wrapper

Maxsus imkoniyatlar
Sport

Sport (25)

DUNYO POLVONLARI SHAHRISABZDA BELLASHDI

Milliy kurashimiz bir necha ming yillik tarixga ega. Qadimiy qo‘lyozmalarda eramizdan oldingi davrlarda ham bu sport turi ommaviy musobaqalar tarkibidan munosib o‘rin olganligi haqidagi ma’lumotlar uchraydi.

Muqaddas zaminimizda tug‘ilib o‘sgan, nomlari afsonayu dostonlarga aylanib ketgan o‘nlab bahodirlar katta davralarda kurash tushib, o‘zbek nomini butun olamga taratgan. Buyuk ajdodimiz Amir Temur ham o‘z askarlari mahoratini sport tadbirlari asosida doimiy oshirib borgani bizga tarixdan ma’lum. Albatta, Sohibqiron harb amaliyotlari oldidan kechgan tayyorgarlik jarayonida odamlarini turli jang san’ati, usullari, xususan, kurash asosida chiniqtirganiga shubha yo‘q.

Mamlakatimiz mustaqillikka erishganidan so‘ng esa o‘zbek milliy kurashi haqiqiy ma’noda yangicha rivojlanish bosqichiga o‘tdi. Ko‘plab an’anaviy turnirlar, xalqaro musobaqalar tashkil etila boshlandi. Bugun dunyoning hamma qit’alarida o‘zbek milliy kurashi bilan muntazam shug‘ullanayotgan sportchilar ko‘pchilikni tashkil etadi. Unga qiziqish tobora oshib bormoqda. Bu Shahrisabz shahrida o‘tkazilgan O‘zbekiston Prezidenti sovrini uchun Amir Temur xotirasiga bag‘ishlangan VII xalqaro turnirda yana bir marotaba o‘z ifodasini topdi.

Turnirning tantanali ochilish marosimida viloyat hokimi Zafar Ro‘ziyev, O‘zbekiston Respublikasi Jismoniy tarbiya va sport vaziri Shoakram Isroilov, Kurash xalqaro assotsiatsiyasi asoschi raisi Komiljon Yusupov o‘zbek milliy kurashi bugun dunyoning barcha mintaqalarida jadal rivojlanib, nufuzi yuksalib borayotganini, jumladan, ushbu sport turi Indoneziyaning Jakarta shahrida o‘tkaziladigan XVIII yozgi Osiyo o‘yinlari dasturlari tarkibiga rasman kiritilgani, Sohibqiron Amir Temur xotirasiga bag‘ishlangan xalqaro turnir “Osiyo olimpiadasi” oldidan qit’amiz kurashchilari uchun muhim tayyorgarlik bosqichi vazifasini o‘tashini ta’kidlashdi va turnir ishtirokchilariga omad tiladilar.

- Bugungi musobaqaning o‘ziga xos ramziy ma’nosi ham bor, - deydi Komiljon Yusupov. - Endigina davlatimiz mustaqillikka erishgan bir paytda, 1992-yilning avgust oyida xuddi mana shu o‘yingohda milliy kurash bo‘yicha birinchi rasmiy turnir o‘tkazilgan edi. Shundan so‘ng, o‘zbek kurashini targ‘ib qilish, dunyoga tanitish bo‘yicha juda katta ishlar amalga oshirildi. Bu sa’y-harakatlar o‘z natijasini ko‘rsatdi. Mana, Shahrisabz yana kurash bo‘yicha yirik, xalqaro musobaqaga mezbonlik qilayapti.

Darhaqiqat, o‘zbek kurashining nufuzi yuksalib, ushbu sport turiga  qiziqish tobora ortib borayapti. Dunyoning turli mamlakatlaridan kelgan sportchilar, mutaxassislar, ommaviy axborot vositalari xodimlarining e’tirofi ham shundan darak.

- So‘nggi yillarda yurtimizda ko‘plab yoshlar o‘zbek kurashi bilan shug‘ullanmoqda, - deydi eronlik polvon Jafar Pahlavoniy. – Shu sport turi bo‘yicha yangi-yangi nomlar kashf etilayapti.  Shahrisabzdagi xalqaro turnirga ham qator sportchilar, murabbiylar va jurnalistlardan iborat kattagina delegatsiya bilan keldik.

Umumiy sovrin jamg‘armasi 50 ming AQSH dollarini  tashkil etgan turnirda dunyoning 30 ga yaqin mamlakatidan tashrif buyurgan uch yuzga yaqin polvon erkaklar o‘rtasida 73, 81, 90 va mutlaq, ayollar o‘rtasida esa 57 va 78 kilogramm vazn toifalarida g‘oliblik uchun bahs olib bordi.

Qizg‘in va murosasiz o‘tgan bahslarda vazn toifasi 57 kilogrammgacha bo‘lgan ayollar o‘rtasida g‘oliblik o‘zbekistonlik Gulnor Sulaymonovaga nasib etdi. 78 kilogrammgacha bo‘lgan vazn toifasida yana bir yurtdoshimiz – Gulnoza Matniyazova g‘alaba qozondi.

Erkaklar o‘rtasida 73 kilogramm vazn toifasida tojikistonlik Behruzi Xodjazoda g‘oliblikni qo‘lga kiritgan bo‘lsa, 81 kilogramm vazn toifasida eronlik Ilyas Ali-Akbari shohsupaga ko‘tarildi. 90 kilogramm vazn toifasida ham Tojikiston vakili – Kamronshoh Ustapiryon g‘olib bo‘ldi.

Mutlaq vazn toifasidagi bahslar ayniqsa, qiziqarli kechdi. Yarim finalda g‘uzorlik aka-uka – Sherali va Ilhom Jo‘rayev bir-biriga ro‘baro‘ keldi. Ilhom akasi foydasiga bahsdan voz kechdi. Sherali Jo‘rayev esa hayajonli kechgan finalda eronlik Jafar Pahlavoniy ustidan g‘alaba qozonib, O‘zbekiston Respublikasi Prezidenti sovrini - 10 ming AQSH dollari bilan mukofotlandi. Shu tariqa Jafar Pahlavoniy ikkinchi, hamyurtimiz Ilhom Jo‘rayev va mo‘g‘ulistonlik Anar Dorch uchinchi bo‘ldi. Ushbu vazn toifasida ikkinchi o‘rin g‘olibi 7,5 ming, uchinchi o‘rin g‘oliblari esa har biri 2,5 ming AQSH dollarini qo‘lga kiritdi.

Jahongir BOYMURODOV

Batafsil

Quvnoq startlar"dan jahon chempionligigacha

Kishi hayotda hech qachon biror marraga shunchaki erishmaydi. Qo‘lga kiritilgan har bir yutuq zamirida o‘z vaqtida to‘g‘ri qo‘yilgan qadam, tirishqoqlik, sabr-toqat bilan yillar davomida qilingan mehnat yotadi.

Qarshi tumanidagi 59-o‘rta maktabning 10-sinf o‘quvchisi, sportning taekvondo turi bo‘yicha jahon chempioni Malika Choriyeva ham bugun erishgan yutuqlarini ana shu jihatlar   bilan bog‘laydi.

- Aslida sportga qiziqishimga jismoniy tarbiya ustozim - Rustam  Suyarov sabab bo‘lgan, - deydi u. - U kishi darslardagi faolligimni ko‘rib, maktab miqyosida tashkil etiladigan "Quvnoq startlar" musobaqalariga qatnashishga undagan. 2010-yilda maktabimizda o‘zbek jang san’ati to‘garagi tashkil etilgach, akam bilan ushbu to‘garakka qatnay boshladik. O‘sha vaqtlardayoq chempion bo‘lishga qat’iy ahd qilgandim. Shu bois mashg‘ulotlarga astoydil kirishdim. Harakatlarim va ustozim Asqar Nikkiyevning ko‘rsatmalari, maslahatlari natijasida dastlab viloyat miqyosidagi musobaqalarda yuqori o‘rinlarni egalladim. Keyin esa ketma-ket 5 marotaba O‘zbekiston chempioni bo‘ldim.

Hayotda shunday insonlar ham borki, qaysi vazifani bajarishni topshirmang, a’lo darajada uddalaydi. Shuning uchun bundaylarga qobiliyatli, iqtidorli, deya ta’rif beriladi. Malika Choriyeva ham qobiliyatli yoshlar sirasidan. U sportning o‘zbek jang san’ati bilan astoydil shug‘ullanib kelib, taqdir taqozosi bilan yo‘nalishini ozgina o‘zgartirdi - maktabdagi boshqa sport to‘garagi - taekvondo ITF bo‘yicha mashg‘ulotlarga qatnay boshlaydi.

Ko‘p o‘tmay ushbu sport turida ham yuqori natijalarni zabt etishga kirishdi. 6 karra O‘zbekiston chempionati, 2 marotaba xalqaro turnirlarning yuqori probali medallari bilan qaytdi. 2016-yilda O‘zbekiston terma jamoasi safiga qabul qilindi. Shu yili Belarusda bo‘lib o‘tgan jahon chempionatida shohsupaning eng yuqori pog‘onasiga ko‘tarildi. 2017-yilda esa unga "Xalqaro toifadagi sport ustasi" unvoni berildi.

Malika Choriyevaning sport sohasida erishgan yutuqlari, mamlakatimiz sportiga qo‘shayotgan hissasi hukumatimiz tomonidan ham munosib e’tirof etildi. Xususan, Prezidentimizning 2018-yil 2-martdagi qaroriga asosan Malika Choriyeva Zulfiya nomidagi Davlat mukofoti bilan taqdirlandi.

- Bu mukofotni Prezidentimiz menga bildirgan ulkan ishonch namunasi deb bilaman, - deydi Malika. - Endi bor kuch va mahoratimni ana shu ishonchni oqlash uchun qaratmoqchiman. Nasib etsa, turli xalqaro musobaqalarda yurtimiz bayrog‘ini baland ko‘tarish, olimpiada chempioni bo‘lish - eng asosiy  maqsadim. Hozirgi kunda esa, ustozim - akam Shohrux Choriyev murabbiyligida may oyida Mo‘g‘uliston poytaxtida bo‘lib o‘tadigan Osiyo chempionatiga tayyorgarlik ko‘rayapman. Ushbu chempionatdan ham   albatta, chempion bo‘lib qaytishni niyat qilganman.

 

Manba: Qashqadaryogz.uz

Batafsil

Yosh shaxmatchilar bahslashdi

Qarshi shahridagi “Nuriston” akademik litseyida “Yoshlar shaxmat taxtasi” respublika ochiq turnirining viloyat bosqichi bo‘lib o‘tdi.

Turnirda 8 yoshdan 19 yoshgacha bo‘lgan o‘g‘il-qizlar 6 yosh toifasida (8 yoshgacha, 10 yoshgacha, 12 yoshgacha, 14 yoshgacha, 16 yoshgacha va 19 yoshgacha) o‘zaro kuch sinashdi.

– Ushbu musobaqa yurtimizda yoshlar o‘rtasida shaxmat sport turini yanada ommalashtirish, havaskorlar va yosh shaxmatchilarning malakasini oshirish, o‘quvchilarning bo‘sh vaqtlarini mazmunli tashkil etishga ko‘maklashish, yoshlar o‘rtasida sog‘lom turmush tarzini qaror toptirish maqsadida tashkil etildi, – dedi O‘zbekiston yoshlar ittifoqi viloyat kengashi matbuot kotibi Ahror Sodiqov. – Joriy yilda turnirning saralash bosqichida 63 ming nafardan ziyod viloyatimiz yoshlari  ishtirok etdi. Ular orasidan eng yaxshi natija ko‘rsatib, yuqori o‘rinlarni qo‘lga kiritgan 180 nafar ishtirokchi viloyat bosqichida bahs olib borishdi.

Musobaqa yakuniga ko‘ra, viloyat bosqichida g‘oliblikni qo‘lga kiritgan 12 nafar yosh musobaqaning final bosqichida ishtirok etish imkoniga ega bo‘ldi.

 

Ma’lumot o‘rnida keltirib o‘tamiz, musobaqaning yakuniy respublika  bosqichi aprel oyida Surxondaryo viloyatida o‘tkazilishi rejalashtirilgan. 

 

Jahongir BOYMURODOV

Manba: Qashqadaryogz.uz

Batafsil

“Al Sad” – “Nasaf” o'yinoldi rasmiy tadbirlari haqida

Osiyo chempionlar ligasining 4-tur doirasidagi “Al Sadd” – “Nasaf” uchrashuvi oldidan,  12 mart dushanba kuni bir qator rasmiy tadbirlar bo'lib o'tadi.
Dastlab har ikkala klub rasmiylari ishtirokidagi o'tkaziladigan miting, Toshkent vaqti bilan soat 13:00da boshlanadi. Mitingda uchrashuvni tashkil etish bo'yicha tashkiliy masalalar qatori, jamoalar qanday liboslarda maydonga tushishiga aniqlik kiritiladi.
Vakillarimiz ishtirokidagi matbuot anjumani, 12 mart kuni Toshkent vaqti bilan soat  18:30da boshlanadi.
Mezbon jamoa vakillari ishtirokidagi matbuot anjumani esa, Toshkent vaqti bilan soat 19:00da boshlanadi.
Rasmiy tadbirlarning barchasi o'yin bo'ladigan, “Jassim Bin Hamad” stadionida tashkil etiladi.
Eslatib o'tamiz, “Al Sadd” – “Nasaf” uchrashuvi 13 mart kuni  Toshkent vaqti bilan soat 20:15da boshlanadi.

Batafsil

Viloyatimizda «kelajagimiz umidlari» bolalar futbol festivali bo'lib o'tdi

Joriy yilning 16-19 fevral kunlari Qarshi shahridagi “Geolog” sport majmuasida O'zbekiston futbol assosiasiyasi, viloyat hokimligi, viloyat futbol federasiyasi hamda boshqa mutasaddi tashkilotlar hamkorligida “Kelajagimiz umidlari” shiori ostida bolalar futbol festivali o'tkazildi.
– Bolajonlarni millionlar o'yini – futbolga qiziqtirish va ushbu sport turiga mehr uyg'otish maqsadida tashkil etilgan ushbu festival to'rt kun davom etdi, - deydi viloyat futbol federasiyasi vise-prezidenti Norqul Daminov. – Unda Qarshi va Shahrisabz shaharlari  va barcha tumanlardan 1-sinfdan 4-sinfgacha bo'lgan 400 nafar jajji o'quvchilar ishtirok etdi. Har bir sinf uchun alohida bir kun ajratildi, ya'ni festivalning birinchi kuni 100 nafar 1-sinf o'quvchilari qatnashgan bo'lsa, keyingi kunlarda o'tgan musobaqalarda  ikkinchi, uchinchi va to'rtinchi sinf o'quvchilari ishtirok etishdi.

Batafsil

“Nasaf”ning guruhdagi ilk raqibi haqida“Nasaf”ning guruhdagi ilk raqibi haqida

Yana ikki kundan so'ng, aniqrog'i 13 fevralda “Nasaf” jamoasi Osiyo Chempionlar ligasi guruh bosqichining ilk uchrashuvini Eron poytaxtida “Persepolis”ga qarshi o'tkazadi.
“Persepolis” jamoamizning guruhdagi eng jiddiy raqiblaridan biridir. “Qizil armiya”, “qizillar”, “sherlar” laqablari bilan mashhur ushbu klub 1963 yilda tashkil etilgan. Uy uchrashuvlarini mamlakat poytaxtidagi mashhur “Ozodiy” stadionida o'tkazadi.

Batafsil

“Nasaf” futbolchisi osiyo chempionatining eng yaxshi o'yinchisi deb topildi

Xabaringiz bor, 9-27 yanvar kunlari Xitoyda olimpia terma jamoalari (U-23) o'rtasida Osiyo chempionati bo'lib o'tdi. Unda Ravshan Haydarov bosh murabbiyligidagi  O'zbekiston U-23 terma jamoasi juda ishonchli o'yinlar namoyish etib, yakunda chempionlikka erishdi.
Yosh futbolchilarimizning tarixiy g'alabasi xalqimizga ulkan quvonch va shodlik baxsh etdi. Ularning qalbida faxr-iftixor tuyg'ularini jo'sh urdirib yubordi. Butun xalqimiz bu g'alabani katta hayajon va xursandchilik bilan qarshi oldi.

Batafsil

“Qashqadaryoda ko‘rishguncha!”

Qarshi temir yo‘l vokzalida Jizzax shahrida bo‘lib o‘tgan "Barkamol avlod - 2017" sport o‘yinlarida ishtirok etgan viloyatimiz delegatsiyasi a’zolari tantanali kutib olindi. Marosimda viloyat hokimligi, davlat va jamoat tashkilotlari vakillari, sportchi yoshlarning ota-onalari ishtirok etdi.
Ta’kidlab o‘tish joiz, yosh avlodni sog‘lom va barkamol qilib voyaga yetkazish, mamlakatimiz dovrug‘ini dunyoga tanitishda sportning o‘rni juda muhim. Shu bois mustaqillikning ilk yillaridanoq yurtimizda sportni ommalashtirishga katta e’tibor qaratilmoqda. Ayniqsa, Birinchi Prezidentimiz Islom Karimov tashabbusi bilan joriy etilgan, dunyoda o‘xshashi yo‘q uch bosqichli tizim - "Umid nihollari", "Barkamol avlod" hamda Universiada sport o‘yinlari yoshlarimiz o‘rtasida sportga bo‘lgan qiziqishni yanada oshirdi. An’anaviy tarzda tashkil etib kelinayotgan bu musobaqalar o‘z nufuzi, ahamiyati va miqyosiga ko‘ra, "Kichik Olimpiada" deya e’tirof etilayotgani ham bekorga emas. Zero, mazkur an’anaviy o‘yinlar xalqaro Olimpiada talablariga qat’iy amal qilgan holda hamda xolislik, halollik, adolat, totuvlik kabi mezonlar asosida o‘tkazilishi bilan ajralib turadi.

25-27-may kunlari Jizzax shahrida ushbu uch bosqichli musobaqalarning o‘rta bo‘g‘ini - "Barkamol avlod" sport o‘yinlari doirasida mamlakatimiz akademik litsey va kasb-hunar kollejlarining 898 o‘quvchisi sportning 17 turi bo‘yicha bellashuvlarda ishtirok etdi. Ular 193 ta oltin, 193 ta kumush va 214 ta bronza medali uchun bahs olib borishdi. Musobaqalarda viloyatimiz vakillari ham ko‘pgina sport turlari bo‘yicha munosib kurash olib borishdi. Jumladan, futbol bo‘yicha terma jamoamiz a’zolari yarim final bahslarida xorazmlik tengdoshlariga hech qanday imkoniyat qoldirmagan bo‘lsa, finalda Farg‘ona viloyati vakillari ustidan irodali g‘alabaga erishib, birinchi o‘rinni qo‘lga kiritdi.

-  Ayniqsa, farg‘onaliklar bilan bo‘lgan o‘yin juda hayajonli kechdi, - deydi terma jamoamiz a’zosi, Qarshi olimpiya zaxiralari kolleji o‘quvchisi Mirzabek Jonimqulov. - Sababi, finalning mas’uliyati juda katta bo‘ladi. Asosiy vaqtda 1:1 hisobi qayd etilib, kurash penaltilar seriyasiga qadar yetib bordi. 11 metrdan to‘p tepish bellashuvida esa omad biz tomonda bo‘ldi va 4:3 hisobida g‘alaba qozonib, oltin medallarni qo‘lga kiritdik.

Shuningdek, gandbol bo‘yicha qizlar terma jamoasi 3-o‘rinni egallagan bo‘lsa, suzish bo‘yicha umumjamoa hisobida xuddi shunday o‘rin qo‘lga kiritildi. Yengil atletikachilarimiz esa 8-o‘rinni egalladi. Shunga qaramay, yakkalik bahslarida oltin medallar ham bor. Xususan, Kasbi tumanidagi Denov qishloq xo‘jaligi kasb-hunar kolleji 1-bosqich o‘quvchisi Malika Vohidova 800 metr masofaga yugurish bahslarida ajoyib natija qayd etib, ancha nomdor raqiblarini ham ortda qoldirdi.

- Bu yil sportdagi faoliyatim yutuqlarga boy bo‘lmoqda, - deydi u. - May oyi boshida Buxoro shahrida bo‘lib o‘tgan O‘zbekiston chempionatida 1500 metrga yugurish bahslarida 1-o‘rinni, 800 metrga yugurishda esa 3-o‘rinni egallagan edim. "Barkamol avlod" musobaqasiga ham qattiq tayyorgarlik ko‘rdim. Intilishim o‘z natijasini berdi.

Musobaqalar natijasiga ko‘ra, eng ko‘p medal jamg‘arib, birinchi o‘rinni egallagan Toshkent shahri jamoasi bosh mukofot - O‘zbekiston Respublikasi Prezidentining "Barkamol avlod - 2017" sport o‘yinlari qatnashchilariga yo‘llagan tabrigining asl nusxasi va Prezident sovg‘asi - "Damas" avtomobili bilan taqdirlandi.
Umumjamoa hisobida ikkinchi o‘rinni egallagan Andijon viloyati va uchinchi pog‘onadan joy olgan Samarqand viloyati jamoalariga Prezident sovg‘asi - "Damas" avtomobillari topshirildi. Viloyatimiz vakillari esa 138 ochko jamg‘arib, 11-o‘rin bilan cheklanishdi.

Ma’lumot o‘rnida keltirib o‘tamiz, "Barkamol avlod" sport musobaqalari boshlangan 2001-yildan buyon viloyatimiz jamoasi qayd etgan eng yaxshi ko‘rsatkich 8-o‘rin bo‘lib qolmoqda. Bu natijaga 2005-yilda erishilgan. Qolgan musobaqalarda esa 10-o‘rindan yuqoriga o‘tilgani yo‘q. Xususan, 2001- va 2008-yilgi bahslarda 14 ta jamoa ichida eng oxirgi o‘rin egallangan bo‘lsa, 2011-yilda 11-, 2014-yilda 10- va 2017-yilda yana 11-o‘rin qo‘lga kiritilmoqda. Bu ushbu musobaqalarga tayyorgarlik jarayoniga ham jiddiy e’tibor qaratish, seleksiya ishlarini to‘g‘ri yo‘lga qo‘yish va malakali murabbiylarni jalb etish lozimligini ko‘rsatadi.

Jizzax shahrida bo‘lib o‘tgan musobaqaning yopilish marosimida ishtirokchilar "Qashqadaryoda ko‘rishguncha!" deya xayrlashishdi. Darhaqiqat, 2020-yilda bo‘lib o‘tadigan "Barkamol avlod" sport musobaqalarining final bosqichiga viloyatimiz mezbonlik qiladi. Umid qilamizki, o‘z uyimizdagi musobaqaga sportchilarimiz, murabbiylarimiz qattiqroq tayyorgarlik ko‘rishadi va sovrinli o‘rinlardan birini qo‘lga kiritamiz.

Batafsil

"Sevinch" etakchilikni qo'lga oldi

Poytaxtimizdagi "Yoshlik" sport majmuasida mini-futbol bo'yicha xotin-qizlar o'rtasida XIII O'zbekiston chempionatining birinchi bosqich ikkinchi tur uchrashuvlari bo'lib o'tdi.

Bu yilgi chempionat bahslarida to'qqizta jamoa o'zaro kuch sinashmoqda. Qoidaga ko'ra, dastlabki bosqichda har bir jamoa o'zaro bittadan o'yin o'tkazadi va eng kuchli olti jamoa ikkinchi bosqichda medallar uchun kurashni davom ettiradi.

Batafsil

"Nasaf"ning ishonchli g'alabasi

Qarshining "Nasaf" jamoasi Osiyo chempionlar ligasi saralash bosqichida Bahraynning "Al-Hidd" klubi bilan bahslashdi.

Poytaxtimizdagi "Bunyodkor" stadionida o'tgan uchrashuv boshidanoq tashabbusni o'z qo'liga olgan "Nasaf" jamoasi a'zolari hujumkor o'yin namoyish etdi. 16-daqiqada Akmal Shorahmedov uzatgan jarima to'pini Shahboz Erkinov boshi bilan raqib darvozasiga joylab, hisobni ochdi. Oradan o'n daqiqa o'tib, ayni shu vaziyat yana takrorlandi. Faqat bu gal Igor Golban golga mualliflik qildi: 2:0.

O'yinning ikkinchi yarmida qarshilik futbolchilar "Al-Hidd" darvozasiga yana ikkita to'p kiritdi. "Nasaf" jamoasi a'zolari Doniyor Narzullaev va Dragan Cheran raqib darvozasiga aniq zarba yo'llab, jamoasining yirik hisobdagi g'alabasiga o'z hissasini qo'shdi.

Uchrashuvda 4:0 hisobida g'alaba qozongan "Nasaf" jamoasi Osiyo chempionlar ligasining pley-off bosqichiga yo'l oldi. Mazkur bosqichda qarshilik futbolchilar Saudiya Arabistonining "Al-Fateh" klubi mehmoni bo'ladi. Uchrashuv 7 fevral kuni o'tkaziladi.

Batafsil

Manzilimiz


Manzil: Qashqadaryo viloyati, Qarshi shahri, Mustaqillik Maydoni,1
Pochta indeksi:180100
Telefon
: 0(375)221-12-88, 0(375)221-03-81
Faks
: 0(375)221-13-40
Veb-sayt
http://www.qashqadaryo.uz
Elektron pochta
Yaqin jamoat transport to`xtash joylari 
Milliy bank va Mustaqillik Maydoni bekati
Avtomashrut
1,4,5,7,10,18,20,22,23,27,
37,44,462,11,21,37,33

Hozir saytimizda

Bizning saytimizda 75 mehmonlar va ro'yhatdan o'tgan foydalanuvchilar 0

Bosh sahifa

Qabul kunlari

A- A A+

Rahbariyatga murojaat etish

Rahbariyatga murojaat etish

Viloyat hokimligining umumiy bo'limiga murojjat etish (Yangi oynada ochiladi)

Mobil versiya

Mobil versiyaga o'tish

Bog'lanish

Ishonch telefon raqami 
0(371) 200-55-05 
Ishonch telefon raqami reglament
Yagona telefon raqami
0(375) 221-07-60 
Yagona telefon raqami reglamenti

Batafsil>>>

Biz bilan bog'lanish

Sahifa adressi

Maxsus imkoniyatlar

K'orinish

Pastda o'zingizga kerakli parametrni tanlasng
Blue Green Red Radian
Select menu
Google Font
Body Font-size
Body Font-family