wrapper

seshanba, 05 Fevral 2019 00:00

24 SOAT ISH, 4 TA XORIJIY TIL

Avtor

Tadbirkor xususiy bog‘cha faoliyatini shu tartib asosida tashkil qildi

Qarshi shahridagi Aralovul mahallasi hududida "Wunder children" (Bilimdon bolalar) nomli yangi xususiy maktabgacha ta’lim muassasasi ish boshladi.

 

 

Prezidentimizning maktabgacha ta’lim tizimini tubdan isloh qilish, sohada xususiy sektor ulushini oshirish orqali o‘zaro halol raqobatni shakllantirish, xususiy bog‘cha tashkil etayotgan ishbilarmonlarga imkoniyat va imtiyozlar yaratib berish borasidagi tashabbuslaridan ruhlangan tadbirkor Xurshida Hakimova ana shu loyihani amalga oshirdi.

 

Binoga kirishingiz bilan tadbirkorning bu ishga astoydil yondashganini his etasiz. Beixtiyor kayfiyatingiz ko‘tarilib, havasingiz ortadi. Yana bolalik damlariga qaytish orzusi uyg‘onadi.

 

- Yaqindagina ish boshlaganimizga qaramay, tarbiyalanuvchilarimiz soni kundan-kunga oshib bormoqda, - deydi muassasa mudirasi Gulsara Vohidova. - Muassasamizda bir paytda 90 nafar bolaga ta’lim-tarbiya berishni maqsad qilganmiz. Badiiy gimnastika, sport to‘garaklari tashkil etayapmiz, shuningdek, ingliz, rus, koreys va xitoy tillaridan mashg‘ulotlar olib boramiz.

 

 Ahamiyatli jihati, tadbirkor ishni tashkil etishda ota-onalar uchun barcha qulayliklarni yaratishga e’tibor qaratgan. Bog‘cha aksariyat ota-onalarning ishda bo‘lish vaqtini inobatga olgan holda, ertalab soat yettidan kechki yettiga qadar, ya’ni 12 soat ishlaydi. Bundan tashqari, talab asosida 24 soatlik guruhga ham tarbiyalanuvchilarni qabul qilish imkoni yaratilgan.

 

Xususiy bog‘chada tadbirkor foyda olishni ko‘zlaydi va shu asosda eng avvalo ishni rivojlantirishni, mijozlar ishonchini qozonishni o‘ylaydi. Ta’lim va tarbiyani sifatli tashkil etishga, yangi imkoniyatlarni ishga solishga harakat qiladi. Bunga tadbirkor Xurshida Hakimova amalga oshirayotgan ishlar misolida yana bir bora amin bo‘ldik.

 

Sobir NARZIYEV

 

Muallif olgan suratlarda: muassasa faoliyatidan lavhalar.

Viloyatimiz sharoitida tabiiy holatda o‘suvchi qizilmiya o‘simligi o‘tgan yili birinchi marta xorijga eksportga chiqarildi. Chet ellik xaridorga qiymati 82 ming AQSH dollarilik mahsulot yetkazib berilgan. Bu haqda Savdo-sanoat palatasi viloyat hududiy boshqarmasi sektor mudiri Javohir Eshmurodov ma’lum qildi.

Qayd etish lozim, mamlakatimizda qishloq xo‘jaligi sohasining eksport salohiyatidan unumli foydalanishga, bu yo‘lda ichki imkoniyatlarni samarali ishga solishga, jahon bozoriga yangi turdagi mahsulotlarni sotishni tashkil etishga e’tibor qaratilmoqda. Vohamizda dorivorlik xususiyatiga ega o‘simliklarning ko‘p uchrashi ham bunda juda qo‘l kelayapti. Asosiysi, ularga xorijda katta talab bor.

Xususan, Dehqonobod kengliklarida tabiiy holda o‘suvchi qizilmiya ildizini xarid qilishga hindistonlik ishbilarmonlar qiziqish bildirgandi. O‘z navbatida viloyatimizdagi "Global-Deks impeks" mas’uliyati cheklangan jamiyati bu imkoniyatdan unumli foydalanmoqda. Bultur eksportyor korxona Hind diyoridagi "Docran Healthcare Ltd" firmasi bilan mahsulot oldi-sotdisi bo‘yicha 400 ming dollarga shartnoma imzolagan. Hamkorlik aloqalari joriy yilda ham davom ettiriladi.

Ma’lumot uchun, qizilmiya dukkakdosh o‘simliklar oilasiga mansub ko‘p yillik o‘t bo‘lib, suvsiz joylarda bedadan ko‘ra ko‘proq hosil beradi. Mazkur o‘simlik qurg‘oqchilikka o‘ta chidamli. Ildizidan farmatsevtika sanoatida dori vositalari tayyorlashda keng foydalaniladi.

M.SHUHRATOV

Juma, 25 Yanvar 2019 00:00

MAQOM SAN’ATI FIDOYISI 70 YOSHDA

Avtor

O‘zbekistonda xizmat ko‘rsatgan madaniyat xodimi, "El-yurt hurmati" va "Fidokorona xizmatlari uchun" ordenlari sohibi, milliy maqom san’atining chin ma’nodagi jonkuyari Elmurod Boymurodovga 70 yoshlik yubileyi munosabati bilan Prezident sovg‘asi - yangi xonadon kaliti topshirildi.

Shahrisabz shahrida bo‘lib o‘tgan yubiley tantanasida madaniyat va san’at sohasi vakillari, ijodkorning shogirdlari, do‘stlari, mutasaddi vazirlik va hokimliklar,  OAV xodimlari ishtirok etishdi.

Kishi qaysi kasb egasi bo‘lmasin, astoydil ishlasa, izlansa, fidoyi mehnat qilsa, albatta, e’tibor ham, e’tirof ham topadi. Elmurod Boymurodov hayotini bunga yaqqol misol qilib keltirishimiz mumkin. Bu ajoyib inson 1949-yilda Shahrisabz tumanining tog‘li Miraki qishlog‘ida tavallud topdi, u yerdagi o‘rta maktabda ta’lim oldi.

- Ota-onam o‘zlari san’atkor bo‘lmasa-da, san’atni juda yaxshi ko‘rishardi. Mening ham maktabda o‘qib yurgan kezlarimdanoq qo‘shiq aytish, rol ijro etish jonu dilim edi, - deya qalbida san’atga mehr uyg‘ongan bolalik, o‘quvchilik damlarini eslaydi ustoz. - O‘sha yillari Raj Kapur ishtirokidagi filmlar juda mashhur edi. Uning filmlaridan zavq olib, qo‘shiqlarini xirgoyi qilib, raqs tushib yurardim. Orzuyim Raj Kapurdek xalq tanigan, sevgan san’atkor bo‘lish edi.

 

Xuddi ana shu orzu maktabni tamomlagan Elmurodni Toshkent davlat teatr va rassomchilik institutiga yetaklab keladi. U oliygohdagi 5 yillik tahsil davomida o‘zbek san’atining    darg‘alari bo‘lgan ko‘plab ustoz san’atkorlardan saboq oldi. Tirishqoqligi, izlanuvchanligi, iste’dodi bilan ularning nazariga tushdi. 1971-yilda institutning rejissorlik bo‘limini muvaffaqiyatli tamomlab, Qori Zokir Sodiqov nomidagi Shahrisabz shahar xalq teatriga ishga keladi. 2014-yilga qadar, ya’ni 43 yil davomida ana shu teatrda rejissor bo‘lib ishladi. U butun faoliyati davomida ish bilan bir qatorda yosh iste’dodlarni tarbiyalash, ularga san’atning sir-sinoatlarini o‘rgatishga e’tibor qaratdi. Shogirdlaridan ilmini, mehrini, vaqtini darig‘ tutmadi. Qalbida san’atkor bo‘lish orzusi bilan ilk bora ana shu teatrga kelgan, hayajon va hadik ila birinchi sahnaga qadamni shu yerda qo‘ygan yoshlarning ko‘pchiligi bugun xalqaro sahnalarnida zabt etgan, el sevgan, ardoqlagan san’atkor.

Qolaversa, Elmurod Boymurodov teatrdagi rejissorlik ishi bilan bir qatorda, 1972-yildayoq Shahrisabzda maqom ansamblini tashkil etgan edi. U muntazam ravishda hududdagi yosh iste’dodlarni ansambl faoliyatiga jalb etib, ularga maqom san’atining sir-asrorlarini o‘rgatib keldi. Uning shogirdlari orasida ham aktyorlar, ham xonandalar borligi boisi ana shunda.

Ustoz san’atkor bir umr o‘zi tug‘ilib o‘sgan tumanda yashab, mehnat qildi. U mashhurlikka intilmadi, katta sahnalarga talpinmadi, zero shuni istaganida, iste’dodi ham, mahorati ham bunga yetardi. U san’atni sevishni haqiqiy mehnatda, o‘zini butun borlig‘i bilan unga bag‘ishlashda, bilganlarini yoshlarga o‘rgatishda, deb bildi. Shu qoidaga amal qilib yashadi, ishladi. Natijada,  mashhurlik ham, e’tibor ham, e’tirof ham topdi.

Prezidentimiz Shavkat Mirziyoyev tashabbusi bilan Xalqaro maqom san’ati anjumanining aynan Shahrisabzda o‘tkazilishida ham Elmurod Boymurodovning beqiyos xizmati bor. Yarim asr davomida ana shu hududdan uning shogirdi bo‘lgan juda katta avlod yetishib chiqdiki, ular o‘z ijodlari vositasida maqomning haqiqiy jozibasini, sehrini, siru sinoatini keng yoyib kelmoqda. Bu bugun Shahrisabzning maqom diyoriga aylanishiga omil bo‘lgan asosiy jihatlardan biridir.

- Aslida maqom qo‘shiqlarini o‘rganib, uni ijro etishga har kim ham jur’at eta olmaydi, - deydi O‘zbek milliy maqom markazi direktori Soyibjon Begmatov. - Sababi avvalo buning uchun juda katta musiqiy ilm, ovoz, mahorat kerak. Maqomni yoshlarga o‘rgatish esa yanada mashaqqatli ish. Elmurod Boymurodov ana shu ishni har qanday tahsinga munosib tarzda amalga oshirib kelayotgan sanoqli ustoz san’atkorlardan biridir. Xalqaro maqom san’ati anjumani buni yana bir bora ko‘rsatib berdi. Anjumanda ustoz tayyorlagan 150 nafar bola eng qiyin maqomlardan birini shunday kuyladiki, xorijliklar ham hayratini yashirishmadi. O‘zingiz o‘ylang, axir shuncha yosh bolani bir sahnada,  bir ovozda, bitta tonda shunday kuylatishning o‘zi bo‘ladimi?! Buning uchun ozgina mashq, ozgina mehnat, ozgina vaqt ketadimi! Har kim ham qila olmaydi bunday mehnatni. Ana shu zahmatdan qochmagani uchun ham bugun Elmurod Boymurodovning shogirdlari orasidan xalq artistlari, xalq hofizlari, el sevgan san’atkorlar yetishib chiqmoqda.

Tadbirda ustoz san’atkorga    Prezident sovg‘asi topshirilib,  viloyat hokimi Zafar Ro‘ziyevning tabrigi o‘qib eshittirildi. Elmurod Boymurodovning ko‘p yillar davomida madaniyat, san’at sohasida amalga oshirgan ishlari, xizmatlari e’tirof etildi. Shogirdlari, do‘stlari, oila a’zolari tomonidan qilingan musiqiy chiqishlar tadbirga yanada zavq bag‘ishladi.

Jahongir BOYMURODOV

Suratlarda: tadbirdan lavhalar.

Sobir NARZIYEV olgan suratlar.

 

Joriy yil oxiriga qadar Kasbi tumanida "Indorama-agro" xorijiy korxonasi tomonidan tekstil fabrikasi faoliyati yo‘lga qo‘yilishi ko‘zda tutilgan. Umumiy qiymati 35 million AQSH dollariga baholangan ushbu istiqbolli loyiha doirasida to‘qimachilik mahsulotlari ishlab chiqarish tashkil etiladi. Ushbu tashabbus to‘liq chet el sarmoyasi hisobidan ro‘yobga chiqariladi. Normativ-huquqiy hujjatlar loyihalari muhokamasi portali - regulation.gov.uzda e’lon qilingan "2019-2020- yillarda Qashqadaryo viloyati Kasbi tumanining sanoat salohiyatini oshirish to‘g‘risida"gi Vazirlar Mahkamasi qarori loyihasida shu haqda so‘z boradi.

Chorshanba, 30 Yanvar 2019 00:00

ISLOM KARIMOV haykali poyiga gul qo‘yildi

Avtor

Buyuk davlat va siyosat arbobi, o‘zbek xalqining atoqli farzandi Islom Karimov tavalludining 81 yilligi munosabati bilan Qarshi shahri markazida o‘rnatilgan yodgorlik qoshida davlat va jamoat tashkilotlari, huquqni muhofaza qiluvchi idoralar vakillari, fan, madaniyat, adabiyot va san’at namoyandalari, yoshlar jam bo‘ldi.

 

 

 

Viloyat hokimi Zafar Ro‘ziyev boshchiligidagi jamoatchilik vakillari Buyuk Yo‘lboshchi haykali poyiga gullar qo‘ydi, uning xotirasiga hurmat bajo keltirdi.

Sobir NARZIYEV olgan suratlar.

Ma’lumki, mamlakatimiz yangi tarixining chorak asri yirik davlat arbobi va siyosiy yetakchi Islom Karimov nomi bilan bog‘liq. Birinchi Prezident Vatan ravnaqi, yurt tinchligi, jamiyatning iqtisodiy o‘sishi uchun o‘z hissasini qo‘shdi. Tinchlikparvar siyosat tufayli respublika xalq xo‘jaligini qayta tiklash va yangi asosda rivoj topishiga mustahkam asos yaratildi. O‘zbekiston jahon hamjamiyatida o‘z o‘rniga ega davlatga aylandi.

Vatanni his qilish bolalik yillarining beg'ubor sho'xliklari - uyimiz, ko'chamiz, mahallamiz g'ururi uchun "kurashgan" paytlardan boshlanadi. Mahalla oqsoqollari: "Ota-onangni uyaltirib qo'yma, mahalla sha'niga dog' tushirma, qishlog'imizdan haligacha yomon odam chiqmagan", deyishsa, ko'nglimizda g'urur uyg'onib, o'zimizni bolalikka xos katta-kichik qahramonliklarga tayyor qilib ko'rsatar edik. O'zimiz bilmagan holda oilamiz, qishlog'imiz, demakki Vatanimizning yosh himoyachilariga aylanardik. Keyinroq Vatanni himoya qilish nima ekani, keksalarning el-yurtga tinchlik-xotirjamlik, osmonga musaffolik, xirmonga baraka tilab qilgan duolari ma'nosini to'la angladik.
Vatanni himoya qilish - bu faqat qo'lga qurol olib, chegaralarda hushyor turish emas ekan, yurtimizning moddiy va ma'naviy boyliklarini, ulug' ajdodlardan bizga meros bo'lib qolgan purhikmat an'analarni, bag'rikeng, saxovatli xalqimizning ezgu fazilatlarini, tilimiz, dinimiz, milliy qadriyatlarimiz, yoshlarning dunyoqarashini, qo'yingki, Vatanning gul-rayhonidan novda-giyohigacha, ona er bag'ridan otilib chiqayotgan mitti bulog'idan boshlab hayqirib oqayotgan daryosigacha ko'z qorachig'idek asrashimiz, bemavrid dovullardan himoya qilishimiz, bularning hammasini kelgusi avlodlarga bus-butun, joziba va tarovati bilan etkazishimiz kerak.
Vatan - muqaddas dargoh. Uni himoya qilish, dushmanlardan asrash, ravnaqi va farovonligi yo'lida xizmat qilish har bir musulmon uchun ham farz, ham qarzdir. Payg'ambarimizdan Sa'id ibn Zayd raziyallohu anhu rivoyat qilib: "Molini, jonini, dinini va ahlini himoya qilish yo'lida halok bo'lgan kishi shahid maqomidadir", deganlar (Abu Dovud rivoyati). Hadisda sanab o'tilgan mol, jon, din va oila kishi hayotining mazmuni - uning Vatanini ifoda etadi.
Hakimlar aytadilar: "Kishining vafodorligi uning o'z Vatani uchun qayg'urishi, birodarlarini sog'inishi va umrining zoe ketkazgan lahzalariga o'kinib yashashidan bilinadi". Shunday ekan, insonning o'z xalqiga bo'lgan sadoqati va fidoyiligi Vatanni himoya qilishi, taraqqiy topib, har tomonlama mustahkam va qudratli bo'lishi hamda xalqining tinch va farovon hayot kechirishiga imkon darajasida hissa qo'shishi bilan o'lchanadi.
Vatan himoyasidan yuz o'girish yoki biror bahonani ro'kach qilib qochib qolish og'ir gunohligi haqida Qur'oni karimda bani Isroil qavmi misolida quyidagicha bayon etilgan:
"Musodan keyin Isroil avlodining zodagonlarini ko'rmadingizmi?! Ular o'zlarining Payg'ambariga: "Bizga bir podshoh yuborgin, (biz u bilan) birga Alloh yo'lida jang qilaylik", - deyishdi. "Balkim sizlarga urush farz qilinsa, urushmassiz", - dedi (Payg'ambar). Ular: "Yurtimizdan va farzandlarimizdan judo qilinib turibmiz-ku, nega Alloh yo'lida urushmas ekanmiz?", - dedilar. Urush farz qilinganda esa, ozgina kishidan tashqarilari (jangga chiqishdan) bosh tortdilar. Alloh zolimlarni yaxshi biluvchidir" ("Baqara", 246).
Ushbu oyatdan ko'rinib turibdiki, Vatan uchun kurashish, uning ozodligi, chegaralarining daxlsizligini qo'riqlash muqaddas burchdir.
Vatan himoyasi yo'lida uxlamasdan poyloqchilik qilgan ko'z egasini do'zax otashi ham kuydirmas ekan. Bu haqda Ibn Abbos raziyallohu anhudan rivoyat qilingan hadisda Payg'ambar alayhissalom: "Ikki ko'z egasini do'zax otashi kuydirmas: biri - Allohdan qo'rqib yig'lagan, ikkinchisi - Alloh yo'lida poyloqchilik qilib uxlamagan kishini", deb marhamat qilganlar (Termiziy rivoyati).
Tinchlikni mustahkamlash yo'lida har bir kishi o'z burchini sidqidildan, ixlos va e'tiqod ila bajarmog'i lozim. Ayniqsa, Vatan himoyasi jabhalarida xizmat qilayotgan har bir harbiy xizmatchi o'ziga topshirilgan vazifani Alloh va insonlar huzuridagi ulug' mas'uliyat deb bilmog'i va harbiy qasamyodni, va'dalarini bajarishi vojibdir.
Shuningdek, Vatan himoyasida faqat harbiylar emas, balki shu zaminda yashayotgan barcha fuqarolar - o'qituvchi yoki shifokor bo'ladimi, tadbirkor yoxud bog'cha tarbiyachisi bo'ladimi, qaerda bo'lmasin o'z Vatanini himoya qilishi kerak. Hamma o'z vazifasini halol, vijdonan bajarsa, shuning o'zi himoyadir.
Qanchadan-qancha amallar borki, ko'rinishidan oddiy ishga o'xshagani bilan chiroyli va yaxshi niyat ila savobi ulug' amalga aylanadi. Xuddi shu kabi harbiy xizmat ham ana shunday savobli, zarur, muhim amallar qatoriga kiradi. Zero, Hazrati Sarvari olam (a.s.) aytganlaridek: "Insonlarning yaxshisi - insonlarga manfaatlisidir".
Kechagina o'ynab-chopib yurgan kichkintoylar ko'z ochib-yumguncha harbiy xizmat yoshiga etadilar. Payg'ambarimiz (a.s.) ta'lim berganlaridek, farzandlarimizga bolaligidanoq chavandozlik, merganlik, suvda suzish kabi mashqlarni puxta o'rgatib, ona Vatanga, el-yurtga sadoqat ruhida buyuk ajdodlarimiz kabi imon-e'tiqodli qilib tarbiyalash eng muhim vazifamizdir.
Alloh taolo mustaqil yurtimizni tinchlik va omonlikda, harbiylarimizni O'zining hifzu himoyasida saqlab, jannatmonand diyorimizni yomon ko'zlardan va barcha ofatlardan asrasin!
Rahmatillo USMONOV,
O'zbekiston musulmonlari idorasining viloyatdagi vakili, viloyat bosh imom-xatibi

Dushanba, 14 Yanvar 2019 00:00

Harbiylar hayoti – o'quvchilar havasi

Avtor

– Bolaligimdan harbiy texnikalarga qiziqaman, – deydi Kasbi tumanidagi 48-umumta'lim maktabi o'quvchisi Murodali Bobomurodov. – Otamga doim o'yinchoq tank oldirardim. Lekin haqiqiy tankni hech qachon ko'rmagandim. Bugun ushbu orzum ushaldi. O'qituvchimiz boshchiligida harbiy qismga sayohat qildik va haqiqiy tanklarni ko'rdik. Hatto boshqaruv bo'lmasiga kirib, o'zimni tankchidek tasavvur ham qildim. Kelajakda, albatta, tankchi bo'laman.

2018 yilning 11 oktyabr kuni O'zbekiston Respublikasi Prezidentining “Davlat mulki ob'ektlarini va er uchastkalariga bo'lgan huquqlarni tadbirkorlik sub'ektlariga sotish tartibini soddalashtirish bo'yicha qo'shimcha chora-tadbirlar to'g'risida”gi 5552-son Farmoni qabul qilindi.
Farmonga muvofiq, endilikda, savdolarga chiqarilgan davlat mulki ob'ektlari – Qoraqalpog'iston Respublikasi Vazirlar Kengashi raisi va viloyatlar hokimlari tomonidan o'z vakolatlari doirasida aniqlangan ko'chmas mulk ob'ektlari investisiyaviy va ijtimoiy majburiyatlarni belgilagan holda - 1 so'mga teng qiymatdagi boshlang'ich narxda sotilishi belgilandi.
Shuningdek, boshqa ko'chmas mulk ob'ektlari bo'yicha – qayta baholanmasdan, ularni o'tkazish kunidagi savdolarda shakllangan narxda “E-IJRO AUKSION” elektron savdo maydonchasiga o'tkaziladi va savdoga chiqariladi.
Investisiyaviy loyihalarni amalga oshirish uchun auksion o'tkazmasdan, investor bilan to'g'ridan-to'g'ri muzokaralar orqali investisiyaviy hamda ijtimoiy majburiyatlar belgilagan holda er uchastkalarini berish va bo'sh turgan davlat ko'chmas mulk ob'ektlarini belgilagan holda sotib olish imkoniyati ham tug'ildi.
Unga ko'ra, tegishli davlat idoralari tomonidan davlat mulki ob'ektlari va er uchastkalariga bo'lgan huquqlarni sotish tartibini soddalashtirish bo'yicha eksperiment tartibi belgilandi.
Eksperiment tartibi bilan davlat mulki ob'ektlari va er uchastkalari “E-IJRO AUKSION” yagona elektron savdo maydonchasida tanlov ishtirokchisining investisiyaviy va ijtimoiy majburiyatlari inobatga olingan holda sotiladi.
“Elektron onlayn-auksion savdolarni tashkil etish markazi” DUK tomonidan tashkillashtirilayotgan elektron onlayn-auksion savdolariga Respublikaning tuman va shahar xokimliklari tomonidan 5077 ta bo'sh er uchastkalari, 1 trl. 737 mlrd. 753 mln. so'm investisiya kiritish, 26494 ta yangi ish o'rinlarini yaratish sharti bilan 92 mlrd. 27 mln. 900 ming so'm miqdordagi mol-mulklar auksion savdolariga chiqarildi.
Bugungi kunga qadar "E-IJRO AUKSION" elektron onlayn-auksion savdolarida 2483 ta bo'sh er uchastkalari 723 mlrd. 143 mln. so'm investisiya kiritish, 9820 dan ortiq yangi ish o'rinlarini yaratish sharti bilan 17 mlrd. 134 mln. 100 ming so'mga sotildi.
Hozirda "E-IJRO AUKSION" elektron onlayn-auksion savdolarida 2594 ta bo'sh er uchastkalari 86 mlrd. 547 mln. 600 ming so'm miqdordagi auksion savdolariga chiqarildi.
Misol uchun, elektron onlayn-auksion savdolariga bugungi kunda birgina, Qashqadaryo viloyatining Davlat raqobat boshqarmasi tomonidan 27 tabo'sh turgan davlat mulki ob'ektlari boshlang'ich bahosi 1 so'm miqdorida, 227 yangi ish o'rinlarini yaratish hamda 10 mlrd. 223 mln. so'm investisiya kiritish sharti bilan auksion savdolariga chiqarilgan;
Jumladan:
- Qashqadaryo viloyatining Davlat raqobat boshqarmasi tomonidan 4 tabo'sh turgan davlat mulki ob'ektlari boshlang'ich bahosi 1 so'm miqdorida, 38 yangi ish o'rinlarini yaratish hamda 1 mlrd. 420 mln. so'm investisiya kiritish sharti bilan auksion savdolariga chiqarilgan;

AUKSIONDAGI ISHTIROKINGIZ YURT RAVNAQIHAMDA BIZNESINGIZ TARAQQIYOTIGA ULKAN HISSA QO'SHADI

Tarixdan ma'lumki, Ikkinchi jahon urushidagi keskin burilish 6300 tank hamda 2 million 240 ming askar, 4400 qiruvchi samolyot jangga kirgan 1943 yilgi Kursk jangida boshlangan.
Qaqshatqich to'qnashuvdan so'ng fashist jangchilariga birinchi marotaba orqaga chekinishga buyruq berilgan. O'z navbatida zirhli texnikalar har qanday mamlakat mudofaasini tashkil qilishda hal qiluvchi ahamiyatga ega ekani isbotini topganki, ushbu haqiqat bugun ham o'z ahamiyatini yo'qotgani yo'q. Qudratli armiyalar quruqligu botqoqlik, nishonni uzoqdan o'qqa tutadiganu to'g'ridan-to'g'ri jangga kiradigan zamonaviy tanklariga ega.

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 155 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset