wrapper

yakshanba, 16 Dekabr 2018 00:00

Viloyat hokimining qarori

Avtor

Viloyat hokimining

QARORI

B.E.RAJAPOVNI VILOYAT HOKIMINING QISHLOQ VA SUV XO‘JALIGI MASALALARI BO‘YICHA O‘RINBOSARI LAVOZIMIGA TAYINLASH TO‘G‘RISIDA

O‘zbekiston Respublikasining "Mahalliy davlat hokimiyati to‘g‘risida"gi Qonuni 21-moddasiga muvofiq

shanba, 29 Dekabr 2018 00:00

Yil voqealari

Avtor

Yakuniga yetayotgan 2018 yil viloyat hayotida ulkan voqeliklar bilan yodda qolarli bo‘ldi. biz ularni sohalar bo‘yicha, eng muhimlarini tasnifladik. o‘ylaymizki, quyidagi tafsilotlar yangilanishlar salmofini, nechoflik o‘zgarishlar yuz berganini yaqqol ko‘rsatadi.

YIL VOQEALARI: TASHRIF

 

O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan yaqindan tanishish, xalq bilan muloqot qilish maqsadida joriy yilda Qashqadaryo viloyatida 2 marta bo‘ldi.

"Bilgamish" dostoni topilganiga bir yarim asr bo'lyapti. Bu davr ichida asar dunyoning bir qancha tillariga tarjima qilindi va uzoq moziydan kelgan ajdodlar tafakkuri uni o'qigan kishilarni ilhomlantirib kelmoqda.

Bu asar yozma dostonlarning er yuzidagi eng qadimgisi deb hisoblanib kelayapti va aynan undan so'ng she'r hamda dostonlarni yozma ravishda bitish boshlangan, deb hisoblanmoqda.

Dovrug'i dunyoga doston

Milodiy IX asrda yashagan suriyalik yozuvchi Teodor bar Konay "Gelemgos" dostoni haqida yozib qoldirgan. Bu ayni shu doston ekanligi haqida fikrlar bor.

Kanadalik yozuvchi Alen Ganon "Gilgamesh dostoni haqida" romanini fransuz tilida chop etdi. Chernogoriyaning Budva shahrida Slavyan Vuyovich "Gilgamesh" nomli spektaklni sahnalashtirdi. Angliyaning Bedfordshir yoshlar   teatri ham bu ishni amalga oshirdi.  AQShlik Barri Truaksa, italiyalik Franko Battiato, chexiyalik Boguslava Martin va boshqalar "Gilgamesh" dostoni haqida musiqa asarlarini yaratdilar. Shuningdek, bu doston haqida dunyo olimlarining juda ko'p ilmiy va ilmiy-ommabop asarlari jahonning ko'pgina mamlakatlarida chop etildi. Doston bir necha fantastik asarlar paydo bo'lishiga turtki bo'ldi.

Tadqiqotlar asosida aniqlik kiritilishicha, mixxatda yozilgan bu dostonning yoshi 3500-3600 yildir. Doston yozilgan matn ideografik yozuv deyiladi. Bu asar Gomerning "Iliada" va "Odissey" dostonlaridan ham ming yilga qari bo'lib chiqdi.

Ya'ni dunyodagi birinchi badiiy asar!!!

Ellik asrlik til

Doston shumer tilida yozilgan. Xo'sh, bu qanaqa til?

Uning yoshi esa 5000 yilga borib taqaladi. Bu til mana shu ellik asr davomida albatta o'zgarib ketdi. "Bilgamish" dostoni esa o'sha tilning so'zlari qanday bo'lganligidan bizga xabar beradi.

Shumer tilining topilish tarixi shunday. 1849 yilda ingliz arxeologi Ostin Genri Leyyard Iroqdagi qazishma ishlari chog'ida bir vaqtlar Assiriya davlati tarkibida bo'lgan Nineviya   shahrini topadi. Qazishma ishlari davomida shoh Ashshurbanipalning mixxat orqali sopolda yozilgan asarlar saqlanadigan kutubxonasi ham aniqlanadi.

Kutubxonaning bir qismini Leyyardning yordamchisi Ormuzd Rassam 1842 yilda Britaniya muzeyiga topshiradi. Muzey mutasaddilari asarni o'qish uchun mutaxassislarni jalb etadi. Ammo ularning bir necha yillik urinishlari besamar ketadi, yozuvlar siri ochilmaydi.

Muzeyning misr-assuriya bo'limi yordamchisi Jorj Smit bir qadar muvaffaqiyatlarga erishadi va uni qisman tiklaydi. U 1872 yil 3 dekabr kunida "Injil" arxeologiya jamiyatida dunyo suv to'foni ostida qolishi haqidagi "Injil" oyatlariga o'xshash rivoyatni undan-da qadimgi asarda topganligini e'lon qiladi!

Yangi to'fon va chaqmoq

Bu yangilik - inson hayotida tabiiy ilmlar ahamiyatini tushungan va uni qadrlashni bilgan, o'tgan asrlar hukmron turkiylarining vorisi bo'lgan ingliz (XX asr eng mashhur inglizi Uinston Cherchill bekorga "Biz turkiylarning tarixini tortib oldik" demagan axir), keyinchalik butun evropa kiborlari va ziyolilari suzayotgan ummonda paydo bo'lgan yangi To'fon edi!!!

YEvropadagi "Injil" ixlosmandlari va unga qarshi bo'lganlar uchun bu yangilik musaffo osmonda chaqqan chaqmoqdek ta'sir qildi. Topilgan mixxat tushirilgan bo'lakchalar orqali rivoyat to'liq emasligi ma'lum bo'ldi. Shuning uchun rivoyatni to'liq tiklagan kishiga "Deyli Telegraf" gazetasi 1000 funt sterling miqdorida mukofot e'lon qiladi.

Mukofot pulini olish, shon-shuhrat zavqi Jorj Smitni  Mesopotamiyaga olib keladi. Mixxatli lavhalardagi yozuvlarni o'qigach, Smit suv to'foni haqidagi rivoyat katta dostonning bir parchasi ekanligi haqida to'xtamga keladi.

Ma'lum bo'lishicha, bu doston bobilliklar tilida "Gilgamish haqida doston" deyilar ekan. Doston 12 ta qo'shiqdan iborat bo'lib, har bir qo'shiq 300 satrdan iborat edi. 1873 yilgi ekspedisiyasi davrida Smit 384 ta lavhani topdi va dostonni tiklashga muvaffaq bo'ldi.

Shumerchami yo turkiycha?

XX asr boshi va o'rtalarida ushbu dostonning boshqa tillardagi variantlari ham topiladi. 2015 yilda doston yana 20 satrga boyiydi. Buni Iroq tarix muzeyi xodimlari, lavhalarning nima ekanligini bilmagan kontrabandachidan musodara qilishgach, to'satdan topib oldilar.

Eramizdan oldingi 2600 yil va    keyingi Shumer shohlari nomlarini tiklagan evropalik olimlar Bilgamishning tarixiy shaxsligini qayd etishdi.

Britaniyalik arxeolog, assiriolog, lingvist va diplomat ser Genri Kresvik Roulinson shumer tilining turkiy til bo'lganligini XIX asrdayoq aytgandi va uning fikrini evropalik ko'pchilik olimlar  endi tan olishdi. U Bihustun qoyasidagi yozuv turkiy tilda ham bitilganligini aytadi. Ammo, sobiq SSSR olimlari bu faktni yashirganlar...

“Tarix Shumerdan boshlanadi”

Dunyo tan olgan tarixchi, professor Samuel Noa Kramer "Tarix Shumerdan boshlanadi" nomli asarida shumerlar 39 ta fanni kashf qilganliklarini isbotlab berdi.

Misol uchun, birinchi yozuv, arava, boshlang'ich maktab, ikki palatali     birinchi parlament, tarix, birinchi  dehqon kundaligi, kosmogoniya, kosmologiya, maqollar va hikmatli so'zlar to'plami, badiiy tortishuvlar, mushoira, "Nuh" (suv to'foni sababchisi va undan omon qolgan shaxs)ning tasviri, birinchi kitob katalogi, birinchi pullar, birinchi soliqlar, birinchi qonunlar tatbiq etildi, ijtimoiy islohotlar, tibbiyot, jamiyatda komil insonni tarbiyalash haqidagi urinishlar aynan shu erda bo'ldi...

Tibbiyot sohasida shumerlar juda yuqori talablar ishlab chiqqan. Ingliz olimi Leyyard tomonidan shumerlarning Nineviya shahrida topilgan Ashshurbanipalning kutubxonasida qat'iy tartib amal qilgani aytiladi. Bu erda tibbiyot bo'limi bo'lib, unda mingdan ortiq sopol lavhalar saqlangan. Barcha tibbiy atamalar shumer tilidan olingan. Tibbiyot muolajalari maxsus jamlanmada aks ettirilgan. Gigiena qoidalari, jarrohlik amaliyoti, (masalan, kataraktani olib tashlash), dezinfeksiya uchun spirtdan foydalanish, terapiya va jarrohlik talab etilgan kasalliklarga tashxis qo'yishga shumerlar ilmiy yondashganliklari ma'lum.

Shumerlar ajoyib sayohatchi va tadqiqotchi edilar - ular dunyodagi birinchi kema ixtirochilari hisoblanadilar.

Katta xumdonda g'isht pishirish ham dastlab shu erda boshlangan. Shumerlar bir necha metallarni eritib, kimyoviy yo'l bilan qo'shish evaziga boshqa quyma metall olganlar. Ayniqsa, dunyo tarixi taraqqiyotini o'zgartirib yuborgan qattiq, ammo ishlov berilishi oson bo'lgan bronzani ishlab chiqarishni yo'lga qo'yganligi g'oyatda hayratlanarli. Yana, qazishma ishlari jarayonida      astronomik atamalarga taalluqli yuzlab so'zlar aks ettirilgan minglab sopol lavhalar ham topilgan.

“Hammaniki”mi, biznikimi?

Shumerlar tili haqidagi internet, ayniqsa, rus sigmentidagi G'arb olimlarining asarlarini o'qisangiz, shumer tili noma'lumligi to'g'risidagi xulosalarga duch kelasiz. Shuning uchun "bu til - butun dunyo xalqlarining madaniy boyligi" deb e'lon qilingan. Biz o'rta avlod vakillari "hammaniki deganda hech kimniki emas"ligini bilamiz. Egasi chiqmagandan keyin, kim xohlasa o'ziniki qilib olaveradi-da.

Kimlar shug'ullanmadi bu tillar bilan? Shuni qayd etish lozimki, ko'pincha qaysi xalq vakili ushbu til bilan shug'ullansa, egasiz - etim qolgan bu tilni o'z himoyasiga olib, butun dunyoga o'z ona tili bilan birligini qayd etardi.

Shumerlar tilining qanday va kimniki bo'lganligining, uning avlodlari kim ekanligining nima ahamiyati bor, deyishingiz mumkin. Savolingiz mantiqli. Gap shundaki, mening izlanishlarimga ko'ra bu bizning dostonimiz bo'lib chiqayapti!

Ha, yuqorida aytdim - qaysi millat bu til bilan shug'ullansa, egasiz etim bu tilni o'ziniki qilib olyapti, deb. Men ham buni o'zimizniki qilib olayapman. Ammo, mening bu gapga etarli asoslarim bor...

Masalan, menimcha, "Bilig", "Bilig-Ay" (Ay - bu erda odam ma'nosida) "Bilga" so'zlari bilimdon kishiga nisbatan ishlatilgan. Shu boisdan "Bilga Emish" - "Bilgamish" o'ta bilimli kishi, degan ma'noni beradi. Xuddi Alp Emish Alpning orttirma darajasini ko'rsatgani kabi.

Navoiy viloyatidagi Sarmishsoy turkiylarning juda qadimgi makoni bo'lganligi haqida u erdagi petrogliflar so'ylaydi. Xuddi shuningdek, Chiroqchi tumanida ham Bilgamishsoy degan joy mavjud. Bu joy nomi shumerlarning Bilgamishi bilan bir xil bo'lishi tasodifmi? Menimcha tasodif emas... Bunday misollarni yana ko'plab keltirishimiz mumkin. 

Men asarni I.Dyakonovning rus tilidagi tarjima matnidan o'zbek tiliga erkin tarjima qildim. Va shu bahonada er yuzidagi eng qadimiy dostondan   zavqlanib, uning mohiyatini anglashga intildim. Siz ham bu go'zal asar mutolaasi hayratidan bahramand bo'ling... Dostonning "Birinchi jadvali"da bitilganidek:

Bu qo'shiq dunyo kezib barchasini ko'rgan haqida,

Dengizlarni suzib, tog'lardan o'tgan haqida,

G'animlarin do'sti ila enggan haqida,

Donishlikka etgan, zakovatga erishgan haqida...

Anvar ShUKUROV

(Muallifning "Bilgamish" dostoni - er yuzidagi eng qadimgi yozma doston" nomli ilmiy tadqiqoti asosida qisqartirib tayyorlandi).

 

Qashqadaryo viloyatida yoshlar qalbida jasorat, mardlik va shijoat kabi fazilatlarni shakllantirish, shuning bilan bir qatorda, ularda harbiylikdek sharafli va mas'uliyatli kasbga qiziqishini yanada oshirish maqsadida “Vatanparvarlik oyligi” o'tkaziladi.

Bu haqda Yoshlar ittifoqi Markaziy Kengashi raisi Q.Quranboev viloyatda tizimning xodim va etakchilari bilan bo'lib o'tgan uchrashuvda ta'kidladi.

Oylik davomida muddatli harbiy xizmatni o'tab, hozirda Yoshlar ittifoqi tavsiyanomasi asosida o'qishga qabul qilingan talabalar ta'lim muassasalaridagi o'quvchi-yoshlar bilan uchrashuvlar o'tkazib, Qurolli Kuchlarimizda olib borilayotgan keng ko'lamli islohotlar,  imtiyozlar, milliy armiyamiz yosh avlod uchun mardlik, matonat va hayot maktabi ekanligi haqidagi o'y-fikrlari bilan o'rtoqlashadilar.

Shuningdek, yoshlarning ta'lim-tarbiyasi, ma'naviyati, siyosiy-huquqiy bilimini oshirish va davlatimiz tomonidan yaratib berilayotgan shart-sharoitlardan oqilona foydalanish masalalari o'rtaga tashlandi. 

- O'quvchi-yoshlar qachon boshlang'ich tashkilot etakchilari ortidan ergashadi?, - dedi Yoshlar ittifoqi raisi Q.Quranboev. – Tizimdagi xodim yoki etakchini o'zi ma'naviyatli, bilimli va sog'lom fikrlaydigan inson bo'lganda. Yoshlar tashkilotiga yoshlar yaxshi ko'radigan fidoyi xodim va etakchilar kerak! Shundagina, Yurtboshimiz tomonlaridan oldimizga qo'yilgan maqsadlarga erishamiz.

Uchrashuv davomida etakchi va sardorlarning muammo va takliflari tinglandi. Ko'plab muammolarga shu joyning o'zida barham berildi. Masalan, Qarshi shahridagi 11-umumta'lim maktabi Yoshlar etakchisiga kompyuter, printer va radiouzel, shahardagi 

28-umumta'lim maktabiga 50 dona badiiy kitoblar to'plami, Qarshi axborot texnologiyalari kollejining sport zallari zamonaviy sport anjomlari bilan ta'minlanadigan bo'ldi.

Shuningdek, Qarshi shahridagi kasb-hunar kollejlarida ta'lim olayotgan faol o'quvchilarning 20 nafariga sinov tariqasida 6 oylik “Ittifoq stipendiyasi”ni joriy qilish, Yoshlar etakchilari o'rtasida Abdulla Qodiriyning “O'tkan kunlar” romani yuzasidan tanlov o'tkazish va 10 nafar g'olibni aniqlar har birini radiouzel bilan ta'minlash bo'yicha ham kelishuvga erishildi.   

Yana bir quvonarlisi, viloyatdagi Yoshlar ittifoqi va “Kamalak” sardorlarining 100 nafari qishki ta'tilni Surxondaryo viloyatida joylashgan “Xalqaro yoshlar oromgohi”da o'tkazishadi.

Ahror Sodiqov.

 

“Xalq so'zi Online”. Ahad Muhammadiev/Qashqadaryo. Prezidentimiz 2017 yil 24-25 fevral kunlari Qashqadaryo viloyatiga tashrifi chog'ida Qarshi shahrida Respublika ixtisoslashtirilgan kardiologiya hamda Respublika ixtisoslashtirilgan endokrinologiya ilmiy-amaliy tibbiyot markazlarining filiallarini tashkil etish bo'yicha ko'rsatmalar bergan edi. O'tgan qisqa vaqtda yonma-yon joylashgan ikki yirik markaz qurib bitkazildi.

Davlatimiz rahbari 13 dekabr kuni bu erga tashrif buyurib, bemorlar uchun yaratilgan sharoitlar, zamonaviy texnika va uskunalarni ko'zdan kechirgan edi.

Bugun Respublika ixtisoslashtirilgan kardiologiya markazida yurak ishemik kasalligi bo'yicha birinchi jarrohlik amaliyoti muvaffaqiyatli o'tkazildi.

Klinikaning tajribali shifokorlaridan iborat jarrohlari tomonidan amalga oshirilgan bunday murakkab operasiyani shu paytga qadar faqat poytaxtimizda va xorijiy mamlakatlardagi klinikalarda o'tkazish mumkin edi.

Prezidentimiz tashabbusi bilan tashkil etilgan ushbu yangi klinika jahon andozalari darajasida yaratilgan sharoitlar, eng so'nggi zamonaviy tibbiy jihozlar va malakali kadrlar bilan ta'minlanganligi bois bu erda eng murakkab operasiyalarni ham o'tkazish imkoniyati yaratildi.

“Ochiq yurak operasiyasi G'uzor tumanidan kelgan 15 yoshli bemorda muvaffaqiyatli o'tkazildi. Ma'lum bo'lishicha ko'p yillardan buyon bemorda bunga imkon bo'lmagan. Jarrohlik amaliyotini hamkasblarimiz – tajribali jarrohlar Rustam Yarbekov, Oleg Po'latov, anesteziologlar Sanjar Omonov, Sardor Rahimov birgalikda o'tkazdik. Bu operasiya yurakning qorinchalararo deffekt plastikasi yoki yurak parogi deb yuritiladi. Hozir bemorning eng muhim hayotiy organlari maxsus tibbiy aparaturalarda nazorat qilib turilibdi”, - deydi shifokor Adham Jalilov.

 

 

O'zbekiston Respublikasi Prezidenti Shavkat Mirziyoev joylarda ijtimoiy-iqtisodiy islohotlarning borishi, amalga oshirilayotgan bunyodkorlik ishlari, yirik loyihalar bilan yaqindan tanishish, xalq bilan muloqot qilish maqsadida 13-14 dekabr kunlari Qashqadaryo viloyatida bo'ldi.

Tashrifning ikkinchi kuni Prezident Shavkat Mirziyoev rahbarligida Qarshi shahrida Qashqadaryo viloyati iqtisodiyotini rivojlantirish, aholi turmush sharoitini yanada yaxshilash masalalariga bag'ishlangan videoselektor yig'ilishi bo'lib o'tdi. Unda viloyat faollari, deputatlar, shaharlar va tumanlar hokimlari, sektorlar rahbarlari, keng jamoatchilik vakillari qatnashdi.

Davlatimiz rahbari 2018 yilda qabul qilingan "Obod qishloq" va "Obod mahalla" dasturlari doirasida viloyatning 28 ta qishloq va 4 ta mahallasi obod qilinib, ularda yashayotgan 300 ming aholining turmush sharoiti yaxshilanganini ta'kidladi.

Jumladan, 17 mingta hovli-joy, 193 ta ko'p qavatli uy, 82 ta ijtimoiy soha ob'ekti, yuzlab kilometr yo'l va ko'chalar, suv va elektr tarmoqlarida qurilish-ta'mirlash ishlari amalga oshirildi. Bunga qariyb 300 milliard so'm sarflandi.

Viloyatda ichimlik suvi ta'minotini yaxshilash borasida sezilarli ishlar qilingani, biroq bu kifoya emasligi qayd etildi. Bu ishlar ko'lamini oshirish maqsadida Koson, Muborak, Qamashi va G'uzor tumanlari ichimlik suvi ta'minoti tizimlarini rekonstruksiya qilish, Dehqonobod tumanidagi 38 aholi punktida yashayotgan 104 ming kishini markazlashgan ichimlik suvi bilan ta'minlash loyihalari amalga oshiriladi.

Aholining arzon uylarga talabini qondirish uchun joriy yilda qishloq joylarda 3 mingdan ziyod yoki o'tgan yilga nisbatan ikki barobar ko'p arzon namunali uy-joy, shunindek, Qarshi shahrida jami 630 xonadonli 14 ta ko'p qavatli uy qurildi. 2019 yilda 190 mingdan ziyod aholi yashaydigan 39 ta qishloq va 6 ta mahalla obodonlashtiriladi. Qishloq joylarda 1 ming 205 ta arzon namunaviy uy-joy, shaharlarda 14 ta ko'p qavatli uy barpo etiladi, aholining ichimlik suvi ta'minoti yaxshilanadi, dedi davlatimiz rahbari.

Mamlakatimizning Buyuk Britaniya, Eron va Polshadagi elchixonalari Qashqadaryo viloyatiga biriktirilgan. Prezidentimizning tashrifi doirasida Qarshi shahrida o'tgan taqdimotlarda Buyuk Britaniyadagi elchimiz Alisher Shayxov 276 million dollarlik 5 ta loyiha, Polshadagi bosh diplomatimiz Bahrom Boboev 163 million dollarlik 8 ta, Erondagi elchimiz Bahodir Abdullaev 61 million dollarlik 9 ta loyihani amalga oshirishga investisiya kiritish bo'yicha takliflar berdi.

Davlatimiz rahbari bu loyihalar etarli emasligini, elchilar xorijiy investisiya jalb etishni kamida 2 barobar ko'paytirishi lozimligini ta'kidladi.

Elchilarimiz bulardan tashqari 2019 yilda har bir tumanga qo'shimcha kamida 10 million dollardan xorijiy investisiya jalb qilishga ko'mak berishi kerak, dedi Shavkat Mirziyoev.

Yig'ilishda viloyatda ijtimoiy sohani rivojlantirish, ta'lim muassasalari faoliyatini yaxshilash, 2019 yilda maktabgacha ta'lim muassasalari va umumta'lim maktablarini qurish, rekonstruksiya qilish va ta'mirlash rejalari haqida ham so'z yuritildi.

Ishsizlikni kamaytirish masalasiga e'tibor qaratildi. Sanoat, qishloq xo'jaligi va xizmat ko'rsatish sohalarida umumiy qiymati 15 trillion so'm bo'lgan 1 ming 200 dan ziyod loyiha bo'yicha takliflar ishlab chiqilgani, ular amalga oshishi bilan 29 mingta doimiy ish o'rni yaratilishi qayd etildi.

Hududda turizmni rivojlantirish uchun barcha imkoniyatlar ishga solinadi. Bu borada Shahrisabzda yil davomida madaniy-ko'ngilochar tadbirlar va anjumanlar o'tkazib borish orqali turistlarni keng jalb qilish uchun ko'hna Keshni Festivallar shahriga aylantirish taklifi berildi.

Ijtimoiy hayotni yaxshilash uchun, avvalo, iqtisodiyotni rivojlantirish kerak. Buning uchun iqtisodiyot tarmoqlarini modernizasiya qilish talab etiladi. Faqat xomashyo etishtirish emas, balki uni tayyor mahsulot shaklida sotish tizimini yo'lga qo'yish zarur, dedi davlatimiz rahbari.

Yig'ilishda paxta klasterlari faoliyatini samarali tashkil qilish, meva-sabzavot va poliz mahsulotlari etishtirish bo'yicha mavjud imkoniyatlardan to'liq foydalanish, har bir tuman iqlim sharoitidan kelib chiqqan holda bog'dorchilik, chorvachilik va parrandachilikni rivojlantirish yuzasidan topshiriqlar berildi. Joylardagi ijro organlari bu borada sustkashlikka, befarqlikka yo'l qo'yayotgani tanqid qilindi.

Qashqadaryo bag'rikeng, tanti va g'ururli el. Bu erda amalga oshirilayotgan islohotlar samarasi ham shunga munosib bo'lishi kerak. Biz, albatta, Qashqadaryo aholisi uchun munosib turmush sharoiti yaratamiz, xususan, xotin-qizlar, yoshlar muammolarini hal etishga e'tiborni kuchaytiramiz, ijtimoiy ta'minotga muhtoj qatlamni qo'llab-quvvatlaymiz, buning uchun rahbar xodimlarimizdagi mudroqlik kayfiyatini, korrupsiyani yo'qotamiz, dedi Shavkat Mirziyoev.

Prezidentimiz videoaloqa orqali tumanlardagi aholi vakillari bilan muloqot qilib, ularning taklif va istaklarini bajarish bo'yicha mutasaddilarga topshiriqlar berdi.

Shu kuni Shavkat Mirziyoev Qarshi shahrida O'zbekiston Respublikasining Birinchi Prezidenti Islom Karimov haykali poyiga gul qo'yib, uning xotirasiga hurmat bajo keltirdi.

Islom Karimov Qashqadaryoga rahbarlik yillarida viloyat iqtisodiyotini ko'tarish, ijtimoiy muammolarni hal etish yo'lida ko'p ishlar qilgani yodga olindi.

Davlatimiz rahbari Qarshi shahrida bunyod etilayotgan "Vatanparvarlar" bog'ini borib ko'rdi.

Shavkat Mirziyoev joriy yil yanvar oyida Qashqadaryo viloyatiga tashrifi chog'ida Qarshi shahridagi Islom Karimov ko'chasida joylashgan Bolalar bog'i nomini "Vatanparvarlar" deb o'zgartirish, bu erda ana shu sharafli nomga uyg'un ruhda rekonstruksiya ishlarini amalga oshirish yuzasidan topshiriq bergan edi.

Bog'ni barpo etishdan maqsad yoshlarda tariximiz va madaniyatimizdan g'ururlanish tuyg'usini kuchaytirish, Vatan ravnaqi yo'lida fidokorona kurashgan milliy qahramonlarimiz nomini abadiylashtirish, armiyamiz qudrati va salohiyatiga ishonchni kuchaytirishdan iborat.

Qariyb 7 gektar hududdagi "Vatanparvarlar" bog'i ana shu maqsadlarga hamohang tarzda yangi qiyofa kasb etmoqda. Bu erda 2018-2019 yillarda 29,3 milliard so'mlik rekonstruksiya ishlari amalga oshiriladi. Sun'iy ko'l, kirish darvozasi, amfiteatr, blendaj, o'q otish joyi va lukodrom qurilishi yakunlandi. Muzey qurilishi tugallanish arafasida, parashyutdan sakrash minorasi qurilishi, ko'kalamzorlashtirish ishlari davom etmoqda.

Bog' hududiga Mudofaa vazirligi tomonidan taqdim etilgan, turli yillarda xizmat qilgan 24 ta harbiy texnika maketi o'rnatilgan. Maxsus tayyorlangan blendajni ko'rgan kishi ko'z o'ngiga Ikkinchi jahon urushida mardonavor jang qilgan vatandoshlarimiz keladi.

Bog'da o'rnatilgan O'zbekiston xaritasining ulkan maketida har bir viloyatning buyuk siymolari, qadimiy obidalari, serviqor tog'lari, daryolari, bepoyon kengliklari aks ettirilgan.

Muxtasar aytganda, bu erga tashrif buyuruvchilar O'zbekistonimiz hududlari haqida to'liq ma'lumotga ega bo'ladi.

Bog' yaqinida qurilgan 4 ta zamonaviy ko'p qavatli turar joy, xalqaro talablarga javob beradigan zamonaviy yopiq suzish havzasi hudud manzarasini yanada go'zallashtiradi.

Prezidentimiz bog'da yaratilgan sharoitlarni ko'zdan kechirdi, ta'lim muassasalaridagi "Jasorat" guruhlari a'zolari bilan suhbatlashdi.

Bunday maskanlar yoshlarga xalqimiz tarixi, ma'naviyati va madaniyati haqida yaqqol taassurot beradi. Endi bundan samarali foydalanish, ushbu maskanga yoshlarni ko'proq olib kelib, ochiq darslar o'tkazish kerak, dedi Shavkat Mirziyoev.

O'zbekistonning Ikkinchi jahon urushidagi g'alabaga qo'shgan hissasining ahamiyatini yoshlarga etkazish, tinchlik-osoyishtaligimiz uchun katta xizmatlar qilgan vatandoshlarimiz haqida so'zlab berish zarurligi ta'kidlandi.

Davlatimiz rahbari "Vatanparvarlar" bog'i yonida qad rostlagan yangi suv sporti majmuasi bilan tanishdi. Ushbu zamonaviy inshootda 25x11 metrlik to'rt yo'lakdan iborat ikkita suzish havzasi mavjud. Tashqi ko'rinishi parvoz qilayotgan qushni eslatadigan inshoot havzasidagi suv maxsus filtrlar yordamida to'liq yangilab turiladi. Yuvinish, ovqatlanish, tibbiyot va fitnes xonalarida barcha qulayliklar yaratilgan. Bu erdagi zamonaviy sharoitlar ota-onalarning, yoshlarning suv sportiga qiziqishini oshiradi.

Shavkat Mirziyoev bu erda shug'ullanayotgan yosh sportchilar bilan suhbatlashib, ularga kelgusi musobaqalarda omadlar tiladi.

Shu bilan Prezidentimizning Qashqadaryo viloyatiga tashrifi yakunlandi.

Ulug'bek ASROROV,

Umar ASROROV,

Ziyodulla JONIBYEKOV,

O'zA maxsus muxbirlari

 

 

Qarshi shahridagi "Baxt uyi"da "Oila" ilmiy-amaliy   tadqiqot markazi viloyat boshqarmasi  O'zbekiston yoshlar  ittifoqi viloyat kengashi, xotin-qizlar qo'mitasi hamkorlikda "Bo'lg'usi kelin-kuyovlar innovasion maktabi"ni tashkil etdi.

 

Mazkur maktabning ochilish marosimiga FHDYo xodimlari, mahalla, xotin-qizlar qo'mitalari faollari, yosh oilalar, jamoat tashkilotlari vakillari hamda OAV xodimlari taklif etildi.

"Oila" ilmiy-amaliy tadqiqot markazi direktori o'rinborsari D.Alimjonova, O'zbekiston Qahramoni M.Sharapova, "Nuroniy" jamg'armasi viloyat bo'limi raisi o'rinbosari S.Shovriqov yurtimizda yoshlar ongiga oila muqaddasligini singdirishga, shunga muvofiq, ularni oilaviy hayotga tayyorlashga jiddiy yondashilayotganini ta'kidlashdi.

Innovasion maktabda bo'lg'usi kelin-kuyovlarga oilaviy munosabatlarning ma'naviy-axloqiy asoslari, oila iqtisodiyoti, byudjetini yuritish, ijtimoiy muhit, sog'lom turmush tarzi, o'zaro munosabatlarni uyg'unlashtirish va nizolarning oldini olish, huquqiy masalalar bo'yicha mahorat darslari o'tiladi. Qizlar uchun "Oila" markazi tomonidan ishlab chiqilgan "Oila saboqlari" mobil ilovasi, kelin-kuyovlar uchun ilk bor tayyorlangan "Mustahkam oilaga yo'llanma" yon daftarchalari bu borada alohida ahamiyat kasb etishi maqsad qilingan.

- Innovasion maktabda dastlab 10 juft nikohlanuvchi mashg'ulotlarda qatnashayapti, - deydi "Oila" ilmiy-amaliy  tadqiqot markazi viloyat boshqarmasi direktori Ramiz Zohirov. - O'ylaymanki,  targ'ibot-tashviqot va tushuntirish ishlarimiz nikoh ostonasida turgan o'g'il-qizlarni mustaqil, tinch va farovon oilaviy hayotga yo'llab, ularda burch va mas'uliyat tuyg'usini mustahkamlashga xizmat qiladi.

Tadbirda bo'lg'usi kelin-kuyovlarga oilaviy hayot asoslariga bag'ishlangan ilmiy va badiiy adabiyotlar to'plami sovg'a qilindi.

Shohista BOZOROVA

Muallif olgan suratda tadbirdan lavha

Qashqadaryogz.uz ma'lumotlari asosida

 

Dunyoning rivojlangan mamlakatlari tajribasida ko'rish mumkinki, yirik-yirik kompaniyalar o'zlari chiqargan aksiyalarni fond birjasida aholiga va tadbirkorlik sub'ektlariga birlamchi (IPO) va ikkilamchi (SPO) oshkora taklif etadi. Masalan, IPO o'tkazishdan bir qator maqsad ko'zlangan. Avvalo tegishli kompaniya shu orqali o'z faoliyatiga katta miqdorda investisiya jalb qilishi mumkin. Aksiyalarning xaridorgirligi esa kompaniyaning qay darajada iqtisodiy  barqaror va mahsuloti xalq orasida qanchalik mashhur ekaniga bog'liq. IPO o'tkazish natijasida kompaniya o'z aksiyalarining ob'ektiv va real bahosini bilib oladi. Shunda aksiyalarni eng katta narx taklif etayotgan investorga sotish imkoni yuzaga keladi.

Ahamiyatlisi, mamlakatimizda ham ushbu amaliyotni bosqichma-bosqich qo'llashga o'tish bo'yicha ishlar boshlangan. Xususan, davlatimiz rahbarining 2017 yil 17 yanvardagi "Tadbirkorlik maqsadlarida foydalanish uchun davlat mulki ob'ektlarini sotishni jadallashtirish va uning tartib-taomillarini yanada soddalashtirish chora-tadbirlari to'g'risida"gi farmoniga muvofiq, davlat mulki ob'ektlarini sotishda ushbu amaliyotdan keng foydalanish belgilangan. Shu bilan birga, bu hujjatda ixtisoslashtirilgan tashkilotlar tomonidan elektron shaklda o'tkaziladigan tanlov va auksionlarni tashkil etish ham ko'rsatib o'tilgan.

Qimmatli qog'ozlar bozorini muvofiqlashtirish va rivojlantirish markazi viloyat hududiy boshqarmasida bo'lib o'tgan seminarda shu xususda atroflicha so'z yuritildi. "Aksiyadorlik jamiyatlarida axborotlarning oshkor etilishi, qimmatli qog'ozlarni joylashtirish usullari hamda qimmatli qog'ozlar bozoriga doir ayrim normativ hujjatlarga kiritilgan o'zgartirish va qo'shimchalar" mavzusidagi tadbirda qimmatli qog'ozlar bozorining professional mutaxassislari, vohamizdagi mavjud aksiyadorlik jamiyatlari mas'ullari, OAV vakillari qatnashdi.

Seminarda ishtirokchilarga kelgusida amaliyotga faol joriy etish mo'ljallangan bu usullarning afzalligi, iqtisodiy samarasi haqida ma'lumot berildi. Mazkur tushunchalar mazmun-mohiyatiga aniqlik kiritildi.

- IPO - bu aksiyalar va fond bozoridir, - deydi "Freedom Finance" mas'uliyati cheklangan jamiyati viloyat filiali mutaxassisi Elbek Karimov. - Uning holati emitent aksiyalarining miqdori hamda ularga bo'lgan talabning ko'pligiga qarab o'zgaradi. IPO (InitiaI public offering) inglizcha so'zdan olingan bo'lib, qimmatli qog'ozlarni birlamchi oshkora taklif etish, SPO esa ikkilamchi degan ma'noni bildiradi. Sodda qilib aytganda, u aksiyalarning cheklanmagan shaxslar orasidagi dastlabki sotuvi, ya'ni dastlabki taklif qilinishidir. Bu amaliyot yurtimizda ilk bor qo'llanayapti. Bu borada yangi mexanizm ishlab chiqilmoqda. Jahon aksiya va fond bozorida keng qo'llanayotgan bu usul mamlakatimiz iqtisodiyotining yanada rivojlanishiga salmoqli hissa qo'shishi shubhasiz.

Tadbirda ishtirokchilar mavzu yuzasidan o'zlarini qiziqtirgan savollarga mutaxassislardan batafsil javob olishdi.

 

Qarshi muhandislik-iqtisodiyot instituti yosh olimlari taklif etayotgan loyihaga ko'ra, viloyatimiz sharoitida qulupnay parvarishlab shunday natijaga erishish mumkin. Faqat dehqon maxsus yo'riqqa amal qilsa bo'lgani. Ko'chatlar ochiq maydonda ekiladi. Vaqti-vaqti bilan zarur tadbirlar amalga oshiriladi. Ushbu usul yordamida bir sotix joyda ekilgan "Remontant" deb ataluvchi qulupnaydan 5-6 tonnagacha va yiliga 3 marta hosil yig'ib olish mumkin bo'ladi. Asosiysi, bu yangilik tajribadan muvaffaqiyatli o'tgan. Uni tadbirkorlik faoliyatida joriy qilish, daromad keltiruvchi  mashg'ulotga aylantirish uchun esa mablag' kerak. Ushbu loyiha taqdimoti Savdo-sanoat palatasi viloyat hududiy boshqarmasida tashkil etilgan seminarda o'tkazildi.

Yoshlar startap-tashabbuslarini qo'llab-quvvatlash dasturi viloyat bosqichida g'olib deb topilgan boshqa uch loyiha tashabbuskorlari ham tadbirda o'z taqdimotlari bilan qatnashdi. Mazkur tadbirkorlik tashabbuslarini yanada takomillashtirish maqsadida tashkil etilgan ushbu seminarda mutaxassislar ishtirokchilarga o'z tavsiya va maslahatlarini berishdi.

- Aytish kerakki, "Startap-tashabbuslari" dasturi yoshlarga o'z shaxsiy startaplarini yaratishda hamda tadbirkorlik ko'nikmalarini rivojlantirishda ko'maklashishga qaratilgan, - deydi boshqarma mutaxassisi Xusnora Jumaeva. - Bu tanlov BMT Taraqqiyot dasturi va Savdo-sanoat palatasining qo'shma faoliyati mahsuli bo'lib, joriy yilda Innovasion rivojlanish vazirligi va Yoshlar ittifoqi hamkorligida "Yoshlar - kelajagimiz" davlat dasturida belgilangan vazifalar doirasida Buyuk Britaniyaning O'zbekistondagi elchixonasi moliyaviy ko'magida amalga oshirilmoqda. Uning viloyat bosqichida 27 nafar ishtirokchi o'z loyihalarini taklif etgandi. Ekspertlar tomonidan esa faqat 4 startap tashabbusi eng yaxshi deb topilgan va ularning egalariga respublika bosqichida qatnashishga yo'llanma berilgan. Shu bois mazkur yirik tadbir oldidan ularni tayyorlash, loyiha kamchiliklarini bartaraf etish chorasini ko'rdik. Yoshlarga amaliy yordam berildi, tadbirkorlik faoliyatiga oid qonunchilikdan, ishbilarmonlarga berilgan imtiyozlardan boxabar qilindi.

Ma'lum bo'lishicha, Qarshi davlat universiteti vakillari Rohat Usmonova, Muhayyo Berdiqulova va Xayrullo Jumaev viloyatimizdagi turistik ob'ektlarning elektron xaritasini va animasion formatini tuzish g'oyasini ilgari surishgan. QMIIning boshqa bir jamoasi esa 220 kVt kuchlanishni masofadan turib oshirish yoki kamaytirish imkonini beruvchi mikroprosessorli avtomatik qurilma yaratishgan. TATU Qarshi filiali vakillari mutolaa ixlosmandlariga audio va elektron shakldagi kitoblarni oson usulda etkazish loyihasini ishlab chiqqan.

Qayd etish o'rinli, eng muvaffaqiyatli loyihalar mualliflari  tez orada bo'lib o'tadigan "Demo Day" yakuniy tadbirida istiqboldagi investorlarga o'z loyihalarini taqdim  qilish hamda innovasiyalar forumida ishtirok etish imkoniga  erishadi. "Demo Day" yakunlari bo'yicha  eng  yaxshi deb topilgan beshta loyiha o'z startaplarini rivojlantirish uchun beg'araz sarmoya shaklida 40 million so'm mablag'ga  ham ega bo'ladi. Bunda moliyaviy ko'mak Innovasiyalarni rivojlantirish vazirligi va Yoshlar ittifoqi tomonidan ko'rsatiladi.

 

shanba, 15 Dekabr 2018 00:00

Muborak GQIZ modernizasiya qilinadi

Avtor

Muborak gazni qayta ishlash zavodidagi propan-butan aralashmasi olishning ishlab turgan qurilmalarini modernizasiya qilish bo'yicha loyihaning texnik-iqtisodiy asosi hukumat tomonidan tasdiqlandi. Bu haqda "Podrobno.uz" internet nashri xabar bermoqda.

Xabarda aytilishicha, loyihaning umumiy qiymati 15 million AQSh dollaridan oshadi va barcha mablag' "O'zbekneftgaz" tomonidan moliyalashtiriladi. Ob'ektlarni foydalanishga topshirish 2019 yilning sentyabriga mo'ljallangani qayd etilgan.

Ma'lum bo'lishicha, Muborak GQIZ rahbariyati zarur detallar  tayyorlovchi zavodlar bilan to'g'ridan-to'g'ri muzokaralar olib borgan. Uning yakunlariga ko'ra, allaqachon tomonlar o'rtasida zarur uskuna, butlovchi qismlar va materiallar etkazib berish borasida kelishuvga ham erishilgan. Tuzilgan shartnomalar qiymati 10 million AQSh dollaridan ziyodga baholangan.

Ta'kidlash joizki, mazkur istiqbolli loyihaning samarali ro'yobga chiqishi natijasida ushbu yirik korxonaning yillik mahsulot ishlab chiqarish hajmi 281,5 ming tonna suyultirilgan gazga etadi. O'sish esa 23,2 ming tonnani tashkil qiladi. Yiliga gaz kondensati ishlab chiqarish quvvati esa 7,5 ming tonnaga oshib, jami 90,7 ming tonnaga teng bo'lishi kutilmoqda.

Shundan har yili 31,7 ming tonna mahsulotni eksportga yo'llash reja qilingan. Bu esa mavjud ko'rsatkich avvalgiga qaraganda 11,6 ming tonnaga oshadi degani.

Ma'lumot o'rnida shuni keltirish kerakki, nafaqat viloyatimiz, balki respublika neft-gaz tarmog'idagi eng yirik sanoat gigantlaridan sanalgan Muborak gazni qayta ishlash zavodi o'tgan asrda, aniqrog'i 1971 yilda ishga tushirilgan. Hozirgi vaqtda korxonada propan-butan aralashmasi olish qurilmasining 3 bloki ishlab turibdi. Zavod yiliga 260 ming tonna suyultirilgan gaz ishlab chiqarish quvvatiga ega. Suyultirilgan gaz va gaz kondensatidan tashqari sub'ekt iste'mol bozorini tabiiy gaz hamda kimyo va oziq-ovqat sanoati uchun qimmatbaho xomashyo hisoblangan oltingugurt bilan ta'minlab kelmoqda.

 

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 143 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset