga yetkazish, mamlakatimiz dovrug‘ini dunyoga tanitishda sportning o‘rni juda muhim. Shu bois mustaqillikning ilk yillaridanoq yurtimizda sportni ommalashtirishga katta e’tibor qaratilmoqda. Ayniqsa, Birinchi Prezidentimiz Islom Karimov tashabbusi bilan joriy etilgan, dunyoda o‘xshashi yo‘q uch bosqichli tizim - "Umid nihollari", "Barkamol avlod" hamda Universiada sport o‘yinlari yoshlarimiz o‘rtasida sportga bo‘lgan qiziqishni yanada oshirdi. An’anaviy tarzda tashkil etib kelinayotgan bu musobaqalar o‘z nufuzi, ahamiyati va miqyosiga ko‘ra, "Kichik Olimpiada" deya e’tirof etilayotgani ham bekorga emas. Zero, mazkur an’anaviy o‘yinlar xalqaro Olimpiada talablariga qat’iy amal qilgan holda hamda xolislik, halollik, adolat, totuvlik kabi mezonlar asosida o‘tkazilishi bilan ajralib turadi.

25-27-may kunlari Jizzax shahrida ushbu uch bosqichli musobaqalarning o‘rta bo‘g‘ini - "Barkamol avlod" sport o‘yinlari doirasida mamlakatimiz akademik litsey va kasb-hunar kollejlarining 898 o‘quvchisi sportning 17 turi bo‘yicha bellashuvlarda ishtirok etdi. Ular 193 ta oltin, 193 ta kumush va 214 ta bronza medali uchun bahs olib borishdi. Musobaqalarda viloyatimiz vakillari ham ko‘pgina sport turlari bo‘yicha munosib kurash olib borishdi. Jumladan, futbol bo‘yicha terma jamoamiz a’zolari yarim final bahslarida xorazmlik tengdoshlariga hech qanday imkoniyat qoldirmagan bo‘lsa, finalda Farg‘ona viloyati vakillari ustidan irodali g‘alabaga erishib, birinchi o‘rinni qo‘lga kiritdi.

-  Ayniqsa, farg‘onaliklar bilan bo‘lgan o‘yin juda hayajonli kechdi, - deydi terma jamoamiz a’zosi, Qarshi olimpiya zaxiralari kolleji o‘quvchisi Mirzabek Jonimqulov. - Sababi, finalning mas’uliyati juda katta bo‘ladi. Asosiy vaqtda 1:1 hisobi qayd etilib, kurash penaltilar seriyasiga qadar yetib bordi. 11 metrdan to‘p tepish bellashuvida esa omad biz tomonda bo‘ldi va 4:3 hisobida g‘alaba qozonib, oltin medallarni qo‘lga kiritdik.

Shuningdek, gandbol bo‘yicha qizlar terma jamoasi 3-o‘rinni egallagan bo‘lsa, suzish bo‘yicha umumjamoa hisobida xuddi shunday o‘rin qo‘lga kiritildi. Yengil atletikachilarimiz esa 8-o‘rinni egalladi. Shunga qaramay, yakkalik bahslarida oltin medallar ham bor. Xususan, Kasbi tumanidagi Denov qishloq xo‘jaligi kasb-hunar kolleji 1-bosqich o‘quvchisi Malika Vohidova 800 metr masofaga yugurish bahslarida ajoyib natija qayd etib, ancha nomdor raqiblarini ham ortda qoldirdi.

- Bu yil sportdagi faoliyatim yutuqlarga boy bo‘lmoqda, - deydi u. - May oyi boshida Buxoro shahrida bo‘lib o‘tgan O‘zbekiston chempionatida 1500 metrga yugurish bahslarida 1-o‘rinni, 800 metrga yugurishda esa 3-o‘rinni egallagan edim. "Barkamol avlod" musobaqasiga ham qattiq tayyorgarlik ko‘rdim. Intilishim o‘z natijasini berdi.

Musobaqalar natijasiga ko‘ra, eng ko‘p medal jamg‘arib, birinchi o‘rinni egallagan Toshkent shahri jamoasi bosh mukofot - O‘zbekiston Respublikasi Prezidentining "Barkamol avlod - 2017" sport o‘yinlari qatnashchilariga yo‘llagan tabrigining asl nusxasi va Prezident sovg‘asi - "Damas" avtomobili bilan taqdirlandi.
Umumjamoa hisobida ikkinchi o‘rinni egallagan Andijon viloyati va uchinchi pog‘onadan joy olgan Samarqand viloyati jamoalariga Prezident sovg‘asi - "Damas" avtomobillari topshirildi. Viloyatimiz vakillari esa 138 ochko jamg‘arib, 11-o‘rin bilan cheklanishdi.

Ma’lumot o‘rnida keltirib o‘tamiz, "Barkamol avlod" sport musobaqalari boshlangan 2001-yildan buyon viloyatimiz jamoasi qayd etgan eng yaxshi ko‘rsatkich 8-o‘rin bo‘lib qolmoqda. Bu natijaga 2005-yilda erishilgan. Qolgan musobaqalarda esa 10-o‘rindan yuqoriga o‘tilgani yo‘q. Xususan, 2001- va 2008-yilgi bahslarda 14 ta jamoa ichida eng oxirgi o‘rin egallangan bo‘lsa, 2011-yilda 11-, 2014-yilda 10- va 2017-yilda yana 11-o‘rin qo‘lga kiritilmoqda. Bu ushbu musobaqalarga tayyorgarlik jarayoniga ham jiddiy e’tibor qaratish, seleksiya ishlarini to‘g‘ri yo‘lga qo‘yish va malakali murabbiylarni jalb etish lozimligini ko‘rsatadi.

Jizzax shahrida bo‘lib o‘tgan musobaqaning yopilish marosimida ishtirokchilar "Qashqadaryoda ko‘rishguncha!" deya xayrlashishdi. Darhaqiqat, 2020-yilda bo‘lib o‘tadigan "Barkamol avlod" sport musobaqalarining final bosqichiga viloyatimiz mezbonlik qiladi. Umid qilamizki, o‘z uyimizdagi musobaqaga sportchilarimiz, murabbiylarimiz qattiqroq tayyorgarlik ko‘rishadi va sovrinli o‘rinlardan birini qo‘lga kiritamiz.

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 76 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Bosh sahifa

Qabul kunlari

A- A A+

Rahbariyatga murojaat etish

Rahbariyatga murojaat etish

Viloyat hokimligining umumiy bo'limiga murojjat etish (Yangi oynada ochiladi)

Mobil versiya

Mobil versiyaga o'tish

Bog'lanish

Ishonch telefon raqami 
0(371) 200-55-05 
Ishonch telefon raqami reglament
Yagona telefon raqami
0(375) 221-07-60 
Yagona telefon raqami reglamenti

Batafsil>>>

Biz bilan bog'lanish

Sahifa adressi

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset