wrapper

Chorshanba, 20 Fevral 2019 00:00

Qashqadaryoda iqtidorli karatechilar saralandi

Avtor
Xabar berganimizdek, Oʻzbekiston karate Milliy federatsiyasi tomonidan yurtimizda ushbu sport turini keng ommalashtirish, hududlarda seleksiya jarayonlarini oʻtkazish orqali iqtidorli yoshlarni tanlab olishga alohida eʼtibor qaratilmoqda.
 Bu esa oʻz navbatida Oʻzbekiston oʻsmirlar va yoshlar terma jamoalariga munosib zaxirani shakllantirishda muhim ahamiyat kasb etadi. Qolaversa, terma jamoamiz aʼzolari ham ortidan munosib oʻrinbosarlar yetishib kelayotganini bilsa, oʻz ustida yanada koʻproq ishlashga harakat qiladi, intiladi. Bu shubhasiz oʻzbek karatesi manfaatlariga xizmat qiladi.

 Shu sababli Oʻzbekiston karate Milliy federatsiyasi ishchi guruhi tomonidan joylarda faol seleksiya jarayoni oʻtkazilmoqda. Jumladan, 13-14 fevral kunlari Qashqadaryo viloyatida ham iqtidorli yoshlar saralab olindi. Unda viloyatning barcha hududlaridan 8-12 yoshdagi oʻgʻil bolalar va qizlar imtihondan oʻtkazildi.

Taʼkidlash joiz, bugungi kunda Oʻzbekiston karate Milliy federatsiyasi barcha yoshdagi terma jamoalarda teng kuchli bir nechta tarkibni shakllantirishga jiddiy eʼtibor qaratgan. Bu esa asosiy tarkib uchun raqobatning oʻsishiga xizmat qiladi. Raqobat esa tabiiyki yoshlarning mahorati ortishiga xizmat qiladi.
Shu maʼnoda aytish joizki, Oʻzbekiston karate Milliy federatsiyasi tomonidan joylarda oʻtkazilayotgan seleksiya jarayoni yurtimizda ushbu sport turi taraqqiyotini taʼminlaydi.
photo5413815872021179095.jpg

 

 

 

photo5413815872021179096.jpg

 

 

 

photo5413815872021179097.jpg

 

 

 

photo5413815872021179098.jpg

 

 

 

photo5413815872021179101.jpg


OʻzA

Qarshi shahridagi “Nasaf mebel” masʼuliyati cheklangan jamiyati 2010 yilda tashkil topgan boʻlib, bugun korxonada 47 nafar ishchi xodim faoliyat koʻrsatmoqda. Ularning faoliyati buyruqlar asosida qonuniylashtirilgan.
 

 

Oʻzbekiston Respublikasi Prezidentining 2018 yil 29 iyundagi “Oʻzbekiston Respublikasining soliq siyosatini takomillashtirish konsepsiyasi toʻgʻrisida”gi farmoniga asosan, 2019 yil 1 yanvardan boshlab barcha fuqarolar uchun jismoniy shaxslardan olinadigan daromad soligʻining yagona stavkasi 12 foiz etib belgilandi. Shundan 0,1 foizini shaxsiy jamgʻarib boriladigan pensiya hisob varaqlariga yoʻnaltirish maqsad qilingan. Bunda ayrim toifadagi fuqarolarning eng kam oylik ish haqining 4 baravari miqdoridagi daromadlarini soliq solishdan ozod qilishning amaldagi tartibi saqlab qolinadi. Shuningdek, fuqarolarning mehnatga haq toʻlash turidagi daromadlaridan Byudjetdan tashqari pensiya jamgʻarmasiga ushlab qolinadigan sugʻurta badallari bekor qilinadi.

 

 

 

Masalan, oʻtgan yilda umumtaʼlim maktabi oʻqituvchisining oyligi oʻrtacha 2 million soʻm shartli olganimizda u shu oylik maoshidan qoʻliga 1 million 583 ming soʻm olgan. Daromad soligʻi stavkasining 12 foizga tushirilishi natijasida uning qoʻliga tegadigan ish haqqi 1 million 760 ming soʻmni tashkil etadi.

 

 

 

Aynan shu yangilikni oʻzi xoʻjalik yurituvchi subyektlarida norasmiy faoliyat koʻrsatayotgan ishchilarni qonuniy tarzda ishga qabul qilish imkonini yaratdi.

 

 

 

– Korxonamizda 25 nafar xodim ishlaydi, – deydi Qarshi shahrida faoliyat koʻrsatayotgan “Marjon pristij” xususiy korxonasi bosh hisobchisi Javlon Itolmasov. – Soliq yukining kamayishi natijasida barcha xodimlarimizni buyruqlashtirdik. Yanvar oyida sogʻlomlashtirish markazini tashkil etdik. Natijada 10 nafar xodim qonuniy, buyruq asosida ishga qabul qilindi.

 

 

 

Qarshi shahridagi “Nasaf mebel” masʼuliyati cheklangan jamiyati 2010 yilda tashkil topgan boʻlib, ichki bozorga mebel mahsulotlari yetkazib beradi. Bugun korxonada 47 nafar ishchi xodim faoliyat koʻrsatmoqda. Ularning faoliyati buyruqlar asosida qonuniylashtirilgan.

 

 

 

– Korxonamiz tomonidan yuzdan ortiq turdagi mahsulotlar ishlab chiqarilmoqda, – deydi Qarshi shahridagi “Nasaf mebel” masʼuliyati cheklangan jamiyati rahbari Abror Sayfiyev. - Ishchi xodimlarning daromad soligʻi stavkasining pasayishi natijasida biz ularga qonuniy haq toʻlaymiz. Yana bir jihati buyruq asosida ishlaydigan xodim shu tashkilotga mehr qoʻyadi. 

 

 

 

Umumiy hisoblarga qaraganda viloyatda oʻtgan olti oy davomida xoʻjalik yurituvchi subyektlar tomonidan 15 ming nafardan ortiq fuqaroning faoliyati rasmiylashtirilgan.

 

 

 

Jismoniy shaxslardan olinadigan daromad soligʻi stavkasining pasaytirilishi korxona va tashkilotlarga xodimlarni faoliyatini toʻliq qonuniylashtirishga zamin yaratsa, fuqarolar uchun mehnat staji hisoblanishi, pensiyaga chiqish davrida vujudga kelishi mumkin boʻlgan muammolarni oldini oladi. 


Oʻ.Barotov, OʻzA

Chorshanba, 20 Fevral 2019 00:00

BAHODIR BOQIYEV – O‘ZBEKISTON CHEMPIONI

Avtor

oraqalpog‘iston Respublikasining Nukus shahrida sambo ko‘rashi bo‘yicha erkaklar, ayollar hamda jangovor sambo yo‘nalishlarida O‘zbekiston chempionati bo‘lib o‘tdi.

E’tiborga molik jihati, musobaqaning jangovar sambo yo‘nalishida 62 kilogramm vazn toifasida viloyatimiz vakili Bahodir Boqiyev barcha raqiblarini mag‘lub etib, shohso‘paning eng yuqori pog‘onasiga ko‘tarildi.

Shuningdek, ushbu yo‘nalishda viloyatimiz vakillaridan 74 kilogramm vazn toifasida Suhrob Bo‘riyev, 90 kilogramm vazn toifasida esa Anzur Qo‘ziyev va Jo‘rabek Xidirovlar 3-o‘rin sohibiga aylanishdi.

An’anaviy sambo kurashining erkaklar o‘rtasidagi bahslarida esa vakillarimizdan Hasan Hurramov (62 kilogramm), Davlat Abrayev (82 kilogramm) hamda Botir Xoliyorov (90 kilogramm) bronza medaliga ega chiqqan bo‘lsa, ayollar o‘rtasida Maftuna Ergasheva (60 kilogramm) uchinchi o‘rinni egallab, sovrindorlar safidan joy oldi.

Jahongir BOYMURODOV

Jahonda yuqori nufuzga ega “Al-bader International Development So W.L.L.” kompaniyasi delegatsiyasi viloyatimizga mehmon bo‘lib kelgan.  Qashqadaryoda investitsiyaviy faoliyat yuritishga jiddiy qiziqish bildirgan ushbu jamoaga kompaniya ijrochi direktori Ali Ramadan Mahmud boshchilik qilmoqda.

 

18-fevral, ya’ni tashrifning dastlabki kuni delegatsiya a’zolari viloyat hokimligiga taklif qilindi. Avvaliga bu yerda mehmonlar uchun vohamiz iqtisodiy salohiyati haqida ma’lumot beruvchi ko‘rgazmali tadqimot o‘tkazildi. Kelgusida ro‘yobga chiqarilishi ko‘zda tutilgan, sanoat, turizm, qishloq xo‘jaligi yo‘nalishidagi loyihalar namoyish etildi.

 

 

Shundan so‘ng xorijiy kompaniya vakillari viloyat hokimi Zafar Ro‘ziyev qabulida bo‘lishdi. Uchrashuv chog‘ida tomonlar manfaatli hamkorlikni rivojlantirish masalalarini muhokama qilishdi. Bugun yurtimizda chet el sarmoyadorlari uchun qulay sharoitlar yaratib berilgani alohida ta’kidlandi. Quvaytlik investor esa xalq xo‘jaligining yetakchi sohalarida davlat-xususiy sherikchiligi asosida hamkorlik qilishga tayyorligini bildirdi.

 

Ikkinchi kun mehmonlar viloyatimizning diqqatga sazovor joylari bilan yaqindan tanishish imkoniga ega bo‘lishdi. Shu bilan nufuzli kompaniya delegatsiyasining viloyatimizga tashrifi yakunlandi.

 

 

Ma’lumot o‘rnida aytish joiz, “Al-bader International Development So W.L.L.” kompaniyasi AQSHda ro‘yxatdan o‘tgan bo‘lib, faoliyatini Osiyo, Yaqin Sharq va Afrika mamlakatlarida olib bormoqda. Kompaniya rahbari asli Quvayt davlati fuqarosi bo‘lgan Badr bin Hamud Al Bader hisoblanadi. Asosan mehmonxona, uy-joy qurilishi, tibbiyot xizmati ko‘rsatish, zamonaviy informatsion texnologiyalar, turizm va boshqa sohalarga sarmoya yo‘naltirib kelmoqda.

 

Qayd etish o‘rinli, mazkur kompaniyaning viloyatimiz iqtisodiyotiga qancha investitsiya olib kirishi mumkinligi hali aniq emas.

 

M.JO‘RAYEV

 

Murodulla KOMILOV olgan suratlar.

Ma’lumki, futbol bo‘yicha O‘zbekiston olimpiya terma jamoasi oldiga 2020-yili Yaponiyada bo‘lib o‘tadigan Olimpiada yo‘llanmasini qo‘lga kiritish vazifasi qo‘yilgan.

Yaqinda bu vazifani amalga oshirish uchun jamoaga bosh murabbiy sifatida serbiyalik mashhur mutaxassis Lyubinko Drulovich chaqirilgan edi. Ayni paytda olimpiyachilarimiz ushbu mutaxassis qo‘l ostida yig‘ilgan va mashg‘ulotlar olib bormoqda.

Ahamiyatli tomoni, yig‘inga “Nasaf” jamoasidan biryo‘la 10 nafar futbolchi chaqirilgan. Bular Umidjon Ergashev, Mashhurjon Muhammadjonov, SHerzod Nasrullayev, Dilshod Saidov, Ilhom Alijonov, Sharof Muhitdinov, Islom Rashidxonov, Islom Kenjaboyev, Bobir Abduholiqov va Azizjon G‘aniyevdir.

Eslatib o‘tamiz, olimpiya terma jamoamiz 14-fevralga qadar Toshkentda mashg‘ulotlar olib boradi va 15-25- fevral kunlari tayyorgarlikni Ispaniyada davom ettiradi.

J.BOYMURODOV

Avval xabar berganimizdek, Ozarbayjonning yetakchi ishlab chiqaruvchilaridan biri - "Matanat A" kompaniyasi vakillaridan iborat delegatsiya Qamashi tumaniga kelgandi.

Investorlar hududdagi shart-sharoit, ishbilarmonlik muhiti, infratuzilma, xom ashyo bazasi bilan yaqindan tanishgan va zamonaviy qurilish materiallari ishlab chiqarishga qiziqish bildirgan.

Viloyat hokimligi kotibiyat mudiri Ulug‘bek Ernazarovning ma’lum qilishicha, ushbu tanishuvdan so‘ng chet ellik hamkorlar viloyatimizda biznes boshlashga jiddiy qaror qilishgan. Ahamiyatlisi, Ozarbayjon Respublikasi iqtisodiyot vazirining mamlakatimizga tashrifi doirasida "Matanat A" kompaniyasi rahbariyati va Qashqadaryo viloyati hokimligi o‘rtasida hamkorlik memorandumi imzolangan. Marosimda viloyat hokimining o‘rinbosari Oybek Shagazatov qatnashgan.

Ta’kidlanishicha, mazkur firma taklif etgan istiqbolli loyiha qiymati 20 million AQSH dollariga baholangan. Uning doirasida Qamashi tumanida gipsokarton, quruq qurilish qorishmasi singari raqobatbardosh mahsulotlar ishlab chiqaruvchi yirik quvvatni ishga tushirish belgilangan. Asosiysi, xom ashyo muammo bo‘lmaydi, chunki bu hududda qurilish materiallari tayyorlashda ishlatiladigan gipsning salmoqli zaxirasi mavjud.

M.SHUHRATOV

Muborak tumanida huquqni muhofaza qiluvchi organlar tomonidan maxsus taktik o‘quv mashg‘uloti o‘tkazildi. Unda huquq-tartibot organlarning jamoat tartibi va xavfsizlikni ta’minlashdagi mas’uliyatini kuchaytirish, fuqarolarning huquq va manfaatlarini himoya qilishda, kutilmagan vaziyatlarda kuch va vositalar, zamonaviy boshqaruv usullarini qo‘llagan holda xavfni bartaraf etishda ichki ishlar organlarini yuqori tayyorgarlikka keltirishga asosiy e’tibor qaratildi.

 Viloyat IIBdan ma’lum qilishlaricha, hududda favqulodda vaziyatlar sodir bo‘lganda shaxsiy tarkib tomonidan to‘g‘ri qaror qabul qilish hamda belgilangan vazifa va topshiriqlarni mahorat bilan bajarish, maxsus rejalarga asosan ishlarning puxta tashkillashtirilishi o‘quv mashg‘uloti davomida o‘rganilib, amalda sinovdan o‘tkazildi.

 Shartli ravishda garovga olingan shaxslarni ozod qilish, jinoyatchilarni zararsizlantirish va qo‘lga olish bo‘yicha soha xodimlari professional mahorat va jangovar shaylik darajasini namoyon etdi.

 N.XO‘JAYEV

O‘zbekiston Respublikasi Prezidentining viloyatimiz shahar va tumanlaridagi Xalq qabulxonalariga 15 ta “Cobalt” rusumli zamonaviy xizmat avtomobillari berildi.

 Viloyat hokimi Zafar Ro‘ziyev, viloyat Xalq qabulxonasi mudiri Abduhalim Xolmahmatov, viloyat prokurori Botir Yusupov va ichki ishlar boshqarmasi boshlig‘i Dilshod Tursunbayev xizmat avtomobillari kalitini o‘z egalariga topshirdi.

 Tadbir davomida Prezidentimizning joriy yil 17-yanvardagi “Aholi muammolari bilan ishlash tizimini yanada takomillashtirish chora-tadbirlari to‘g‘risida”gi farmoni bilan 2019-yil 1-fevraldan Xalq qabulxonalari muammolarni odatdagi tartibga qo‘shimcha tarzda uyma-uy yurish orqali aniqlashi va hal etishi belgilangani, soha xodimlari uchun yaratilayotgan sharoitlar faoliyat samaradorligini yanada oshirishi, ayniqsa, chekka qishloqlarga borish va u yerda istiqomat qilayotgan yurtdoshlarimiz muammolarini hal etish imkoniyatini kengaytirishi qayd etildi.

Koreya Respublikasining “Luminaire Technology Co., LTD” kompaniyasi 10 nafar rasmiy vakilidan iborat delegatsiya viloyatimizda mehmon bo‘lib turibdi. Koreyaning biznesmenlari  Mirishkor tumanida sarmoyaviy faoliyatni amalga oshirishga jiddiy qiziqish bildirmoqda. Bu haqda tuman hokimining o‘rinbosari Nodir Yusupov ma’lum qildi.

Mutasaddining bildirishicha, asosan ko‘cha yoritgichlari ishlab chiqarish bilan shug‘ullanuvchi mazkur kompaniya Mirishkorda xuddi shu yo‘nalishda korxona tashkil etishi mumkin. Qat’iy kelishuvga borishdan avval chet ellik investorlar vohamizdagi shart-sharoit, ishbilarmonlik muhiti bilan yaqindan tanishishni ma’qul ko‘rishgan. Mirishkor tumanida kelgusida ishga tushishi ehtimoli bo‘lgan yangi korxona qurish uchun maqbul hisoblangan joylarni ham ko‘zdan kechirishgan.

E’tiborlisi, ushbu tashrif avvalida koreyalik mehmonlar viloyat hokimi Zafar Ro‘ziyev qabulida bo‘lishgan. Uchrashuv asnosida xorijlik ishbilarmonlar o‘z mahsulotlari taqdimotini ham o‘tkazishgan. Kompaniya ishlab chiqarayotgan ko‘cha yoritgichlari Qarshi shahrida sinab ko‘rildi.

Qayd etish joizki, tomonlar hali aniq bir qarorga kelmagani bois kiritilajak sarmoya miqdori, yaratilajak ish o‘rni va korxona quvvati ma’lum emas.

M.JO‘RAYEV

M.KOMILOV olgan surat.

seshanba, 05 Fevral 2019 00:00

O‘quvchilar mutolaaga oshno bo‘lishadi

Avtor

Joriy yilning 4-fevralidan 25-mayiga qadar yurtimiz bo‘ylab “Kitob haftaligi” o‘tkazilmoqda.

Haftalik tadbirlari ona tili va adabiyot fani darslarida, tarbiyaviy soatlar jarayonida hamda o‘quvchilarning darsdan bo‘sh vaqtida tashkil etilishi belgilangan. Jadvalga binoan har hafta belgilangan adabiyotlar sinflar kesimi bo‘yicha mutolaa qilinadi.

Axborot-resurs markazi, sinf rahbarlari, ona tili va adabiyot fani o‘qituvchilari, kutubxonachilar va yoshlar yetakchilari ishtirokida “Kitob haftaligi”ni mazmunli o‘tkazish reja-jadvali ishlab chiqilgan.

Ayni paytda viloyatimizdagi barcha ta’lim darogohlarida belgilangan reja asosida tadbirlar tashkil etilmoqda.

- Haftalik doirasidagi tadbirlar o‘quvchilarning adabiyotga, kitobga bo‘lgan mehrini yanada oshirishga xizmat qiladi, - deydi Qarshi shahridagi 44-maktab o‘qituvchisi Lobar Qodirova. – Ular yoshiga mos tarzda tanlangan o‘zbek milliy hamda jahon adabiyoti namoyandalarining sara asarlarini, she’r, hikoya, qissa hamda qiziqarli ertaklar mutolaa qilishmoqda.

Adabiyotshunoslar, ijodkorlar, kutubxona mutaxassislari, tajribali o‘qituvchilarning tadbirga jalb etilib, o‘quvchilarga muayan asar haqida turli ma’lumotlarni berishi ham ularning bilimlarini yanada boyitishga xizmat qiladi.

S.ALLAYOROVA

S.NARZIYEV olgan surat.

Page 1 of 34

Bazaviy interaktiv xizmatlar

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 473 mehmonlar va ro'yhatdan o'tgan foydalanuvchilar 0

Foydali resurslar

O‘zbekiston Respublikasi Prezidentining Matbuot xizmati
www.press-service.uz
   
O‘zbekiston Respublikasi Oliy Majlisining Senati
www.senat.uz
   
O‘zbekiston Respublikasi Oliy Majlisining Qonunchilik palatasi
www.parliament.gov.uz
   
O‘zbekiston Respublikasining Hukumat portali
www.gov.uz
   
O‘zbekiston Respublikasi Oliy Majlisining Inson huquqlari bo‘yicha vakili (ombudsman)
www.ombudsman.uz
   
O‘zbekiston Respublikasi Bosh prokuraturasi
www.prokuratura.uz
   
 
Aloqa, axborotlashtirish va telekommunikatsiya texnologiyalari sohasida nazorat bo'yicha davlat inspeksiyasi
http://gis.uz/

 

Mobil ilovalar

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family
Reset