wrapper

Maxsus imkoniyatlar
Juma, 17 Mart 2017 00:00

Farzandlik burchi va mas'uliyat

Avtor

Qurolli Kuchlarimiz safida o'z burchini o'tab qaytgan yigitlar armiya bilan bog'liq yorqin xotiralari haqida so'z yuritganda, harbiy qasamyod qabul qilish marosimini hayotlaridagi eng unutilmas voqealardan biri sifatida e'tirof etishadi. Bunday tadbirlarda bevosita qatnashib, ikki hissa qo'proq taassurot olgan ota-onalarning esa quvonchdan ko'zlari sevinch yoshlariga to'lishi tabiiy. Axir farzand tarbiyalab, uning el-yurtga nafi tegadigan inson bo'lib ulg'ayganini ko'rishdan ortiqroq baxt bormi dunyoda?!

Yana bir ajib manzara jajji bolakaylarda kuzatiladi. Ular harbiy xizmatchilarning “O'zbekiston Respublikasiga xizmat qilaman!” degan haroratga to'la ahdini tinglagach, akalariga taqlid qilishga tushishadi, xayolan askarga aylanib, shaxdam qadamlar tashlashga intilishadi. Bu ham harbiy qasamyod marosimining tarbiyaviy ahamiyatiga bir misoldir. Umuman, oriyatni, g'urur va sadoqatni hamma narsadan ustun qo'yadigan bizning xalqimiz uchun harbiy qasamyod — bu shunchaki rasmiy tadbir emas, balki yigitlik sha'ni, or-nomusini o'rtaga qo'yib, o'z zimmasidagi mas'uliyatli va sharafli burchni ado etishga bel bog'lab, ahdu paymon qilish marosimidir.

Prezidentimiz Shavkat Mirziyoevning 2016 yil 21 dekabrdagi “O'zbekiston Respublikasi fuqarolarini muddatli harbiy xizmatga navbatdagi chaqiruvi hamda belgilangan xizmat muddatlarini o'tab bo'lgan harbiy xizmatchilarni Qurolli Kuchlar rezerviga bo'shatish to'g'risida”gi qaroriga muvofiq, yaqindagina muddatli harbiy xizmatga chaqirilgan o'g'lonlarning harbiy qasamyod qabul qilishiga bag'ishlab ayni kunlarda respublikamizning barcha joyida o'tkazilayotgan tantanali tadbirlarda ushbu jihatlar yana bir karra o'z ifodasini topayapti.

O'zbekiston Respublikasi Mudofaa vazirligi huzuridagi Jamoatchilik kengashi a'zolari, “Mahalla” xayriya jamoat fondi, “Nuroniy” jamg'armasi, Respublika Xotin-qizlar qo'mitasi, “Kamolot” yoshlar ijtimoiy harakati vakillari, harbiy xizmatchilar hamda ota-onalar ishtirokida tashkil etilayotgan marosimlarda mustaqillik yillarida milliy -armiyamizni shakllantirish va uning mudofaa salohiyatini yuksaltirish borasida amalga oshirilgan keng ko'lamli islohotlar hamda ularning samaralari haqida so'z yuritilmoqda.

Poytaxtimizdagi “Vatanga qasamyod” haykali oldida o'tkazilgan ana shunday marosim ham unda qatnashganlarga ko'tarinki kayfiyat, unutilmas lahzalarni tuhfa etdi. Aytish joizki, mazkur monument yurtimiz sarhadlarini ko'z qorachig'idek asrab-avaylashga bel bog'lagan fidoyi o'g'lonlarimiz sharafiga qo'yilgan bebaho obidadir.

Juma, 17 Mart 2017 00:00

Qarshida arzon uy-joylar qurilmoqda

Avtor

Prezidentimiz Shavkat Mirziyoevning 2016 yil 22 noyabrdagi“2017-2020 yillarda shaharlarda arzon ko'p kvartirali uylarni qurish va rekonstruksiya qilish Dasturini amalga oshirish chora-tadbirlari to'g'risida”gi qaroriga muvofiq joriy yilda viloyatimiz markazida 5 qavatli kopmleks ko'rinishiga ega, energiyadan samarali foydalaniladigan, arzon ko'p kvartirali 7 ta uy bunyod etilishi belgilangan.

         Assalomu alaykum qadrli va aziz opalar, singillar!
         Lobar va go'zal, oqila va dono qizlarim!
Tabiatning eng fusunkor fasli –  bahor kirib kelishi bilan tabiat ochilib, ko'ngillarimiz yorug' tuyg'ularga to'lib borayotgan mana shu shukuhli ayyomda siz, azizlarni, sizlar orqali butun voha xotin-qizlarini      8 mart bayrami bilan chin qalbimdan muborakbod etaman!
Biz bugun Yaratganning buyuk mo''jizasi bo'lgan, hayot davomiyligi va abadiyligini o'zida mujassam etgan ayol zotini, tabarruk onalarni ulug'lar ekanmiz, beixtiyor mutafakkir bobomiz Alisher Navoiyning “Jannat onalarning oyog'i ostidadir” degan mazmundagi hikmatli so'zlarini eslaymiz va muqaddas Ona siymosi oldida ta'zim qilamiz.

Assalomu alaykum, aziz opa-singillar! 

Muhtaram do‘stlar! 

Avvalo, siz, azizlar bilan yurtimizga bahor nafasi kirib kelayotgan yorug‘ kunlarda, Xalqaro xotin-qizlar bayrami arafasida mana shu muhtasham koshonada uchrashib turganimdan g‘oyat xursandman. 

Shu qutlug‘ ayyom – 8-mart bayrami bilan sizlarni, sizlarning timsolingizda butun mamlakatimiz ayollarini, muhtarama onaxonlarimiz, qadrli opa-singillarimiz, go‘zal qizlarimizni chin qalbimdan muborakbod etib, barchangizga o‘zimning chuqur hurmat-ehtiromim va ezgu tilaklarimni bildirishga ijozat bergaysiz. 

Barchamiz uchun aziz va mo‘tabar bo‘lgan ayol zoti haqida so‘z yuritar ekanmiz, avvalambor, bizni dunyoga keltirgan, oq sut berib voyaga yetkazgan Ona siymosi oldida bosh egib ta’zim qilamiz. 

Osiyo taraqqiyot banki prezidenti Takexiko Nakao O'zbekistonda amalga oshirilayotgan keng ko'lamli islohotlar, o'zaro hamkorlik loyihalari haqida quyidagilarni so'zlab berdi:

– O'zbekistonga tashrifim juda samarali bo'lmoqda. Samarqand, Buxoro va Toshkent viloyatlarida bo'lib, kichik biznes va xususiy tadbirkorlikni rivojlantirish borasida amalga oshirilayotgan ishlar bilan yaqindan tanishdim. YErdan maqsadli va samarali foydalanish, bog'dorchilikni rivojlantirish va hosildorlikni oshirish, sohaga zamonaviy texnologiyalarni keng joriy etish borasidagi loyihalar bizda katta qiziqish uyg'otdi.

O'zbekiston Respublikasi Prezidenti Shavkat Mirziyoev Prezident Gurbanguli Berdimuhamedovning taklifiga binoan 6 mart kuni davlat tashrifi bilan Ashxobodga jo'nab ketdi.

Tashrif doirasida davlat rahbarlari O'zbekiston – Turkmaniston munosabatlariga doir keng ko'lamli masalalarni muhokama qiladilar, tomonlarni qiziqtirgan mintaqaviy va xalqaro ahamiyatga molik dolzarb muammolar yuzasidan fikr almashadilar.

Oliy darajadagi muzokaralar yakunlari bo'yicha davlat rahbarlarining Qo'shma bayonoti, Strategik sheriklik to'g'risidagi shartnoma, shuningdek, turli sohalardagi o'zaro hamkorlikni yanada rivojlantirishga qaratilgan qator hujjatlar imzolanishi rejalashtirilgan.

O'zbekiston Respublikasi Vazirlar Mahkamasining 2012 yil 13 sentyabrdagi 270-son «Toshkent shahridagi Kasb-hunarga o'qitish markazi faoliyatini ta'minlashga doir qo'shimcha chora-tadbirlar to'g'risida»gi hamda 2015 yil 15 maydagi 122-son «Koreya Respublikasi Hukumatining grantini jalb etgan holda Samarqand shahrida Kasb-hunarga o'qitish markazini tashkil etish chora-tadbirlari to'g'risida»gi qarorlariga muvofiq buyuraman:
1. Kasb-hunarga o'qitish markazlariga o'qitishga qabul qilish tartibi to'g'risidagi nizom ilovaga muvofiq tasdiqlansin.
2. O'zbekiston Respublikasi mehnat va aholini ijtimoiy muhofaza qilish vazirining 2012 yil 29 noyabrdagi 74-son «Toshkent shahridagi Kasb-hunarga o'qitish markaziga o'quvchilarni 1 yilgacha muddatga bepul o'qitishga qabul qilish va ularni qayta tayyorlash hamda kirish malaka imtihonlari (testlari)ni o'tkazish tartibi to'g'risidagi nizomni tasdiqlash haqida»gi buyrug'i (ro'yxat raqami 2408, 2012 yil 25 dekabr) (O'zbekiston Respublikasi qonun hujjatlari to'plami, 2012 y., 52-son, 597-modda) o'z kuchini yo'qotgan deb hisoblansin.
3. Mazkur buyruq rasmiy e'lon qilingan kundan e'tiboran kuchga kiradi.
Vazir A. ABDUXAKIMOV
Toshkent sh.,
2017 yil 27 yanvar,

3-B-son
O'zbekiston Respublikasi mehnat vazirining 2017 yil 27 yanvardagi 3-B-son buyrug'iga
ILOVA
Kasb-hunarga o'qitish markazlariga o'qitishga qabul qilish tartibi to'g'risidagi
NIZOM
Mazkur Nizom O'zbekiston Respublikasi Vazirlar Mahkamasining 2012 yil 13 sentyabrdagi 270-son «Toshkent shahridagi Kasb-hunarga o'qitish markazi faoliyatini ta'minlashga doir qo'shimcha chora-tadbirlar to'g'risida»gi hamda 2015 yil 15 maydagi 122-son «Koreya Respublikasi Hukumatining grantini jalb etgan holda Samarqand shahrida Kasb-hunarga o'qitish markazini tashkil etish chora-tadbirlari to'g'risida»gi qarorlariga muvofiq Kasb-hunarga o'qitish markazlariga (bundan buyon matnda Markaz deb yuritiladi) o'quvchilarni 1 yilgacha muddatga bepul o'qitishga qabul qilish hamda kirish va yakuniy malaka imtihonlarini o'tkazish tartibini belgilaydi.
1-bob. Umumiy qoidalar
1. Mazkur Nizom talablari Markaz tomonidan to'lov asosida tashkil etiladigan qisqa muddatli o'qitish kurslariga nisbatan tatbiq etilmaydi.
2. Markazga ishga joylashtirishni kafolatlovchi uch tomonlama (ish beruvchi, tuman (shahar) Bandlikka ko'maklashish markazi, jismoniy shaxs) shartnoma va mazkur Nizomning 1-ilovasiga muvofiq shakldagi tuman (shahar) Bandlikka ko'maklashish markazi yo'llanmalari mavjud bo'lgan ishsizlar va vaqtincha band bo'lmagan aholi, shu jumladan kasb-hunar kollejlarini va akademik liseylarni bitirgan doimiy ishga ega bo'lmagan shaxslar tanlov asosida o'qishga qabul qilinadi.
2-bob. Markazga o'qishga qabul qilish
3. O'qishga qabul qilishni tashkil etish uchun o'qitishning navbatdagi bosqichi boshlanishidan kamida oltmish kun oldin Markaz direktori tomonidan O'zbekiston Respublikasi Mehnat vazirligi bilan kelishgan holda qabul rejasi tasdiqlanadi.
4. Qabul rejasida o'qishga hujjatlarni qabul qilish boshlanadigan kun, yo'nalishlar bo'yicha qabul kvotasi ko'rsatiladi.
5. Tasdiqlangan qabul rejasi asosida Markaz tomonidan:
o'qishga qabul qilish uchun hujjatlar qabul qilinadigan vaqt;
tayyorlash va qayta tayyorlash yo'nalishlari va mutaxassisliklari ro'yxati;
Markazning manzili va murojaat uchun telefon raqamlari ko'rsatilgan xabar o'qitishning navbatdagi bosqichi boshlanishidan kamida ellik besh kun oldin ommaviy axborot vositalarida, shuningdek O'zbekiston Respublikasi Mehnat vazirligi hamda Markazning rasmiy veb-saytida e'lon qilinadi.
6. O'qishga qabul qilishni tashkil etish uchun Markaz direktorining buyrug'i bilan kamida besh kishidan iborat tarkibda ishchi guruh tuziladi. Bunda Markazning Marketing va ishga joylashtirish monitoringi sho''basi boshlig'i ishchi guruh rahbari hisoblanadi.
7. Quyidagilar ishchi guruhning vazifalari hisoblanadi:
nomzodlarning hujjatlarini qabul qilish;
kirish imtihonlarini o'tkazish jadvallarini tuzish va tasdiqlash;
kirish imtihonlarini o'tkazish bilan bog'liq ishlarni tashkillashtirish.
8. O'qishga kirish uchun hujjatlarni qabul qilish o'qitishning navbatdagi bosqichi boshlanishidan ellik kun oldin boshlanadi va o'ttiz kun davom etadi.
9. O'qishga kirish uchun nomzodlar tomonidan quyidagi hujjatlar taqdim etiladi:
mazkur Nizomning 2-ilovasiga muvofiq shaklda ariza;
pasport nusxasi (hujjatlarni topshirish vaqtida pasportning asl nusxasi ko'rsatiladi);
ishga joylashtirishni kafolatlovchi uch tomonlama (ish beruvchi, tuman (shahar) Bandlikka ko'maklashish markazi, jismoniy shaxs) shartnoma nusxasi;
tuman (shahar) Bandlikka ko'maklashish markazi tomonidan berilgan yo'llanma;
3,5 x 4,5 sm o'lchamdagi 4 dona rangli fotosurat.
Nomzodlardan mazkur bandda ko'rsatilmagan boshqa hujjatlarni talab qilish taqiqlanadi.
10. Hujjatlarni topshirgan shaxsga ularning qabul qilib olinganligi haqida tilxat beriladi.
11. Nomzodlarning hujjatlari saqlanishi uchun ishchi guruh rahbari mas'ul hisoblanadi.
3-bob. Kirish imtihonlarini o'tkazish
12. Kirish imtihonlarini o'tkazish uchun O'zbekiston Respublikasi Mehnat vazirligi bilan kelishilgan holda Markaz direktorining buyrug'i bilan kamida 9 kishidan iborat quyidagi tarkibda komissiya tuziladi:
komissiya raisi — tegishli Mehnat bosh boshqarmasi boshlig'i (u bo'lmaganda, uning vazifasini bajaruvchi shaxs);
komissiya raisi o'rinbosari — Markaz direktori;
komissiya kotibi — Markaz direktorining o'quv ishlari bo'yicha o'rinbosari;
komissiya a'zolari — Markazning mas'ul xodimlari hamda kelishuv asosida turdosh kasb-hunar kollejlarining ishlab chiqarish ta'limi ustalari.
13. Kirish imtihonlari o'qitishning navbatdagi bosqichi boshlanishidan o'n besh kun oldin boshlanadi va har bir yo'nalish bo'yicha alohida kunda o'tkaziladi.
Kirish imtihonlari bo'lib o'tadigan kunlar haqidagi ma'lumotlar e'lonlar taxtasiga osib qo'yiladi va bir vaqtning o'zida Markazning rasmiy veb-saytida e'lon qilinadi.
14. Kirish imtihonlari test shaklida o'tkaziladi.
15. Test savollari matematika, fizika, informatika va axborot texnologiyalari fanlari hamda tegishli tayyorlash va qayta tayyorlash yo'nalishiga oid mutaxassislik bo'yicha tuziladi.
16. Test savollari komissiya majlisi bayoni bilan tasdiqlanadi.
17. Test savollari va ularning javoblari komissiya kotibida saqlanadi va u ularning oshkor qilinmasligi uchun mas'ul hisoblanadi.
18. Imtihon o'tkazish uchun Markaz tomonidan alohida auditoriyalar ajratiladi va har bir auditoriyaga Markaz xodimlari orasidan auditoriya rahbari tayinlanadi.
19. Kirish imtihonlari komissiya tomonidan belgilangan kunda soat 9:30 da boshlanadi. Nomzodlar soat 9:00 dan 9:20 gacha imtihon o'tkaziladigan auditoriyaga kiritiladi.
Kirish imtihoniga kelmagan (soat 9:20 dan keyin imtihon o'tkaziladigan auditoriyada bo'lmagan) nomzodlar uchun qo'shimcha imtihon o'tkazilmaydi.
20. Kirish imtihoni o'tkazilayotgan auditoriyaga mikrokalkulyator, jadval, kitob, uyali telefon, kompyuter, telekommunikasiya vositalari va shpargalkalar olib kirish taqiqlanadi.
21. Nomzodga test topshiriqlarini bajarish uchun 50 ta test savoli beriladi.
Test savollari 4 ta blokdan iborat bo'lib, matematika, fizika hamda informatika va axborot texnologiyalari fanlari bo'yicha — 15 tadan hamda tegishli tayyorlash va qayta tayyorlash yo'nalishiga oid mutaxassislik bo'yicha — 5 ta test savoli bo'ladi.
22. Test savollarini echish uchun 2 soat vaqt beriladi.
23. Nomzodlarga beriladigan test savollari kitob shaklida bo'ladi va uning titul varag'ida nomzodning F.I.O., tegishli tayyorlash va qayta tayyorlash yo'nalishi nomi, kirish imtihoni o'tkazilgan kun va auditoriya raqami, auditoriya rahbarining F.I.O., test savollariga berilgan javoblarni tekshirish natijalari va tekshirgan shaxsning (shaxslarning) F.I.O. va imzosi ko'rsatiladi.
24. Har bir test savolida 4 tadan javob varianti beriladi. Nomzodlar test savollarini echishda faqat bitta to'g'ri javobni belgilashi lozim.
To'g'ri javob test savoli kitobidagi test savolining o'zida belgilanadi. Bunda test savolida berilgan variantlardan (A, B, C, D) biri havorang pastali sharikli ruchkadan foydalanilgan holda doiraga olish orqali belgilanadi.
Test savolida faqat bitta to'g'ri javob belgilanishi lozim.
Javoblarni belgilashda o'chirish va tuzatishlarga hamda bir nechta javobni belgilashga yo'l qo'yilmaydi.
Javoblar to'g'ri belgilanishi uchun nomzod shaxsan javobgardir. Javoblarni noto'g'ri belgilagan nomzodlarning e'tirozi ko'rib chiqilmaydi.
25. Kirish imtihonini topshirish vaqtida nomzodning auditoriyadan chiqishi taqiqlanadi, nomzodning sog'lig'i yomonlashgan holatlar bundan mustasno.
26. Nomzodga kirish imtihonini qayta topshirishga ruxsat berilmaydi.
27. Test sinovlarini o'tkazish vaqtida test sinovlari o'tkazilayotgan auditoriyada nomzodlar, auditoriya rahbari va komissiya a'zolaridan tashqari boshqa shaxslarning bo'lishi taqiqlanadi.
28. Test sinovlarini o'tkazishni boshlashdan avval auditoriya rahbari nomzodlarga kirish imtihonlarini o'tkazish tartibini tushuntirishi shart.
29. Test topshiriqlarini belgilangan muddatdan oldin bajargan yoki test topshiriqlarini bajarish uchun ajratilgan vaqt tugagach, nomzodlar test materiallarini auditoriya rahbariga topshiradi.
30. Komissiya a'zolari imtihon o'tkazilgan kundan boshlab ikki kun ichida test savollariga berilgan javoblarni tekshirib, natijalarni (to'g'ri va noto'g'ri javoblar soni) tegishlicha har bir nomzodning test kitobi titul varag'iga yozib qo'yishi shart.
31. Nomzodning test savollariga bergan to'g'ri javoblari komissiya tomonidan quyidagicha baholanadi:
matematika fani bo'yicha berilgan har bir to'g'ri javob uchun — 4,1 ball;
fizika fani bo'yicha berilgan har bir to'g'ri javob uchun — 3,1 ball;
axborot texnologiyalari va informatika fani bo'yicha berilgan har bir to'g'ri javob uchun — 2,1 ball;
tegishli tayyorlash va qayta tayyorlash yo'nalishiga oid mutaxassislik bo'yicha berilgan har bir to'g'ri javob uchun — 1,1 ball qo'yiladi.
32. Markazga nomzodlarni o'qishga qabul qilish test sinovlari natijalariga ko'ra to'plangan ballarning reyting tizimi bo'yicha amalga oshiriladi.
Test sinovlari natijalariga ko'ra eng yuqori ball to'plagan nomzodlar tegishli kvota doirasida o'qishga qabul qilinadi.
33. Kirish imtihoni natijalari komissiya tomonidan test savollariga berilgan javoblar natijalarini barcha nomzodlarning test kitobi titul varag'iga yozilgandan keyin bir kun ichida e'lon qilinadi. Test sinovlari natijalari Markazning e'lonlar taxtasiga osib qo'yiladi va bir vaqtning o'zida Markazning rasmiy veb-saytiga joylashtiriladi.
34. Test sinovlari natijalariga ko'ra eng yuqori ball to'plagan (tegishli kvota doirasida) nomzodlarning ro'yxati komissiya majlisi bayoni bilan tasdiqlanadi.
35. Komissiya majlisining bayoni asosida Markaz direktori tomonidan nomzodlarni o'qishga qabul qilish to'g'risida buyruq chiqariladi.
Markazda o'qitish boshlangan kundan boshlab 10 kun ichida o'z xohishiga ko'ra o'qish istagi bo'lmagan o'quvchi ariza bilan murojaat qilganda, uning o'rniga qabul kvotasi doirasida to'plangan ballarning reytingi bo'yicha o'qishga qabul qilinadigan nomzodlar chizig'ining pastki qismida eng yuqori ball to'plagan nomzod o'qishga qabul qilinadi.
36. O'qishga qabul qilingan o'quvchilar haqidagi ma'lumot buyruq chiqarilgan kundan boshlab uch kun ichida Markaz tomonidan yo'llanma bergan tegishli tuman (shahar) Bandlikka ko'maklashish markaziga yuboriladi.
37. Kirish imtihoni natijalaridan norozi bo'lgan nomzod Markaz direktorining buyrug'i bilan tuziladigan apellyasiya komissiyasiga apellyasiya berish huquqiga ega.
38. Apellyasiya komissiyasi tarkibiga komissiya faoliyatida ishtirok etmagan Markaz xodimlari orasidan komissiya raisi va kamida to'rt nafar, qoida tariqasida, xar bir yo'nalish bo'yicha bittadan a'zo kiritiladi.
Nomzod kirish imtihoni natijasidan norozi bo'lgan taqdirda, kirish imtihoni natijasi e'lon qilingan vaqtdan boshlab 24 soat davomida apellyasiya berishi mumkin. Nomzod tomonidan berilgan appelyasiya apellyasiya komissiyasi tomonidan 24 soat ichida ko'rib chiqilishi lozim.
4-bob. Markazda o'quvchilarni o'qitish
39. O'qitish kunduzgi o'qish shaklida amalga oshiriladi.
40. O'qitish O'zbekiston Respublikasi Oliy va o'rta maxsus ta'lim vazirligining O'rta maxsus, kasb-hunar ta'limi markazi bilan kelishgan holda Markaz direktori tomonidan tasdiqlangan o'quv dasturiga (bundan buyon matnda o'quv dasturi deb yuritiladi) muvofiq amalga oshiriladi.
41. O'qitish jarayoni 6 oygacha Markazda nazariy va amaliy darslarni hamda 4 oygacha ishlab chiqarish amaliyotini o'z ichiga oladi.
42. O'quvchilarning o'quv dasturini o'zlashtirish darajasini aniqlash uchun Markazda joriy, oraliq va yakuniy nazorat turlari o'tkaziladi.
43. O'quvchining o'qitish (qayta tayyorlash) mobaynidagi har bir fan bo'yicha o'zlashtirishi «5» ballik tizim asosida butun sonlar bilan baholanadi.
44. Markazning ichki tartib va odob-axloq qoidalarini muntazam ravishda buzgan yoki o'quv dasturini o'z vaqtida o'zlashtirmagan yoxud uzrsiz sabablarga ko'ra 36 soatdan ortiq dars qoldirgan o'quvchilar o'quvchilar safidan chiqariladi.
5-bob. Yakuniy malaka imtihonlarini o'tkazish
45. O'quvchilarning o'qitish jarayonida egallagan bilimini va o'quv dasturini o'zlashtirish darajasini belgilash uchun Markazda yakuniy malaka imtihonlari o'tkaziladi.
46. Yakuniy malaka imtihonlari o'quvchilarning ishlab chiqarish amaliyoti tugagandan so'ng o'n besh kun ichida o'tkaziladi.
47. O'quv dasturini o'zlashtirgan o'quvchilar Markaz direktorining buyrug'iga asosan yakuniy malaka imtihoniga qo'yiladi.
48. Yakuniy malaka imtihonlari nazariy savol va kasbiy amaliy topshiriq shaklida o'tkaziladi. Bunda imtihon biletida 1 ta nazariy savol va 2 ta kasbiy amaliy topshiriq beriladi.
Imtihon savollari va kasbiy amaliy topshiriqlar o'quv dasturida o'rin olgan fanlar bo'yicha tuziladi.
Imtihon savollari va kasbiy amaliy topshiriqlar yakuniy malaka imtihonlari boshlanishidan ikki oy oldin Markazning rasmiy veb-saytiga joylashtirish orqali o'quvchilar e'tiboriga etkaziladi.
49. Yakuniy malaka imtihonlarini o'tkazish jadvali yakuniy malaka imtihonlari boshlanishidan kamida o'n besh kun oldin Markaz direktori tomonidan tasdiqlanadi va e'lonlar taxtasiga osib qo'yish orqali o'quvchilar e'tiboriga etkaziladi.
50. Yakuniy malaka imtihonlarini o'tkazish bo'yicha Markaz direktorining buyrug'i asosida malaka komissiyasi (bundan buyon matnda Malaka komissiyasi deb yuritiladi) tuziladi.
51. Malaka komissiyasiga Markaz joylashgan hududdagi tegishli Mehnat bosh boshqarmasi boshlig'i (u bo'lmaganda, uning vazifasini bajaruvchi shaxs) raislik qiladi. Markaz direktori Malaka komissiyasi raisi o'rinbosari hisoblanadi.
52. Malaka komissiyasiga har bir yo'nalish bo'yicha (4 ta yo'nalish bo'yicha) Markazning o'qituvchi va ustalari hamda boshqa korxona, tashkilot va muassasalarning (kelishuv asosida) soha mutaxassislari orasidan 4 tadan a'zo kiritiladi.
53. O'quvchilar nazariy savollarga bergan javoblariga qarab quyidagi mezonlar asosida «5» ballik tizimda baholanadi:
o'quvchi to'g'ri xulosa va qaror qabul qiladi, ijodiy fikrlay oladi, mustaqil mushohada yuritadi, amalda qo'llay oladi, mohiyatini to'liq tushunadi, biladi va aytib beradi deb topilganda — «5» ball;
o'quvchi mushohada yuritadi, amalda qo'llay oladi, mohiyatini tushunadi, biladi, aytib beradi va tasavvurga ega deb topilganda — «4» ball;
o'quvchi mohiyatini qisman tushunadi, biladi, aytib beradi va tasavvurga ega deb topilganda — «3» ball;
o'quvchi bilmaydi, aytib bera olmaydi va tasavvurga ega emas deb topilganda — «2» ball.
54. O'quvchilar kasbiy amaliy topshiriqni bajarishi quyidagi mezonlar asosida «5» ballik tizimda baholanadi:
o'quvchi topshiriqni to'g'ri va to'liq, mustaqil hamda amaliy metodik qo'llanmalardan foydalanmasdan bajardi deb topilganda — «5» ball;
o'quvchi topshiriqni to'g'ri va to'liq, mustaqil bajardi, biroq tegishli amaliy metodik qo'llanmalardan foydalandi deb topilganda — «4» ball;
o'quvchi topshiriqni to'g'ri va to'liq bajardi, biroq tegishli metodik qo'llanmalardan hamda ustaning og'zaki maslahatidan foydalandi deb topilganda — «3» ball;
o'quvchi tegishli metodik qo'llanmalardan hamda ustaning og'zaki maslahatidan foydalangan holda topshiriqni to'g'ri va to'liq bajara olmagan deb topilganda — «2» ball.
55. O'quvchi tomonidan nazariy savolga javob berilgandan hamda kasbiy amaliy topshiriq bajarilgandan so'ng, tegishli yo'nalish bo'yicha Malaka komissiyasining har bir a'zosi nomzodga o'zining bahosini qo'yadi. Komissiya a'zolari tomonidan qo'yilgan baholar muhokama qilinib, o'quvchiga o'rtacha arifmetik ball qo'yiladi.
56. Yakuniy malaka imtihoni natijalari imtihon yakunlangandan so'ng o'quvchilarga e'lon qilinadi.
57. O'rtacha arifmetik balli «3» balldan kam bo'lgan o'quvchi yakuniy malaka imtihonidan o'tmagan hisoblanadi.
58. Yakuniy malaka imtihonidan muvaffaqiyatli o'tgan (o'rtacha arifmetik balli «3» va undan yuqori bo'lgan) o'quvchilarga Malaka komissiyasi qaroriga asosan tegishli namunadagi diplom beriladi.
59. Yakuniy malaka imtihonidan o'tmagan o'quvchilarga Malaka komissiyasi qaroriga asosan imtihonni bir marta qayta topshirish imkoniyati beriladi.
Yakuniy malaka imtihonini qayta topshirishi lozim bo'lgan o'quvchilar ro'yxati, qayta topshirish kuni va vaqti Malaka komissiyasi qarorida ko'rsatiladi.
60. Yakuniy malaka imtihoniga uzrli sabablarga ko'ra kelmagan o'quvchilar Malaka komissiyasi qaroriga asosan 1 yil davomida o'tkaziladigan navbatdagi yakuniy malaka imtihoniga kelish va uni topshirish huquqiga ega.
61. Yakuniy malaka imtihonlari natijasidan norozi bo'lgan o'quvchilar Markaz direktorining buyrug'i bilan tuziladigan apellyasiya komissiyasiga apellyasiya berish huquqiga ega.
62. Apellyasiya komissiyasi tarkibiga komissiya faoliyatida ishtirok etmagan Markaz xodimlari orasidan komissiya raisi va kamida to'rt nafar, qoida tariqasida, har bir yo'nalish bo'yicha bittadan a'zo kiritiladi.
O'quvchi yakuniy malaka imtihonlari natijasidan norozi bo'lgan taqdirda, yakuniy malaka imtihonlari natijasi e'lon qilingan vaqtdan boshlab 24 soat davomida apellyasiya berishi mumkin. O'quvchi tomonidan berilgan appellyasiya apellyasiya komissiyasi tomonidan 24 soat ichida ko'rib chiqilishi lozim.
6-bob. Yakuniy qoida
.63. Mazkur Nizom O'zbekiston Respublikasi Oliy va o'rta maxsus ta'lim vazirligining O'rta maxsus, kasb-hunar ta'limi markazi bilan kelishilgan.
Oliy va o'rta maxsus ta'lim vazirligining O'rta maxsus, kasb-hunar ta'limi markazi direktori U. SALIMOV


Azal-azaldan xalqimizning ezgu va go'zal qadriyatlarini, uning olijanob orzu-intilishlarini o'zida mujassam etib, qadim ajdodlarimizdan bizga o'lmas meros sifatida bezavol o'tib kelayotgan Navro'zi olam mustaqillik yillarida mamlakatimizda yashayotgan millati, tili va dinidan qat'iy nazar, barcha vatandoshlarimiz orziqib kutadigan, tom ma'nodagi umumxalq bayramiga aylanib qoldi.
Sharqona yangi yilning boshlanishi, tabiat uyg'onishining ramzi, asl milliy, eng ardoqli bayram bo'lmish Navro'zning yurtimizda mehr-oqibat, hamjihatlik, insoniylik, bag'rikenglik va bunyodkorlik, xayr-saxovat muhitini yanada mustahkamlash, yosh avlodni milliy an'analarimizga sadoqat va umuminsoniy qadriyatlarga hurmat ruhida kamol toptirishdagi o'rni va ta'siri tobora ortib borayotganini inobatga olib hamda bu qutlug' ayyomni yuksak saviyada nishonlash maqsadida:
1. 2017 yilgi Navro'z umumxalq bayramiga tayyorgarlik ko'rish va uni o'tkazish bo'yicha tashkiliy qo'mita tarkibi ilovaga muvofiq tasdiqlansin.
* Ilova berilmaydi.
Tashkiliy qo'mita Navro'z bayramini poytaxtimiz Toshkent shahrida, Qoraqalpog'iston Respublikasi va viloyatlar markazlarida, barcha shahar, tuman va qishloqlarda umumxalq sayillari shaklida yuqori darajada o'tkazishga qaratilgan tashkiliy-amaliy, madaniy-ma'naviy tadbirlar rejasini o'n kun muddatda ishlab chiqsin va amalga oshirsin.
2. Tadbirlar rejasini tayyorlashda quyidagi masalalarga alohida e'tibor qaratilsin:
Navro'z kunlarida insonning tabiat bilan uzviyligini, o'zini uning ajralmas bir qismi sifatida his etishini ifoda etadigan, atrof-muhitni, ona zaminni ardoqlab, uning ne'matlarini, bugungi tinch hayotni qadrlab, shukronalik tuyg'usi bilan yashashga da'vat qiladigan ma'naviy-ma'rifiy tadbirlarni uyushtirish;
barcha shahar va qishloqlarda bo'lib o'tadigan tadbirlarda, ommaviy axborot vositalarida Navro'z bayramining tarixi, uni nishonlash bilan bog'liq urf-odatlar, an'analar va qadriyatlarimizning mohiyati va ahamiyatini keng yoritish;
Navro'zning ruhi va falsafasida o'z aksini topgan mehr-muruvvat, ahillik va totuvlik, yoshi ulug' insonlar, tabarruk otaxon va onaxonlarni har tomonlama e'zozlash, ko'makka muhtoj insonlarga beg'araz yordam berish bilan bog'liq xayriya tadbirlarini amalga oshirish;
yangi dehqonchilik mavsumining boshlanishi, yasharish va yangilanish, qut-baraka, obodlik va farovonlik ramzi bo'lmish Navro'z faslida mahallalarda, shahar va qishloqlarda hasharlar, keng ko'lamdagi obodonchilik va ko'kalamzorlashtirish ishlarini tashkil etish;
Qoraqalpog'iston Respublikasi, viloyatlar va Toshkent shahrida bo'lib o'tadigan sayillarga folklor guruhlari, badiiy havaskorlik jamoalari, dorbozlar, sirk artistlari, oilaviy ansambllar, baxshilar, shoirlar, shuningdek, professional ijrochilar va iste'dodli estrada artistlarini keng jalb etish;
sayil dasturlarini tayyorlashda xalq o'yinlari, folklor san'atining eng yaxshi namunalarini, elu yurtning dilidan chuqur joy olgan, qadimiy urf-odatlar, ezgu insoniy tuyg'ularni tarannum etadigan kuy va qo'shiqlar, o'lan va laparlarga keng o'rin berish.
3. Belgilab qo'yilsinki, o'tkaziladigan bayram tadbirlari:
Qoraqalpog'iston Respublikasi byudjeti va viloyatlarda mahalliy byudjetlar hamda joylardagi homiylik xayriyalari hisobidan;
Toshkent shahrida respublika byudjeti va Toshkent shahar mahalliy byudjeti mablag'lari hisobidan teng ulushlarda qoplanadi.
4. O'zbekiston Milliy axborot agentligi, O'zbekiston Milliy teleradiokompaniyasi, «Jahon» axborot agentligi va boshqa ommaviy axborot vositalariga Navro'z umumxalq bayramiga tayyorgarlik ko'rish va uni o'tkazish bo'yicha amalga oshirilayotgan ishlarni atroflicha yoritib borish tavsiya etilsin.
5. Mazkur qarorning ijrosini ta'minlash O'zbekiston Respublikasining Bosh vaziri A.N. Aripov zimmasiga yuklansin.

Ushbu qaror «Xalq so'zi» gazetasining 2017 yil 2 martdagi 44 (6738)-sonida e'lon qilingan.
O'zbekiston Respublikasi Prezidenti Sh. MIRZIYoYEV


O‘zbekiston Respublikasi Prezidenti Shavkat Mirziyoyev 2-mart kuni Birlashgan Millatlar Tashkiloti Bosh kotibining siyosiy masalalar bo‘yicha yordamchisi Miroslav Yenchani qabul qildi.

Davlatimiz rahbari mehmonni qutlar ekan, BMT Bosh kotibi Antoniu Guterrishning O‘zbekiston Respublikasi ushbu tashkilotga a’zo bo‘lganining 25-yilligi munosabati bilan yo‘llagan tabrigi uchun minnatdorlik bildirdi hamda O‘zbekiston BMT va uning tashkilotlari bilan hamkorlik munosabatlarini mustahkamlashda davom etishini ta’kidladi. Prezidentimiz BMTning global xavfsizlik va barqarorlikni saqlash, ijtimoiy-iqtisodiy va ekologik muammolarni hal etish, terrorizm, ekstremizm, narkotrafik, uyushgan jinoyatchilik hamda bugungi kunning boshqa xavf va tahdidlariga qarshi kurashishda tutgan muhim o‘rnini alohida qayd etdi.

Mamlakatimiz bilan BMTning samarali hamkorligi yillarida O‘zbekiston tomonidan ilgari surilgan Markaziy Osiyoda yadro qurolidan xoli hudud barpo etish, Afg‘onistonga qurol-yarog‘ olib kirishga embargo qo‘yish, “6+2” muloqot guruhini tuzish, shuningdek, mintaqamizda taraqqiyotga erishish, Orol dengizi qurishining oqibatlarini bartaraf etish masalalarini global darajaga ko‘tarish va boshqa ko‘plab tashabbuslar nafaqat BMT doirasida, balki xalqaro miqyosda qo‘llab-quvvatlandi.

Suhbat chog‘ida hamkorlikning dolzarb yo‘nalishlari bo‘yicha fikr almashildi va ko‘rib chiqilgan barcha masalalar bo‘yicha tomonlarning pozitsiyasi o‘xshash ekani ta’kidlandi. Istiqbolda o‘zaro munosabatlarni kengaytirishning ustuvor yo‘nalishlari ham muhokama qilindi.

Davlatimiz rahbari mamlakatimiz va butun Markaziy Osiyoda amalga oshirilayotgan rivojlanish jarayonlarida BMTni yanada faol ishtirok etishga, shuningdek, xavfsizlikni ta’minlash borasidagi mintaqaviy dolzarb masalalarni hal qilishda hamkorlikda ishlashga da’vat etdi.

Miroslav Yencha samimiy qabul uchun Prezidentimiz Shavkat Mirziyoyevga chuqur minnatdorlik bildirib, BMT O‘zbekiston bilan aloqalarni yanada mustahkamlashga, o‘zaro manfaatli barcha yo‘nalishlarda keng ko‘lamli hamkorlikni rivojlantirishga tayyorligini ta’kidladi.
 

Qarshida Janubi-g'arbiy  maxsus harbiy okrug serjantlar tayyorlash maktabi bitiruvchilariga sertifikat va ko'krak nishonlari topshirildi.

Shu munosabat bilan o'tkazilgan tadbirda Birinchi Prezidentimiz rahnamoligida  mamlakatimiz Qurolli Kuchlarida amalga oshirilgan keng ko'lamli islohotlar yuksak samaralar berayotgani, O'zbekiston o'zining zamonaviy, ixcham va harakatchan, yaxshi qurollangan, yurtimiz  tinchligi, sarhadlarimiz daxlsizligi va xalqimizning osoyishta hayotini ishonchli himoya qilishga qodir milliy armiyasiga ega bo'lgani alohida  ta'kidlandi.

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 186 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Bosh sahifa

Qabul kunlari

A- A A+

Rahbariyatga murojaat etish

Rahbariyatga murojaat etish

Viloyat hokimligining umumiy bo'limiga murojjat etish (Yangi oynada ochiladi)

Mobil versiya

Mobil versiyaga o'tish

Bog'lanish

Ishonch telefon raqami 
0(371) 200-55-05 
Ishonch telefon raqami reglament
Yagona telefon raqami
0(375) 221-07-60 
Yagona telefon raqami reglamenti

Batafsil>>>

Biz bilan bog'lanish

Sahifa adressi

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset